قازاقستاندا شەتەلدٸك جۇمىسكەرلەردٸ تارتۋعا ارنالعان كۆوتا 40 پايىزعا قىسقارتىلدى, دەپ حابارلايدى "ۇلت اقپارات" قر پرەمەر-مينيسترٸنٸڭ باسپاسٶز قىزمەتٸنە سٸلتەمە جاساپ.
قازاقستاندا ەڭبەك قىزمەتٸن جٷزەگە اسىرۋ ٷشٸن جۇمىس بەرۋشٸلەرگە شەتەلدٸك جۇمىس كٷشٸن تارتۋعا بەرٸلگەن رۇقساتتىڭ شەكتٸ سانى 2020 جىلعا رەسپۋبليكاداعى جۇمىس كٷشٸنٸڭ سانىنا قاتىستى 29 292 بٸرلٸكتٸ نەمەسە 0,32%-دى قۇرادى.
«كۆوتا 2019 جىلى بەكٸتٸلگەن سانىمەن (48 700) سالىستىرعاندا 40 پايىزعا, ونىڭ ٸشٸندە 3 سانات بويىنشا (ماماندار) – 3 پايىزعا جەنە 4 سانات بويىنشا (بٸلٸكتٸ جۇمىسشىلار) – 23 پايىزعا قىسقارتىلدى. اقتٶبە, باتىس قازاقستان, قىزىلوردا جەنە سولتٷستٸك قازاقستان وبلىستارى 4 سانات بويىنشا شەتەلدٸك جۇمىسكەرلەردٸ تارتۋدان تولىقتاي باس تارتىپ, جۇمىس بەرۋشٸلەردٸڭ قاجەتتٸلٸگٸن جەرگٸلٸكتٸ ماماندار ەسەبٸنەن جابۋدى جوسپارلاپ وتىر», دەلٸنگەن حابارلامادا.
كۆوتانى قابىلداۋ ٸشكٸ ەڭبەك نارىعىن بٸلٸكتٸ ەمەس شەتەلدٸك جۇمىس كٷشٸنەن قورعاۋعا, قازاقستاندىق كادرلاردى كٶبٸرەك جۇمىسقا ورنالاستىرۋعا مٷمكٸندٸك بەرەدٸ, سونداي-اق جۇمىس بەرۋشٸلەردٸڭ بٸلٸكتٸ شەتەلدٸك جۇمىس كٷشٸنە دەگەن سۇرانىسىن قاناعاتتاندىرادى.
ەسكە سالا كەتسەك, 2019 جىلدىڭ 20 جەلتوقسانداعى ٶتكەن ۇلتتىق كەڭەستٸڭ ەكٸنشٸ وتىرىسىندا مەملەكەت باسشىسى قاسىم-جومارت توقاەۆ شەتەلدٸك جۇمىس كٷشٸن تارتۋعا كۆوتانى قىسقارتۋدى تاپسىرعان بولاتىن.
