ورتالىق سايلاۋ كوميسسيياسى پرەزيدەنتتٸككە ٷمٸتكەر ەر كانديداتقا سايلاۋالدى ناۋقان ٷشٸن رەسپۋبليكالىق بيۋدجەتتەن بٶلٸنەتٸن بولجامدى سومانى اتادى, دەپ حابارلايدى Sputnik قازاقستان تٸلشٸسٸ.
ورتالىق سايلاۋ كوميسسيياسىنىڭ حاتشىسى سابيلا مۇستافينانىڭ ايتۋىنشا, رەسپۋبليكالىق بيۋدجەتتەن قاراستىرىلاتىن اقشا كانديداتتىڭ باق-تا سايلاۋالدى باعدارلاماسىن جارييالاۋعا, ٷگٸت ماتەريالدارىن شىعارۋعا, عيماراتتى جالعا الۋعا, كٶلٸك شىعىندارىنا بٶلٸنەدٸ.
"بٸز ەر كانديداتقا جۇمسالاتىن شىعىندى ەسەپتەدٸك. شامامەن 7,5 ميلليون تەڭگەدەن شىعىپ وتىر", - دەدٸ مۇستافينا وسك-دە ٶتكەن باسپاسٶز مەسليحاتىندا.
ول مۇنىڭ تەك بولجامدى سوما ەكەنٸن, بٸراق بۇعان دەيٸنگٸ پرەزيدەنت سايلاۋى ناۋقانى كەزٸندە بٶلٸنگەن سومادان مٸندەتتٸ تٷردە كٶپ بولاتىنىن اتاپ ٶتتٸ.
بۇل بيىل قاڭتار ايىنان باستاپ ەلٸمٸزدە ەڭ تٶمەنگٸ جالاقى مٶلشەرٸنٸڭ 42 500 تەڭگەگە ۇلعايۋىمەن بايلانىستى.
"ورتالىق سايلاۋ كوميسسيياسى سايلاۋ الدى ناۋقانعا قاجەت بولجامدى سمەتانى ەسەپتەيدٸ. كەيٸن ونى ٷكٸمەتكە جٸبەرەدٸ, قاراجاتتى بٶلۋ تۋرالى شەشٸمدٸ ٷكٸمەت قابىلدايدى. سايلاۋ كەزەكتەن تىس بولعاندىقتان, بۇل اقشا رەزەرۆتەن بٶلٸنەدٸ", - دەدٸ ول.
مۇستافينا وسك بولجامدى سمەتانى قارجى مينيسترلٸگٸنە بٷگٸن جٸبەرگەنٸن ايتتى.
بۇعان قوسا, ول كانديداتتىڭ سايلاۋ قورى قالاي قالىپتاساتىنىنا دا توقتالدى. بٸرٸنشٸدەن, ول كانديداتتىڭ ٶز قاراجاتى مەن كانديداتتى ۇسىنعان رەسپۋبليكالىق قوعامدىق بٸرلەستٸكتٸڭ بٶلگەن قارجىسى ەسەبٸنەن قۇرالادى. ونىڭ جالپى سوماسى ەڭ تٶمەنگٸ جالاقى مٶلشەرiنٸڭ ون ەكٸ مىڭ ەسەلەنگەن سوماسىنان اسپاۋى تيٸس.
"بيىل ەڭ تٶمەنگٸ جالاقى ٶسكەندٸكتەن, بۇل سوما 510 ميلليون تەڭگەدەن اسپاۋى تيٸس", - دەدٸ وسك حاتشىسى.
ەكٸنشٸدەن, رەسپۋبليكا ازاماتتارى مەن ۇيىمدارىنىڭ ەرٸكتٸ سالىمدارىنان تۇرادى. ونىڭ جالپى سوماسى ەڭ تٶمەنگٸ جالاقىنىڭ ون بەس مىڭ ەسەلەنگەن سوماسىنان اسپاۋى كەرەك, ياعني 637, 5 ميلليون تەڭگەدەن اسپاۋى تيٸس.
