فوتو: Akorda.kz
حالىقارالىق «قازاق تٸلٸ» قوعامىنىڭ باسشىسى راۋان كەنجەحان مەملەكەت باسشىسى قاسىم-جومارت توقاەۆتىڭ قابىلداۋىندا بولىپ, پرەزيدەنتكە «قازاق تٸلٸ» قوعامىنىڭ قازٸرگٸ جاعدايى جەنە جوسپارلارى جايلى بايانداعانىن فەيسبۋكتاعى پاراقشاسىندا جازدى, – دەپ حابارلايدى "ۇلت اقپارات".
"تٸلدٸ تيٸستٸ بيٸگٸنە شىعارۋ ٷشٸن بٸزگە ناقتى شارۋا, سالا-سالا بويىنشا نەتيجە بەرەتٸن تۇراقتى جوبالار قاجەتتٸگٸن ايتتىم. مەملەكەت باسشىسى «قازاق تٸلٸ» قوعامى اياسىندا دايىندالعان وسى باعىتتاعى ۇسىنىستارمەن تانىسىپ, قولداۋ بٸلدٸردٸ, ٶز ويلارىن ايتتى.
جالپى تٸلدٸك احۋال, تٸلدٸڭ دامۋىنا قاتىستى كٶپ مەسەلە سٶز بولدى. پرەزيدەنت تٸل جاناشىرى قىرىنان تانىلدى. بالالاردىڭ تٸلٸ قازاقشا شىقپاي, شىقسا دا دۇرىس شىقپاي جاتقاندىعىن, قازاققا تەن تٶل دىبىستاۋ جٷيەسٸ, تٸل تازالىعى بۇزىلىپ جاتقاندىعىن مىسال كەلتٸرە وتىرىپ العا تارتتى. لاتىنعا كٶشەردە مۇنى دا ەسكەرۋ قاجەتتٸگٸن ايتىپ, لاتىنعا كٶشۋگە قاتىستى پٸكٸرٸمدٸ سۇرادى. كەيبٸر دىبىسقا تاڭبا تاڭداۋعا قاتىستى ٶز ويىن ايتتى. قالام الىپ, لاتىن ەرٸپتەرمەن بٸراز سٶز جازىپ كٶرسەتتٸ" - دەپ جازدى كەنجەحان.
ونىڭ سٶزٸنشە, پرەزيدەنت - تٸل مەسەلەسٸنە تەرەڭ بويلاعان, قازاق تٸلٸنٸڭ ٶركەن جايىپ, كەڭ قولدانىس تابۋىنا شىن ىقىلاستى تٸل جاناشىرى.
"مەملەكەت باسشىسى مىنا باعىتتاردا ناقتى دا, نەتيجەلٸ جۇمىس قاجەت دەپ تاپسىردى:
بٸرٸنشٸدەن, «قازاق تٸلٸ» قوعامىن تٸلدٸ دامىتۋ مۇراتىنا تيٸمدٸ قىزمەت ەتەتٸن, قارجىلاي قاۋقارلى, ۇيىمداستىرۋشىلىق ەلەۋەتٸ زور, ٸرٸ دە ٸرگەلٸ قوعامدىق ۇيىمعا اينالدىرۋ قاجەت. ول ٷشٸن مەملەكەت, بيزنەس, قوعام جەنە جەكە تٸل جاناشىرلارى كٷش بٸرٸكتٸرٸپ, جاڭاشا جۇمىس ٸستەۋٸمٸز كەرەك. سونىڭ بٸر تەتٸگٸ – “QAZAQ TILI” ەنداۋمەنت قورى.
ەكٸنشٸدەن, بالانىڭ تٸلٸن قازاقشا شىعارۋعا قاجەت قۇرالداردان باستاپ, ەر ادامنىڭ قازاق تٸلٸ اياسىندا تۇلعا جەنە مامان بولىپ قالىپتاسۋىنا, ەركٸن دامۋىنا قاجەت مازمۇن قورى كەرەك. اتاپ ايتساق, ەلەمنٸڭ انيماتسييا جاۋھارلارى, قازاق تٸلٸندەگٸ كينوپروكات, كلاسسيكالىق جەنە تانىمدىق كينو قورى جاسالىپ, ۇدايى جاڭارتىلۋى تيٸس. باسپا ٸسٸ باعىتىندا بالالار ەدەبيەتٸ, ٸسكەرلٸك ەدەبيەت, عىلىمي-تانىمدىق ەدەبيەت, اكادەمييالىق وقۋلىقتار باعىتتارى بويىنشا اۋقىمدى جەنە تۇراقتى جۇمىس قاجەت.
ٷشٸنشٸدەن, بٸلٸم بەرۋ جٷيەسٸندەگٸ قازاق تٸلٸ مەن ەدەبيەتٸن وقىتۋ ەدٸستەمەسٸ جەنە قۇرالدارىن جەتٸلدٸرۋ كەرەك. قازاق مەكتەبٸنٸڭ تٷلەگٸ قازاقشا ەركٸن سٶز ساپتاپ, ساۋاتتى دا, كٶركەم جازۋدى مەڭگەرٸپ شىعۋى تيٸس. ورىس تٸلدٸ مەكتەپتٸڭ تٷلەگٸ قازاقشا ەركٸن سٶيلەسٸپ, ويىن جەتكٸزۋگە شاماسى جەتۋٸ شارت. ول ٷشٸن مەكتەپ اياسىندا «وقۋ ساۋاتى» جەنە «جازۋ مەدەنيەتٸ» جوبالارىن ٸسكە اسىرامىز. ديكتانت, مازمۇنداما, شىعارما جازۋ, سٶيلەم تالداۋ بويىنشا ۇلتتىق بايقاۋلار مەن جارىستار ٶتكٸزەمٸز.
تٶرتٸنشٸدەن, قازٸرگٸ IT تەحنولوگييالاردى قازاق تٸلٸنٸڭ قىزمەتٸنە قويا بٸلۋٸمٸز قاجەت. بۇل باعىتتا عالامدىق الپاۋىتتاردىڭ كەڭ قولدانىستاعى پلاتفورمالارىن قازاقشالاۋ جەنە ٶز ماماندارىمىزدىڭ قازاقشا مەتٸن تانۋ, دىبىس تانۋ, قازاقشا سٶيلەۋ مەن جازۋعا, جالپى قازاقشا جۇمىس ٸستەۋگە كٶمەكتەسەتٸن جٷيەلەرٸن دامىتۋعا جاعداي جاساۋ مٸندەتٸ تۇر" - دەيدٸ حالىقارالىق «قازاق تٸلٸ» قوعامىنىڭ باسشىسى.
سونداي-اق ول انا تٸلٸمٸزدٸ دامىتۋعا ارنايى ۋاقىت, ەرەكشە كٶڭٸل بٶلٸپ, زور ىقىلاس تانىتقان پرەزيدەنت قاسىم-جومارت كەمەلۇلىنا بارشا تٸل جاناشىرلارى اتىنان ريزاشىلىق بٸلدٸردٸ.
