قاسىم-جومارت توقاەۆ قازاقستان ۇلتتىق پاراليمپيادا قۇراما كومانداسىنىڭ مٷشەلەرٸمەن كەزدەستٸ, دەپ حابارلادى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى XVI جازعى پاراليمپيادا ويىندارىنىڭ قارساڭىندا ۇلتتىق قۇراما كومانداسىنىڭ مٷشەلەرٸمەن كەزدەستٸ. پرەزيدەنت سپورتشىلاردىڭ تەۋەلسٸز قازاقستان تاريحىندا العاش رەت پاراليمپيادا ويىندارىنا 25 جولداما ۇتىپ, بايراقتى بەسەكەگە ٷلكەن قۇراممەن اتتانىپ بارا جاتقانىن اتاپ ٶتتٸ. قاسىم-جومارت توقاەۆتىڭ ايتۋىنشا, پاراليمپياداشىلار – قاجىماس قايرات پەن قايسارلىقتىڭ سيمۆولى.
– ەلەمدەگٸ جٷز مىڭداعان سپورتشىنىڭ اراسىنان ٷزدٸك شىعىپ, وسى ويىندارعا جولداما الۋ ەكٸنٸڭ بٸرٸنٸڭ قولىنان كەلە بەرمەيدٸ. سٸزدەر بۇعان تاباندىلىق پەن كەسٸبي دايىندىقتىڭ ارقاسىندا قول جەتكٸزۋگە بولاتىنىن دەلەلدەدٸڭٸزدەر. دەمەك, ەربٸر پارا سپورتشىمىزدى قازٸردٸڭ ٶزٸندە جەڭٸمپاز دەۋگە بولادى. ٶزدەرٸڭٸزدٸ بارشا وتانداسىمىز ماقتان تۇتادى, – دەدٸ مەملەكەت باسشىسى.
پرەزيدەنت ەلٸمٸزدەگٸ پارا سپورت تٷرٸمەن اينالىساتىن ازاماتتارعا مەملەكەت تاراپىنان قولداۋ جالعاسا بەرەتٸنٸن ايتتى.
– بٷكٸل ەلٸمٸز بويىنشا 20 مىڭعا جۋىق ازامات پارا سپورت تٷرٸمەن جٷيەلٸ تٷردە اينالىسادى. سونىڭ ٸشٸندە 500 سپورتشى ۇلتتىق قۇراما ساپىندا ٶنەر كٶرسەتەدٸ. بٸز پاراليمپيادالىق سپورت تٷرلەرٸن دامىتۋ ٷشٸن قاجەتتٸ جاعدايدى جاساي بەرەمٸز. قازٸر ٶڭٸرلەردە 16 ارنايى كلۋب پەن مەكتەپ جۇمىس ٸستەيدٸ. وسى رەتتە, نۇر-سۇلتان قالاسىندا 2018 جىلى اشىلعان پاراليمپيادالىق جاتتىعۋ ورتالىعىن ەرەكشە اتاپ ٶتكەن جٶن. زامان تالابىنا ساي جابدىقتالعان مۇنداي ورتالىق اقش, ۇلىبريتانييا, جاپونييا, وڭتٷستٸك كورەيا ەلدەرٸمەن قاتار بٸزدٸڭ ەلوردامىزدا دا بار. سپورت سالاسى بارلىق ازاماتىمىز ٷشٸن بٸردەي قولجەتٸمدٸ بولۋعا تيٸس. وسى ورايدا مٷمكٸندٸگٸ شەكتەۋلٸ ازاماتتارعا قولايلى ورتا قالىپتاستىرۋ مەملەكەت مٸندەتٸ ەكەنٸن باسا ايتقىم كەلەدٸ, – دەدٸ قاسىم-جومارت توقاەۆ.
قازاقستان ۇلتتىق پاراليمپيادا قۇراماسى وسىعان دەيٸن بۇل ويىنداردان ەكٸ التىن جەنە ەكٸ كٷمٸس مەدال جەڭٸپ العان بولاتىن. بۇل جەتٸستٸكتەردٸ سپورتقا دەگەن سٷيٸسپەنشٸلٸك پەن ەرەن ەڭبەكتٸڭ نەتيجەسٸ دەپ باعالاعان مەملەكەت باسشىسى قۇراما كوماندا مٷشەلەرٸنە زور سەنٸم ارتتى.
پارادزيۋدودان ازييا چەمپيونى, ەلەم كۋبوگىنىڭ يەگەرٸ تەمٸرجان دەۋلەت مەملەكەتتٸڭ تيٸستٸ قولداۋ كٶرسەتكەنٸ ٷشٸن قازاقستان پرەزيدەنتٸنە ۇلتتىق قۇراماداعى سپورتشىلار اتىنان العىس ايتتى.
– بيىل – قازاقستان رەسپۋبليكاسىنىڭ تەۋەلسٸزدٸگٸنە 30 جىل. مەن تەۋەلسٸزدٸكتٸڭ قۇرداسىمىن. ازات ەلدە تۋىپ-ٶسكەن مەن سيياقتى جاستاردىڭ ارمان-ماقساتى – كٶك بايراعىمىزدى بيٸكتە جەلبٸرەتۋ. باپكەرلەرٸمٸز جان-جاقتى دايىندالۋىمىزعا زور ەڭبەك سٸڭٸردٸ. توكيودا بار كٷش-جٸگەرٸمٸزدٸ سالامىز, – دەدٸ سپورتشى.
پاراتاەكۆوندودان ەكٸ دٷركٸن ەلەم چەمپيونى نۇرلان دومباەۆ سپورتشىلاردىڭ جاتتىعۋىنا جاقسى مٷمكٸندٸك جاسالعانىن ايتتى.
– پاراسپورتشىلاردىڭ تۇراقتى تٷردە وقۋ-جاتتىعۋ جيىندارىن ٶتكٸزۋٸنە جاعداي جاسالدى. ٶزٸم قازاقستاننىڭ ٷش قالاسىندا دايىندالدىم. قاتارىمىزدا شەتەلدە جاتتىققاندار دا بار. سونىڭ نەتيجەسٸندە ريوعا ون سپورتشى عانا بارسا, بيىل قاتارىمىز ەكٸ ەسەدەن استى. پاراتاەكۆوندو پاراليمپيادا ويىندارىنا العاش رەت ەنگٸزٸلٸپ وتىر. ۇلتىمىزدى ۇيىستىرىپ, حالقىمىزعا جٸگەر بەرەتٸن جەڭٸسكە جەتۋ – باستى ماقساتىمىز, – دەدٸ نۇرلان دومباەۆ.
ۇلتتىق پاراليمپيادا كوميتەتٸنٸڭ پرەزيدەنتٸ قايرات بورانباەۆ پەن ۇلتتىق قۇرامانىڭ پاۋەرليفتينگ بويىنشا باس باپكەرٸ ارتۋر توميتسكيي سپورتشىلاردىڭ دايىندىعى تۋرالى مەلٸمەت بەردٸ.
جيىن سوڭىندا مەملەكەت باسشىسى سپورتشىلارىمىزدىڭ ٶنەرٸن بٷكٸل حالقىمىز تاماشالاپ, جانكٷيەر بولاتىنىن ايتتى. سونداي-اق ولاردىڭ جەڭٸسٸ تەۋەلسٸزدٸگٸمٸزدٸڭ 30 جىلدىعىنا تاماشا تارتۋ بولاتىنىن اتاپ ٶتٸپ, ۇلت نامىسى سىنعا تٷسەتٸن سايىستا سەتتٸلٸك تٸلەدٸ.
