فوتو: اقوردا
قاسىم-جومارت توقاەۆ باۋىرجان مومىشۇلىنا «حالىق قاھارمانى» اتاعىن بەرۋ تۋرالى شەشٸم قابىلداعانىن مەلٸمدەدٸ, دەپ حابارلايدى Ult.kz.
"كەشە باۋىرجان مومىشۇلىنىڭ تۋعانىنا 115 جىل تولدى. داڭقتى قولباسشىنىڭ ناعىز ەرلٸك جولى ەلٸمٸزبەن قاتار, شەتەلدەردە ٶتە تانىمال.
حالقىمىز ونى قاھارمان تۇلعا رەتٸندە قۇرمەت تۇتادى. بٸراق ەيگٸلٸ باتىرعا رەسمي تٷردە «حالىق قاھارمانى» اتاعى بەرٸلمەگەن. وبلىس جۇرتشىلىعى, زييالى قاۋىم ٶكٸلدەرٸ, تٸپتٸ, جاستارىمىز دا وسى مەسەلەنٸ كٶتەرٸپ جٷرگەنٸن بٸلەمٸز. تاريحي ەدٸلدٸكتٸ قالپىنا كەلتٸرۋٸمٸز كەرەك", — دەدٸ ول.
پرەزيدەنت باتىردىڭ ەسٸمٸ ناعىز وتانشىلدىق پەن ٶشپەس ەرلٸكتٸڭ سيمۆولى رەتٸندە ەردايىم كٶپكە ٷلگٸ-ٶنەگە بولۋعا تيٸس ەكەنٸن ايتتى.
"سوندىقتان مەن مەملەكەت باسشىسى رەتٸندە باۋىرجان مومىشۇلىنا «حالىق قاھارمانى» اتاعىن بەرۋ تۋرالى شەشٸم قابىلدادىم. تيٸستٸ جارلىققا بٷگٸن قول قويدىم, بۇل قۇجات مٸندەتتٸ تٷردە جارييالانادى.
باتىردىڭ ەسٸمٸ ناعىز وتانشىلدىق پەن ٶشپەس ەرلٸكتٸڭ سيمۆولى رەتٸندە ەردايىم كٶپكە ٷلگٸ-ٶنەگە بولۋعا تيٸس.
باۋكەڭنٸڭ ەرلٸگٸ جاي اڭىز ەمەس, بۇل — ناقتى قۇجاتتارمەن دەلەلدەنگەن, ۇلى وتان سوعىسىنا قاتىسقان باتىرلار مويىنداعان سٶزسٸز ەرلٸك. ەلگە ەرلٸگٸمەن تانىلعان, ەڭبەگٸ سٸڭگەن ازاماتتارىن باعالاي بٸلگەن جۇرت ەشقاشان ۇتىلمايدى", — دەدٸ قاسىم-جومارت توقاەۆ.
سونىمەن قاتار پرەزيدەنت تارازدا جاڭادان اشىلعان ەسكەري مەكتەپ-ينتەرناتقا باۋىرجان مومىشۇلىنىڭ ەسٸمٸن بەرۋدٸ ۇسىندى.
"مەن بٷگٸن تارازدا جاڭادان اشىلعان ەسكەري مەكتەپ-ينتەرناتقا باردىم. بۇل — وڭتٷستٸك ايماقتاردا اشىلعان وسىنداي العاشقى وقۋ ورنى. مەن مەكتەپ-ينتەرناتقا وسى ٶلكەنٸڭ تۋماسى, ەيگٸلٸ باتىرىمىز باۋىرجان مومىشۇلىنىڭ ەسٸمٸن بەرۋدٸ ۇسىنامىن.
وسىنداي باۋىرجان مەكتەپتەرٸ بارلىق ايماقتا اشىلۋى كەرەك. ٷكٸمەت بۇل مەسەلەنٸ پىسىقتايدى. بٸز جاس ۇرپاققا ساپالى بٸلٸم بەرٸپ, ولاردى وتانشىلدىققا تەربيەلەۋٸمٸز قاجەت", — دەدٸ پرەزيدەنت.
