فوتو: Tengrinews.kz/تۇرار قازانعاپوۆ
ۇلت پورتالى پرەزيدەنت باسپاسٶز حاتشىسى بەرٸك ۋەليگە سٸلتەمە جاساپ, مەملەكەت باسشىسى قاسىم-جومارت توقاەۆتىڭ سىرتقى ٸستەر مينيسترلٸگٸنٸڭ كەڭەيتٸلگەن القا مەجٸلٸسٸندە سٶيلەگەن سٶزٸنٸڭ مەتٸنٸن ۇسىنادى.
قۇرمەتتٸ جيىنعا قاتىسۋشىلار, ەلشٸلەر!
بۇل باسقوسۋ تەۋەلسٸزدٸگٸمٸزدٸڭ 30 جىلدىق مەرەيلٸ بەلەسٸ قارساڭىندا ٶتۋدە. وسى تاريحي مەجەگە بٸز تولاعاي تابىسپەن جەتٸپ وتىرمىز.
قازاقستان ايماقتىق جەنە جاھاندىق ٷدەرٸستەرگە بەلسەنە قاتىساتىن بەدەلدٸ مەملەكەتكە اينالدى. ەلباسى نۇرسۇلتان ەبٸشۇلى نازارباەۆ سىرتقى ساياساتىمىزدىڭ نەگٸزٸن قالادى. ونىڭ تٸكەلەي باسشىلىعىمەن كەسٸبي ديپلوماتييالىق قىزمەت قۇرىلىپ, اۋقىمدى سىرتقى ساياسي مٸندەتتەر شەشٸمٸن تاپتى. ەسٸرەسە, مەملەكەتتٸك شەكارامىزدىڭ تولىق بەكٸتٸلۋٸ تەڭدەسسٸز تاريحي جەتٸستٸك بولدى جەنە مەملەكەتٸمٸزدٸڭ قاۋٸپسٸزدٸگٸن كٷشەيتۋگە ايرىقشا ىقپال ەتكەن شەشٸمگە اينالدى.
«كاسپيي تەڭٸزٸنٸڭ قۇقىقتىق مەرتەبەسٸ تۋرالى كونۆەنتسييانىڭ» قابىلدانۋى – تاعى بٸر ايتۋلى جەتٸستٸك. بۇعان قول جەتكٸزۋ ٷشٸن 20 جىل بويى تاباندى جۇمىس اتقارىلدى. كەلٸسسٶزدەرگە قاتىسقان قىزمەتكەرلەردٸڭ ەڭبەگٸن ەلٸمٸز جوعارى باعالايدى. مەن ولاردى مەملەكەتتٸك ناگرادالارمەن ماراپاتتايتىن بولدىم.
شەگەندەلگەن شەكارا – قازاقستاننىڭ اۋماقتىق تۇتاستىعىنىڭ كەپٸلٸ. سونداي-اق ستراتەگييالىق سەرٸكتەستەرٸمٸز – رەسەي, قىتاي جەنە ورتالىق ازييا ەلدەرٸمەن دوستىق قاتىناسىمىزدىڭ مىزعىماس نەگٸزٸ.
قازاقستان اقش-پەن جەنە ەۋروپا وداعى ەلدەرٸمەن ستراتەگييالىق بايلانىس ورناتتى. بۇل مەملەكەتتەر – بٸزدٸڭ ينۆەستيتسييا جەنە ساۋدا سالاسىنداعى ەرٸپتەستەرٸمٸز. بٸز كٶپجاقتى, سارابدال ديپلوماتييانى بەرٸك ۇستانىپ كەلەمٸز.
بيىل – سەمەي پوليگونىنىڭ جابىلعانىنا 30 جىل. قازاقستان ٶز ەركٸمەن يادرولىق قارۋ-جاراقتان باس تارتتى. بۇل شەشۋشٸ قادام قازاقستاننىڭ ەلەمدٸك قاۋىمداستىقتاعى بەدەلٸنٸڭ ارتۋىنا زور ٷلەس قوستى. ەلٸمٸز جاھاندىق يادرولىق قارۋعا قارسى قوزعالىس كٶشباسشىلارىنىڭ قاتارىنا قوسىلدى. ەلباسى ۇسىنىسى بويىنشا يادرولىق قارۋسىزدانۋعا ارنالعان ەلەمدٸك فورۋمدى ەزٸرلەۋ قاجەت.
