قر ەدٸلەت ۆيتسە-مينيسترٸ الما مۇقانوۆا ەلباسى تۋرالى كونستيتۋتسييالىق زاڭ كٷشٸن جويسا دا, پرەزيدەنت تۋرالى كونستۋتسييالىق زاڭ ەلباسىعا تٸيٸستٸ كەپٸلدٸكتەر بەرەتٸنٸن ايتتى, دەپ حابارلايدى قازاقپارات.
«زاڭ شىعارۋشىلار بۇرىنعى پرەزيدەنتتەردٸ جاۋاپكەرشٸلٸكتەن قورعايتىن نورمانى الىپ تاستاۋ تۋرالى شەشٸم شىعارسا, نۇرسۇلتان نازارباەۆتى جاۋاپقا تارتۋعا بولاتىنىن ايتىپسىز. بۇل قاشان ٸسكە اسادى?» - دەپ سۇرادى باق ٶكٸلدەرٸ ورتالىق كوممۋنيكاتسييالار قىزمەتٸندە ٶتكەن بريفينگٸدە.
«كەشە مەجٸلٸستٸڭ كەڭەيتٸلگەن وتىرىسىنان كەيٸن باق ٶكٸلٸ ماعان وسىعان ۇقساس سۇراق قويعان بولاتىن. مەن وعان ەلباسى تۋرالى زاڭدى جويۋ تۋرالى ۇسىنىس بٸزدٸڭ تۇجىرىمدامامىزدا بار ەكەنٸن تٷسٸندٸردٸم. ەگەر تٷزەتۋلەر قابىلدانسا, تيٸسپەۋشٸلٸك تۋرالى باپ ەلباسى وتباسىنىڭ مٷشەلەرٸنە قاراستىرىلمايتىن بولادى. بٸراق بٸزدە پرەزيدەنت تۋرالى كونستيتۋتسييالىق زاڭ جوباسى بار ەكەنٸن ەسكەرۋٸمٸز كەرەك. وندا بٷكٸل ەكس-پرەزيدەنتتەرگە قاتىستى نورمالار بار. ال ەلباسى تۋرالى بٶلەك جازىلماعان. وندا جالپى پرەزيدەنتتەرگە ٶكٸلەتتٸكتەرٸن اياقتاعاننان كەيٸن كەپٸلدٸكتەر بەرٸلەتٸنٸ تۋرالى ايتىلعان», - دەدٸ ۆيتسە-مينيستر.
ونىڭ ايتۋىنشا, پرەزيدەنت دەگەنٸمٸز – ساياسي تۇلعا.
«ول بٷكٸل مەملەكەتكە قاتىستى ٸشكٸ جەنە سىرتقى ساياساتپەن بايلانىستى تٷبەگەيلٸ شەشٸمدەر قابىلدايدى. سوندىقتان بٷكٸل ەكس-پرەزيدەنتتەردٸ قامتيتىن نورما تيٸستٸ كونستيتۋتسييالىق زاڭدا بار. ەلباسى تۋرالى زاڭ جوباسى جويىلسا دا, بٸزدە پرەزيدەنت تۋرالى كونستيتۋتسييالىق زاڭ جوباسىندا تيٸستٸ كەپٸلدٸكتەردٸ قامتيتىن نورمالار بار», - دەدٸ الما مۇقانوۆا.
