مەملەكەت باسشىسىنىڭ تاپسىرماسى بويىنشا, بٷگٸن الماتى قالاسىندا قازاقستان رەسپۋبليكاسىنىڭ مەملەكەتتٸك حاتشىسى گ.ەبدٸقالىقوۆا بەلگٸلٸ مەدەنيەت جەنە ٶنەر قايراتكەرلەرٸنە قازاقستان رەسپۋبليكاسىنىڭ تۇڭعىش پرەزيدەنتٸ – ەلباسىنىڭ مەدەنيەت سالاسىنداعى 2016 جىلعى مەملەكەتتٸك ستيپەنديياسىن تابىس ەتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
ستيپەندييالار جىل سايىن قازاقستان رەسپۋبليكاسىنىڭ قۇرمەتتi اتاقتارى مەن مەملەكەتتiك ماراپاتتارىنا يە بولعان شىعارماشىلىق ٶكٸلدەرٸ مەن مەدەنيەت قايراتكەرلەرٸنە, سونداي-اق قازاقستاننىڭ مەدەنيەتٸن قالىپتاستىرۋعا, ساقتاۋعا جەنە دامىتۋعا قوسقان ٷلەسٸ ٷشٸن ايرىقشا دارىندى شىعارماشىل جاستارعا مەملەكەتتٸك قولداۋ كٶرسەتۋ ماقساتىمەن بەرiلەدi.
گٷلشارا ەبدٸقالىقوۆا سالتاناتتى رەسٸمگە قاتىسۋشىلاردى قۇتتىقتاپ, ولارعا مەملەكەتتٸك ستيپەندييانىڭ تاپسىرىلۋى قازاقستان مەدەنيەتٸن دامىتۋعا قوسقان ەلەۋلٸ ٷلەستەرٸنە بەرٸلگەن باعا ەكەنٸن ايتتى.
مەملەكەتتٸك حاتشى 2016 جىلدىڭ باستى وقيعاسى – قازاقستان رەسپۋبليكاسىنىڭ 25 جىلدىعىن مەرەكەلەۋ بولعانىن اتاپ ٶتتٸ. گ.ەبدٸقالىقوۆا قازاقستان پرەزيدەنتٸنٸڭ جارلىعىمەن بەكٸتٸلگەن «بٸرلٸك پەن جاسامپازدىقتىڭ 25 جىلى» اتتى تەۋەلسٸزدٸكتٸڭ 25 جىلدىعىن مەرەكەلەۋ تۇجىرىمداماسى اياسىندا مەرەكەلٸك ٸس-شارالار ٶتكٸزٸلگەنٸنە توقتالدى. جالپى, تەۋەلسٸزدٸك مەرەيتويىن مەرەكەلەۋ جٶنٸندەگٸ ٸس-شارالار ارقىلى مەملەكەتتٸلٸكتٸ جەنە حالىقتىڭ بٸرلٸگٸن ودان ەرٸ نىعايتۋعا, قازاقستاندىقتاردى «مەڭگٸلٸك ەل» جالپىۇلتتىق يدەياسى تٶڭٸرەگٸنە توپتاستىرۋعا نەگٸزدەلگەن باستى ماقساتتارعا قول جەتكٸزٸلدٸ.
وتاندىق مەدەنيەتتٸ دامىتۋعا قوسقان ٷلەسٸ ٷشٸن ەدەبيەت پەن ٶنەردٸڭ 75 قايراتكەرٸنە مەملەكەتتٸك ستيپەندييا تاعايىندالدى. ستيپەنديياعا يە بولعاندار قاتارىندا اسانەلٸ ەشٸموۆ, مىرزاتاي جولداسبەكوۆ, سەبيت دوسانوۆ, بيبٸگٷل تٶلەگەنوۆا, ۆلاديمير تولوكوننيكوۆ جەنە تاعى باسقا مايتالماندار بار.
سونىمەن بٸرگە ەرلان جٷنٸس, مەدينا باسپاەۆا, تاسقىن جارمۇحامەد, ديماش قۇدايبەرگەنوۆ جەنە ٶزگە دە جاس دارىندارعا مەملەكەتتٸك قولداۋ كٶرسەتٸلدٸ.
مەملەكەتتٸك حاتشى كەزدەسۋ بارىسىندا 2017 جىلى قازاقستان رەسپۋبليكاسىنىڭ مەملەكەتتٸك رەمٸزدەرٸ – تۋ مەن ەلتاڭبانىڭ قابىلدانعانىنا 25 جىل تولاتىنىن اتاپ ٶتتٸ. سونداي-اق, ٶزگە دە ماڭىزدى وقيعالار قاتارىنا ەلٸمٸزدٸڭ بۇۇ قاۋٸپسٸزدٸك كەڭەسٸندە تۇراقتى ەمەس مٷشەلٸگٸ, استانا «ەحرو-2017» حالىقارالىق مامانداندىرىلعان كٶرمەسٸ, دٷنيەجٷزٸلٸك قىسقى ۋنيۆەرسيادا كٸرەدٸ.
كەزدەسۋ سوڭىندا گ.ەبدٸقالىقوۆا شىعارماشىل زييالى قاۋىم ٶكٸلدەرٸنٸڭ «مەڭگٸلٸك ەل» جالپىۇلتتىق قۇندىلىقتارىن ٸلگەرٸلەتۋگە, قازاقستان مەدەنيەتٸن ودان ەرٸ دامىتۋعا ەلەۋلٸ ٷلەس قوسا بەرەتٸندەرٸنە سەنٸم بٸلدٸردٸ.
.jpeg)