20 قاراشاعا بەلگٸلەنگەن كەزەكتەن تىس پرەزيدەنت سايلاۋىن ٶتكٸزۋگە 20,5 ميلليارد تەڭگە جۇمسالادى. قارجى مينيسترلٸگٸ ورتالىق سايلاۋ كوميسسيياسىنىڭ ٶتٸنٸمٸن ماقۇلدادى, دەپ حابارلايدى Sputnik قازاقستان.
بۇعان دەيٸن ورتالىق سايلاۋ كوميسسيياسى كەزەكتەن تىس پرەزيدەنت سايلاۋىن ٶتكٸزۋگە ٷكٸمەتتەن 20,5 ملرد تەڭگە سۇراعانىن مەلٸمدەگەن ەدٸ.
بٷگٸن جۋرناليستەر ٷكٸمەت كۋلۋارىندا قارجى مينيسترٸنەن وسك-نىڭ ٶتٸنٸمٸ ماقۇلداندى ما دەپ سۇرادى.
"يە, ماقۇلداندى", دەپ قىسقا قايىردى ەرۇلان جاماۋباەۆ.
وسك قاراجاتتىڭ باسىم بٶلٸگٸ سايلاۋ كوميسسييالارى مٷشەلەرٸنٸڭ جالاقىسىن تٶلەۋگە جۇمسالاتىنىن اتاپ ٶتتٸ. سونداي-اق جارامسىز ۋرنالاردى اۋىستىرۋعا, بيۋلەتتەن ەزٸرلەۋگە دە اقشا قاراستىرىلعان.
مەسەلەن, 2019 جىلى بٸر بيۋللەتەندٸ ەزٸرلەۋگە 11 تەڭگە جۇمسالسا, قازٸرگٸ ەسەپتەۋلەر بويىنشا ونىڭ قۇنى 22 تەڭگەگە دەيٸن ارتقان.
بۇدان بٶلەك بيىل وسك تيٸستٸ ساناتتاعى ازاماتتار ٷشٸن برايل شريفتٸ بار ترافارەتتەر ەزٸرلەۋدٸ جوسپارلاپ وتىر. ول ەربٸر سايلاۋ ۋچاسكەسٸندە بولادى.
كەزەكتەن تىس پرەزيدەنت سايلاۋى 20 قاراشادا ٶتەدٸ. پرەزيدەنتٸككە كانديداتتار ۇسىنۋ 23 قىركٷيەكتە باستالدى.
