باتىس قازاقستان وبلىسىندا ەلەكتر جەلٸلەرٸن قايتا جاڭعىرتۋ كٶزدەلۋدە. بۇل تۋرالى وبلىس ەكٸمٸ عالي ەسقاليەۆتٸڭ تٶراعالىق ەتۋٸمەن ٶتكەن كەڭەستە ايتىلدى, دەپ حابارلايدى "ۇلت اقپارات".
مەملەكەت باسشىسى قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا باتىس قازاقستان وبلىسىندا ەلەكتر جەلٸلەرٸنٸڭ 80 پايىزعا توزعاندىعىن سىنعا الىپ, وسىعان وراي مەسەلەنٸ شەشۋ جٶنٸندە تاپسىرما بەرگەن بولاتىن.
عالي ەسقاليەۆتٸڭ سٶزٸنە قاراعاندا, قازٸرگٸ كەزدە ەلەكتر جەلٸلەرٸن تاراتۋ كومپانيياسىنىڭ اكتسييالارى مەن مٷلكٸن كوممۋنالدىق مەنشٸككە بەرۋ مەسەلەسٸ سوتتا قارالىپ, شەشٸلۋدە.
«بۇل مەسەلە شەشٸلسە, بيۋدجەت ەسەبٸنەن جاڭعىرتۋ جۇمىستارىن جٷرگٸزۋگە مٷمكٸندٸك تۋار ەدٸ. ٶيتكەنٸ ەلەكتر جەلٸلەرٸ مەن جابدىقتارى ەبدەن توزعاندىقتان, مەسەلە كٷردەلەنٸپ تۇر. كٷشتٸ جەل تۇرسا, ەلەكتر جەلٸلەرٸ ٷزٸلٸپ جاتادى. كوممۋنالدىق مەنشٸككە بەرٸلگەننەن كەيٸن وبلىستىق جەنە رەسپۋبليكالىق بيۋدجەتتەن قانشا قارجى كەرەكتٸگٸن بٸلەتٸن بولامىز. وسى ورايدا ەلەكتر جەلٸلەرٸن قالپىنا كەلتٸرۋ جوسپارى جاسالدى», - دەدٸ ٶڭٸر باسشىسى.
«باتىس قازاقستان ەلەكتر جەلٸلەرٸن تاراتۋ كومپانيياسى» اق ديرەكتورى الحات ابزاليلوۆتٸڭ ايتۋىنشا, ەلەكتر جەلٸلەرٸ 82 پايىزعا توزعان.
«مەسەلەنٸ شەشۋ ٷشٸن 2021-2025 جىلدارعا ارنالعان «باتىس قازاقستان ەلەكتر جەلٸلەرٸن تاراتۋ كومپانيياسى» اق-نىڭ ەلەكتر جەلٸلەرٸن جاڭعىرتۋ جوسپارى جاسالدى. الدىن الا ەسەپ بويىنشا, جوبانى جٷزەگە اسىرۋعا 18,2 ملرد تەڭگە قاجەت «, - دەدٸ ا.ابزاليلوۆ.
جيىن بارىسىندا سونداي-اق بيۋدجەتتٸك جەنە ينۆەستيتسييالىق باعدارلامالار بويىنشا ٷش جاڭا جوبا تانىستىرىلدى. اتاپ ايتقاندا, 296 ملن تەڭگەگە ۇزىندىعى 36 كم جاڭاقالا-مەستەكساي 35 كۆ ەۋە جەلٸسٸن سالۋ كٶزدەلۋدە. سول سەكٸلدٸ قازتالوۆ-جەنٸبەك-سايقىن ۆل-110 كۆ جەنە «بەلەس گازتۋربينالى ستانساسى 200 – «اقجايىق» قوسالقى ستانساسى» (ۇزىندىعى 17 كم, 613 ملن تەڭگە) ەۋە جەلٸلەرٸن جٷرگٸزۋ جوسپارلانىپ وتىر. بۇل ٶز قۋات كٶزدەرٸمٸزدٸ پايدالانۋ ارقىلى ونى ارزانداتۋعا جەنە رەسەيدەن جەتكٸزٸلەتٸن ەلەكتر جارىعىنان باس تارتۋعا مٷمكٸندٸك بەرەدٸ.
جيىندا وبلىس پەن اۋداندارداعى ەلەكتر جەلٸلەرٸن جاڭعىرتۋعا بايلانىستى باسقا دا ۇسىنىستار ايتىلدى.
ع.ەسقاليەۆ جوبالاردى وڭ باعالاپ, بٸرقاتار تاپسىرما بەردٸ. بۇل رەتتە كەلٸسٸمشارت جاساسقان كەزدە جەرگٸلٸكتٸ تاۋار ٶندٸرۋشٸلەرگە باسىمدىق بەرۋ جەنە ولارعا دەلدالدارسىز, تٸكەلەي شىعۋ كەرەكتٸگٸن اتاپ كٶرسەتتٸ.
