مەملەكەت باسشىسىنىڭ ٶكٸمٸمەن 13 شٸلدە جالپىۇلتتىق ازا تۇتۋ كٷنٸ بولىپ بەلگٸلەنگەن بولاتىن. وسىعان وراي تٷنگٸ ساعات 00:00-دەن باستاپ ەلٸمٸزدەگٸ بارلىق مەملەكەتتٸك تۋ تٶمەن تٷسٸرٸلدٸ, دەپ جازدى بٷگٸن ٶزٸنٸڭ Facebook پاراقشاسىندا قر پرەزيدەنتٸنٸڭ باسپاسٶز حاتشىسى بەرٸك ۋەلي.
ال بٷگٸن نۇر-سۇلتان قالاسىنىڭ ۋاقىتىمەن ساعات 12:00-دە رەسپۋبليكا بويىنشا كوروناۆيرۋس پاندەميياسىنىڭ قۇرباندارىن بٸر مينۋت ٷنسٸزدٸكپەن ەسكە الۋ جارييالاندى.
جالپىۇلتتىق ازا تۇتۋ كٷنٸنە وراي پرەزيدەنت قاسىم-جومارت توقاەۆ پەن ەلٸمٸزدٸڭ ٶزگە دە لاۋازىمدى تۇلعالارى اقوردا رەزيدەنتسيياسىنىڭ الدىندا ٸندەتتەن قازا بولعان ازاماتتاردى قۇرمەتپەن ەسكە الادى.
«ٸندەت قۇرباندارىن ٷنسٸز ەسكە الۋ رەسٸمٸ رەسپۋبليكانىڭ بارلىق ايماعىندا ٶتەدٸ. قۇرباندارعا تاعزىم شاراسىن رەسپۋبليكالىق ارنالار تٸكەلەي ەفير ارقىلى كٶرسەتەدٸ», دەپ جازدى بەرٸك ۋەلي.