كەلەسٸ جىلى ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەسكە 30 جىل تولادى. وسىعان وراي, ەلوردامىزدا وسى فورۋمنىڭ VI سامميتٸ ٶتەدٸ. بۇل جيىندى ۇيىمداستىرۋ ٷشٸن سىرتقى ٸستەر مينيسترلٸگٸ اۋقىمدى جۇمىس اتقارۋى كەرەك. بٸز بۇل كەڭەستٸ بٸرتٸندەپ قۇرلىقتاعى قاۋٸپسٸزدٸك جەنە دامۋ ۇيىمىنا اينالدىرۋدى كٶزدەيمٸز.
قازاقستان ديپلوماتيياسى كٶپتەگەن مەسەلەنٸ, تٸپتٸ, اسا كٷردەلٸ حالىقارالىق تٷيتكٸلدەردٸڭ ٶزٸن مەمٸلە ارقىلى شەشۋگە مٷددەلٸ. بۇل تەجٸريبە جىلدار بويى قالىپتاسقان جەنە وڭ نەتيجە كٶرسەتكەن.
ەلٸمٸز مەملەكەتارالىق جەنە ازاماتتىق قاقتىعىستاردى رەتتەۋ ٷشٸن بٸتٸمگەرلٸك باستامالار ۇسىنىپ, ارا-اعايىن بولىپ جٷر. سونداي-اق, ەلەمدٸك جەنە دەستٷرلٸ دٸندەر كٶشباسشىلارىنىڭ سەزدەرٸن ٶتكٸزٸپ, ٶركەنيەتتەر ٷندەستٸگٸن ورناتۋعا كٷش سالۋدا. وسىنىڭ بەرٸن شەتەلدٸك ەرٸپتەستەرٸمٸز جوعارى باعالاپ, جان-جاقتى قولداۋ بٸلدٸرۋدە.
اتاپ ايتقاندا, 2010 جىلى ەۋروپاداعى قاۋٸپسٸزدٸك جەنە ىنتىماقتاستىق ۇيىمىنا تٶراعالىق ەتتٸك. قازاقستان 2017-2018 جىلدارى بٸرٸككەن ۇلتتار ۇيىمىنىڭ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ بولدى.
قازاقستان – ەۋرازييا قۇرلىعىنداعى كٶپجاقتى قۇرىلىمداردىڭ نەگٸزٸن قالاۋشى ەلدەردٸڭ بٸرٸ.
ەلٸمٸز تمد, ەۋرازييا ەكونوميكا وداعى, ۇجىمدىق قاۋٸپسٸزدٸك تۋرالى شارت ۇيىمى, شانحاي ىنتىماقتاستىق ۇيىمى, يسلام ىنتىماقتاستىق ۇيىمى جەنە باسقا دا قۇرىلىمداردىڭ جۇمىسىن جانداندىرۋعا بەلسەنە اتسالىسىپ كەلەدٸ.
جاقىندا باۋىرلاس ەلدەرمەن بٸرلەسٸپ, تٷركٸ كەڭەسٸن تولىققاندى ۇيىمعا اينالدىردىق. وسىلايشا, تٷركٸ تٸلدەس مەملەكەتتەر ىنتىماعىنىڭ جاڭا كەزەڭٸ باستالدى.
قازاقستان الىپ قۇرلىقتىڭ دەل ورتاسىندا تۇر. بۇل – گەوگرافييالىق تۇرعىدان تيٸمدٸ. بٸزدٸڭ تٶڭٸرەگٸمٸزدە بەيبٸتشٸلٸك بەلدەۋٸ قالىپتاستى. ەل ٸشٸندەگٸ احۋال تۇراقتى. سىرتقى ەكونوميكالىق قارىم-قاتىناسقا بارىنشا اشىقپىز. مۇنىڭ بەرٸ – ينۆەستورلار ٷشٸن ٶتە قولايلى جاعداي.
بٷگٸندە ورتالىق ازيياداعى شەتەل ينۆەستيتسيياسىنىڭ 75 پايىزى قازاقستانعا تيەسٸلٸ. سونىڭ ارقاسىندا ەلٸمٸز ٶڭٸردەگٸ ەكونوميكالىق كٶشباسشىعا اينالدى.
ٷكٸمەتتٸڭ جەنە ديپلوماتتاردىڭ الدىندا تۇرعان اسا ماڭىزدى مٸندەت – ايماقتىڭ كٶشباسشىلىق رٶلٸن ودان ەرٸ نىعايتۋ. وسى جۇمىستىڭ قارقىنىن بەسەڭدەتۋگە بولمايدى.
