مەملەكەت باسشىسى پارلامەنت مەجٸلٸسٸنٸڭ تٶراعاسى ەرلان قوشانوۆتى قابىلدادى, - دەپ حابارلايدى "ۇلت اقپارات" اقورداعا سٸلتەمە جاساپ.
مەجٸلٸس سپيكەرٸ پرەزيدەنتكە دەپۋتاتتاردىڭ حالىقپەن ٶتكٸزگەن كەزدەسۋلەرٸنٸڭ قورىتىندىسى تۋرالى مەلٸمەت بەردٸ. مەجٸلٸس دەپۋتاتتارى الداعى رەفەرەندۋمنىڭ جەنە كونستيتۋتسيياعا ەنگٸزٸلەتٸن ٶزگەرٸستەردٸڭ ماڭىزدىلىعىن تٷسٸندٸرۋ ٷشٸن ٶڭٸرلەرگە ساپارمەن باردى.
دەپۋتاتتار كٷن سايىن 250-گە دەيٸن ٸس-شارا ٶتكٸزگەن. ەڭبەك ۇجىمدارىندا, بازارلاردا, ەلەۋمەتتٸك نىسانداردا جەنە شالعاي ەلدٸ مەكەندەردە ٶتكەن كەزدەسۋلەردە تۇرعىندارمەن اشىق پٸكٸر الماسۋعا باسا مەن بەرٸلدٸ. جالپى ازاماتتار ۇسىنىلىپ وتىرعان رەفورمالاردى قولدايدى جەنە رەفەرەندۋمعا قاتىسۋعا دايىن.
جالپىۇلتتىق رەفەرەندۋمعا قاتىستى تٷسٸندٸرۋ ناۋقانىنا AMANAT پارتيياسى دا اتسالىسقان. رەسپۋبليكالىق جەنە وبلىستىق شتابتار, مەسليحاتتاردىڭ بارلىق دەڭگەيٸندەگٸ فراكتسييا دەپۋتاتتارى مەن پارتييانىڭ جاستار قاناتى بەلسەندٸ جۇمىس ٸستەپ جاتىر.
مەجٸلٸس دەپۋتاتتارى ساپارلارىنىڭ بارىسىندا تۇرعىنداردى تولعاندىرىپ جٷرگەن ٶزەكتٸ مەسەلەلەر جٶنٸندە اشىق پٸكٸر الماستى. كٶتەرٸلگەن بارلىق مەسەلە بەكٸتٸلگەن الگوريتمگە سەيكەس ٷكٸمەتپەن بٸرلەسە جٷيەلەنٸپ, پىسىقتالادى.
ەرلان قوشانوۆ قاسىم-جومارت توقاەۆقا پالاتانىڭ زاڭ شىعارۋ قىزمەتٸ تۋرالى باياندادى. اتاپ ايتقاندا, سەسسييا باستالعالى بەرٸ 64 زاڭ جوباسى ماقۇلدانعان جەنە 51-ٸ قارالىپ جاتىر. ولاردىڭ ٸشٸندە مەملەكەت باسشىسىنىڭ تاپسىرمالارىن جٷزەگە اسىرۋ اياسىندا ەزٸرلەنگەن زاڭ جوبالارى دا بار.
پرەزيدەنتكە ٷكٸمەت پەن ەسەپ كوميتەتٸنٸڭ بىلتىرعى رەسپۋبليكالىق بيۋدجەتتٸڭ جۇمسالۋى جٶنٸندەگٸ ەسەبٸن قوعامدىق تىڭداۋعا, سونداي-اق سۋ رەسۋرستارى تۋرالى پارلامەنتتٸك تىڭداۋلار ٶتكٸزۋگە دايىندىق جۇمىستارىنىڭ بارىسى تۋرالى باياندالدى.
مەجٸلٸس تٶراعاسى پرەزيدەنتكە پارلامەنتتٸك ديپلوماتييا اياسىنداعى جۇمىستاردى كٷشەيتۋ جٶنٸندە مەلٸمەت بەردٸ. اتاپ ايتقاندا, مامىردا جامبىل وبلىسى قورداي اۋىلىنداعى شەكارا زاستاۆاسىندا قازاقستان مەن قىرعىزستان پارلامەنتتەرٸنٸڭ حالىقارالىق ٸستەر جەنە قورعانىس جٶنٸندەگٸ سالالىق كوميتەتتەرٸنٸڭ بٸرلەسكەن كٶشپەلٸ وتىرىسى ٶتكٸزٸلدٸ. وندا ەۋرازييالىق ەكونوميكالىق وداق اياسىنداعى ساۋدا-ەكونوميكالىق ىنتىماقتاستىقتى, كٶلٸك-لوگيستيكالىق جەنە كەدەندٸك رەسٸمدەردٸ جاقسارتۋ مەسەلەلەرٸ قاراستىرىلدى.
ماۋسىم ايىندا دەپۋتاتتار ارمەنيياداعى ۇقشۇ پارلامەنتتٸك اسسامبلەياسىنىڭ كەڭەسٸ مەن قىرعىزستانداعى تٷركٸتٸلدەس ەلدەردٸڭ پارلامەنتتٸك اسسامبلەياسى كەڭەسٸنٸڭ وتىرىستارىنا قاتىسادى دەپ جوسپارلانىپ وتىر. بۇل جيىنداردا زاڭ شىعارۋ قىزمەتٸ مەن سايلاۋدى باقىلاۋ جٶنٸندەگٸ ىنتىماقتاستىقتى نىعايتۋدىڭ پەرسپەكتيۆالارى تالقىلانباق.
