فوتو: اقوردا
پرەزيدەنت رەسپۋبليكا كٷنٸنە ارنالعان سالتاناتتى جيىندا سٶز سٶيلەدٸ. بۇل تۋرالى اقوردا مەلٸم ەتتٸ.
— بۇل كٷندٸ حالقىمىزدىڭ دەربەس ەل بولۋىنا جول اشقان قاستەرلٸ كٷن دەۋگە بولادى» «ەلٸمٸزدٸڭ ەڭ باستى مەرەكەسٸ — رەسپۋبليكا كٷنٸ قۇتتى بولسىن! ۇلتتىق مەيرام قارساڭىندا دەستٷرگە ساي اقوردا تٶرٸندە مەملەكەتٸمٸزدٸڭ ٷزدٸك ازاماتتارىمەن بٸرگە جينالىپ وتىرمىز. بيىل ەلٸمٸز ازاتتىقتىڭ مەرەيلٸ بەلەسٸنە جەتتٸ. وسىدان 35 جىل بۇرىن قازاقستاننىڭ ەگەمەندٸگٸ تۋرالى دەكلاراتسييا قابىلداندى. دەل وسى كٷنٸ سان عاسىرلىق مەملەكەتتٸلٸك دەستٷرٸمٸز قايتا جاڭعىردى. كٶپ ۇزاماي جۇرتىمىز تەۋەلسٸزدٸك بايراعىن كٶتەردٸ. تاريحي ەدٸلدٸك ورناپ, ۇلتتىڭ رۋحى اسقاقتادى. سوندىقتان بۇل كٷندٸ حالقىمىزدىڭ دەربەس ەل بولۋىنا جول اشقان قاستەرلٸ كٷن دەۋگە بولادى. تەۋەلسٸزدٸك — بەرٸنەن قىمبات قۇندىلىعىمىز. ونى ساقتاپ, نىعايتا تٷسۋ — بارشامىزعا ورتاق قاسيەتتٸ بورىش. ەگەمەندٸك — اتا-بابالارىمىزدىڭ ۇلت مٷددەسٸ جولىنداعى ٶشپەس ەرلٸگٸنٸڭ ايقىن كٶرٸنٸسٸ, — دەدٸ قاسىم-جومارت توقاەۆ.
مەملەكەت باسشىسى «بٸز ٶتكەننەن ساباق الىپ, ەشكٸمگە جالتاقتاماي, ٶز جولىمىزبەن جٷرٸپ كەلەمٸز» دەدٸ.
— زاڭعار ويشىل ەبٸش كەكٸلباەۆ „ٶتكەننەن تاعىلىم, ەرتەڭنەن ٷمٸت ٸزدەگەندەر عانا ٸلگەرٸ باسا الادى“ دەگەن. بٸز ەر كەزەڭدە ۇلت تاريحىندا ٶشپەس ٸز قالدىرعان بارلىق مەملەكەت جەنە قوعام قايراتكەرلەرٸنە قۇرمەت كٶرسەتەمٸز, ولاردى ەشقاشان ۇمىتپايمىز. سونىمەن بٸرگە كەلەشەككە ٷلكەن ٷمٸتپەن, زور سەنٸممەن قارايمىز, بيٸك ماقساتتارعا ۇمتىلامىز. وسى جىلداردا ەلٸمٸزدٸڭ باعىندىرعان بەلەستەرٸ از ەمەس. بٸز جەر جٷزٸنە ەگەمەن مەملەكەت رەتٸندە تانىلدىق. شەكارامىزدى شەگەندەپ, ٸرگەمٸزدٸ بەكٸتٸپ, قاۋٸپسٸزدٸگٸمٸزدٸ قامتاماسىز ەتتٸك. بٸرلٸگٸمٸزدٸ بەكەمدەپ, تاتۋلىق پەن تۇراقتىلىقتىڭ ارقاسىندا تٷرلٸ سىناقتاردان سٷرٸنبەي ٶتتٸك. بٷگٸندە جاھان جۇرتى ەلٸمٸزدٸڭ ٶسٸپ-ٶركەندەپ كەلە جاتقانىنا كۋە بولىپ, ٶز قۇرمەتٸن كٶرسەتۋدە. الايدا كەمشٸلٸكسٸز, مٸنسٸز جۇمىس بولمايتىنى انىق. بٸز ٶتكەننەن ساباق الىپ, ەشكٸمگە جالتاقتاماي, ٶز جولىمىزبەن جٷرٸپ كەلەمٸز. سوڭعى جىلدارى حالىقتىڭ ەل-اۋقاتىن ارتتىرۋ ٷشٸن اسا ماڭىزدى قادامدار جاسالدى. 2019 جىلى اۋقىمدى رەفورمالار قولعا الىندى. قازاقستان جاڭا تۇرپاتتى ەل بولۋ جولىنا تٷستٸ. جالپىحالىقتىق رەفەرەندۋم ارقىلى اتا زاڭىمىزعا تٷزەتۋلەر ەنگٸزٸلدٸ. پارلامەنتتٸڭ قۇزىرەتٸ كەڭەيدٸ, ٷكٸمەتتٸڭ جاۋاپكەرشٸلٸگٸ ارتتى. كونستيتۋتسييالىق سوت قۇرىلدى. ادام قۇقىقتارى جٶنٸندەگٸ ۋەكٸل ينستيتۋتى كونستيتۋتسييالىق مەرتەبەگە يە بولدى. بيىل شٸلدە ايىنان باستاپ كاسساتسييالىق سوت جٷيەسٸ ٸسكە قوسىلدى, بۇل قوعامىمىزدا ەدٸلەتتٸلٸكتٸ كٷشەيتۋگە جاعداي جاسادى, — دەدٸ پرەزيدەنت.
