بٷگٸن قر پرەزيدەنتٸ قاسىم-جومارت توقاەۆ العاش رەت ٸس-ساپارمەن تٷركٸستان قالاسىنا كەلدٸ. مەملەكەت باسشىسى ەۋەلٸ قوجا احمەت ياساۋي كەسەنەسٸنە ات باسىن بۇرىپ, «ەزٸرەت سۇلتان» قورىق-مۋزەيٸن جاڭعىرتۋ جوسپارىمەن تانىستى, دەپ حابارلايدى "ۇلت اقپارات".
مەملەكەت باسشىسىنا مەدەني نىسانداردىڭ قايتا جٶندەۋ جۇمىستارى جەنە قورىق-مۋزەيدٸڭ اۋماعىن اباتتاندىرۋ بارىسى جٶنٸندە باياندالدى.
جۇمىس ساپارى بارىسىندا قاسىم-جومارت توقاەۆ «ۇلى دالا ەلٸ» ورتالىعى مەن ەكٸمشٸلٸك-ٸسكەرلٸك ورتالىقتاعى وبلىستىق ەكٸمدٸكتٸڭ, باسقارمالار عيماراتتارىنىڭ قۇرىلىسىن ارالاپ كٶردٸ. سونداي-اق, جاڭادان سالىنىپ جاتقان كونگرەسس حولل مەن مەديا ورتالىقتىڭ قۇرىلىس بارىسىمەن دە تانىستى.
ايتا كەتەيٸك, «ۇلى دالا ەلٸ» ورتالىعىنىڭ جالپى اۋماعى - 1,32 گەكتار. اتىراۋ وبلىسى تارتۋ ەتەتٸن عيمارات 2020 جىلى سالىنىپ بولماق. ال وبلىستىق ەكٸمدٸك پەن باسقارمالار, دەپارتامەنتتەر عيماراتتارىنىڭ قۇرىلىسىنا جاۋاپتى ەرٸ ورىنداۋشى - «BI group» كومپانيياسى. بۇل عيماراتتاردىڭ قۇرىلىسى اعىمداعى جىلى اياقتالادى دەپ كٷتٸلۋدە. كونگرەسس-حوللدىڭ اۋماعى 3,1 گەكتار جەرگە سالىنۋدا. ونىڭ قۇرىلىسىن جٷرگٸزٸپ جاتقان «BI group» جشس نىساندى 2020 جىلى پايدالانۋعا بەرەمٸز دەپ وتىر.
سونداي-اق الماتى قالاسى سالۋعا تيٸستٸ مەديا ورتالىق بيىل جەلتوقسان ايىندا پايدالانۋعا بەرٸلمەك. ونىڭ جالپى اۋماعى - 1,56 گەكتار جەردٸ الىپ جاتىر.
مەملەكەت باسشىسى جۋىردا عانا تۇساۋى كەسٸلگەن وبلىستىق «جاستار رەسۋرستىق ورتالىعىنا» دا ايالدادى. قاسىم-جومارت كەمەلۇلى ورتالىقتا «جاستارعا قىزمەت كٶرسەتۋ», «ەرٸكتٸلەر كلۋبى», «جاس سارباز», «تٸلدەر مەكتەبٸ» جەنە «Stem» جوبالارىمەن تانىستى. سونداي-اق, «TURKISTAN HUB» كوۆوركينگ ورتالىعىنىڭ رەزيدەنتتەرٸمەن كەزدەستٸ. بٷگٸنگٸ تاڭدا ورتالىق بٸر ۋاقىتتا 400-گە جۋىق جاسقا قىزمەت كٶرسەتە الادى.
پرەزيدەنت ساپارى تٷركٸستاندا «نۇرلى جەر» باعدارلاماسى بويىنشا سالىنىپ جاتقان تۇرعىن ٷيلەردٸڭ قۇرىلىسىمەن تانىسۋىمەن جالعاستى. جالپى اۋماعى 96 200 شارشى مەتردٸ قۇرايتىن 1560 پەتەرلٸك 26 كٶپقاباتتى تۇرعىن ٷي اعىمداعى جىلى ەل يگٸلٸگٸنە تاپسىرىلادى دەپ جوسپارلانعان.
.jpeg)