اقتٶبە وبلىسى بويىنشا بيىل ورمان القابىنا 2 ميلليون تٷپ ەكپە ەگٸلەدٸ. قازٸر ورمانشىلار جۇمىستىڭ تەڭ جارتىسىن ەڭسەردٸ, دەپ حابارلايدى "ۇلت اقپارات".
اقتٶبە وبلىسى بويىنشا بارلىعى 7 ورمان شارۋاشىلىعى بار. قازٸرگٸ كەزدە ورمانشىلار تەلٸمباقتا باپتالعان ەكپەنٸ ەگە باستادى.
«تۇقىم ەگٸلٸپ, تەلٸمباقتا باپتالادى. ستاندارتتىق ٷلگٸگە جەتكەن كەزدە ورمان القابىنا وتىرعىزىلادى. كەيبٸر ەكپە بٸر جىلدا, كەيبٸرٸ 2-3 جىلدا ٶسٸپ-ٶنەدٸ. تامىرى تەرەڭ, ساباعىنىڭ ديامەترٸ 3 مم, بيٸكتٸگٸ 15-40 سم بولۋى تيٸس. الداعى بەس جىلدا 10 تٷرٸن ەگەمٸز. ولار: قاراعاي, تەرەك, قايىڭ, شاعان, شەگٸرشٸن, قاراقات, جيدە, قارا سەكسەۋٸل, ورمان الماسى, ٷيەڭكٸ», - دەدٸ وبلىستىق تابيعي رەسۋرستار جەنە تابيعاتتى پايدالانۋدى رەتتەۋ باسقارماسى ورمان شارۋاشىلىعى بٶلٸمٸنٸڭ باسشىسى عابيت قىلىشباەۆ. وسى جولمەن جىل سايىن 500-600 گەكتار جەردٸ ورمانمەن كٶمكەرٸلگەن القاپقا اينالدىرۋ كٶزدەلگەن. جوسپار بويىنشا بيىل بارلىعى 1 مىڭنان گەكتاردان استام القاپقا 2 ملن تٷپ جاسىل ٶسكٸن وتىرعىزىلادى. ال بەس جىلدىق مەجە - 60 ملن تٷپ ەكپە.
«جوسپاردىڭ تەڭ جارتىسى ورىندالدى. اۋا رايىن بايلانىستى كەيبٸر اۋدان جۇمىستى باستاي الماي وتىر. بەس جىل بويى كٷتٸم جاساپ, كەيٸن ورمان القابىنىڭ ەسەبٸنە الامىز. نەگٸزٸ ەككەن ٶسكٸن سۋارىلمايدى. تابيعي جولمەن ٶسۋٸ تيٸس. وسىلاي بٸز 2022-2023 جىلدارى جىل سايىن 7 مىڭ گا القاپقا ەكپە ەگەمٸز», - دەدٸ عابيت قىلىشباەۆ.