بٷكٸل ەلەمدٸ پاندەمييا جايلاعانىنا ەكٸ جىلعا جۋىقتادى. ونىڭ سالدارى قازاقستانعا دا وڭاي تيگەن جوق. بٸزدٸڭ ديپلوماتييالىق كورپۋس وسى كٷردەلٸ كەزەڭدە جوعارى دەڭگەيدە قىزمەت ەتتٸ. شەتەلدەگٸ مىڭداعان ازاماتىمىزعا كٶمەك كٶرسەتتٸ. سىرتتا قالىپ قويعان وتانداستارىمىزدى ەلگە الىپ كەلۋ ٷشٸن تيٸستٸ جۇمىس اتقاردى.
ديپلوماتتارىمىزدىڭ ارقاسىندا قازاقستانعا گۋمانيتارلىق كٶمەك جەتكٸزٸلدٸ. بٸز دە بٸرقاتار مەملەكەتتەرگە قولداۋ كٶرسەتتٸك.
«ۆاكتسينالىق ديپلوماتييانىڭ» ارقاسىندا ورتالىق ازيياداعى ٸندەتكە بايلانىستى احۋالدى تۇراقتاندىرۋعا ٷلەس قوستىق. تٷرلٸ قيىندىققا قاراماستان, سٸزدەر الدىمىزدا تۇرعان ستراتەگييالىق مٸندەتتەردٸ ورىنداپ كەلەسٸزدەر.
اتاپ ايتقاندا, ەلٸمٸز ەكوسوس-قا جەنە بٸرٸككەن ۇلتتار ۇيىمىنىڭ ادام قۇقىقتارى جٶنٸندەگٸ كەڭەسٸنە سايلاندى. بيىل تەڭٸزگە تٸكەلەي شىعا المايتىن ەلدەر توبىنا تٶراعالىق ەتٸپ وتىرمىز. باسقا دا ماڭىزدى باستامالارىمىزدى جٷزەگە اسىرۋ ٷشٸن اۋقىمدى شارالار قولعا الىپ جاتىر.
بيولوگييالىق قاۋٸپسٸزدٸك جٶنٸندەگٸ حالىقارالىق اگەنتتٸك قۇرۋ ٷشٸن جۇمىستى جانداندىرۋ كەرەك.
اۋعانستانداعى كٷردەلٸ گۋمانيتارلىق داعدارىستى ەڭسەرۋگە ٶز ٷلەسٸمٸزدٸ قوسىپ جاتىرمىز. بۇل – بٸزدٸڭ سىرتقى ساياساتىمىزدىڭ جاسامپازدىق سيپاتىنىڭ ايقىن كٶرٸنٸسٸ.
قۇرمەتتٸ ديپلوماتتار!
مەن بىلتىر «2020-2030 جىلدارعا ارنالعان سىرتقى ساياسات تۇجىرىمداماسىن» بەكٸتتٸم. بۇل قۇجات ارقىلى حالىقارالىق ستراتەگييامىزدىڭ قاعيداتتارى جەنە باعىت-باعدارى ٶزگەرمەيتٸنٸن ناقتىلادىق. سونداي-اق, قازاقستان ٷشٸن رەسەي, قىتاي, اقش, ورتالىق ازييا جەنە ەۋروپا وداعى مەملەكەتتەرٸمەن ستراتەگييالىق قارىم-قاتىناستى ساقتاۋ ەرەكشە ماڭىزدى ەكەنٸن تاعى دا قۋاتتاي تٷستٸك.
بٸز ازييا, ورتا جەنە تاياۋ شىعىس, سولتٷستٸك جەنە وڭتٷستٸك امەريكا, افريكا ەلدەرٸمەن بايلانىستى كەڭەيتە بەرەمٸز.
جالپى, سىرتقى ساياساتىمىزدىڭ اۋقىمى كەڭ بولۋى كەرەك. كٶك بايراعىمىزدى ەلەمنٸڭ نەگٸزگٸ ايماقتارىندا ورناتۋ قاجەت. بۇل ەلٸمٸزدٸڭ ستراتەگييالىق مٷددەسٸنە تولىق ساي كەلەدٸ.
سونىمەن قاتار بٸز ەلٸمٸزدٸڭ ەۋرازييانىڭ گەوساياسي جەنە گەوەكونوميكالىق جٷيەسٸندەگٸ جوعارى مەرتەبەسٸن ودان ەرٸ نىعايتۋعا مٷددەلٸمٸز.
ٸندەت باستالعاننان بەرٸ ەلەمدٸك ساياسات پەن ەكونوميكا تٷبەگەيلٸ ٶزگەرٸسكە ۇشىراۋدا. جاھاندىق شيەلەنٸستەر ٶرشٸپ كەلە جاتىر. بۇل – ەلٸمٸز ٷشٸن بەتبۇرىستى كەزەڭ.
الدىمىزدا ۇزاق مەرزٸمدٸ مٸندەتتەر تۇر. بٸز قازاقستاننىڭ حالىقارالىق بەدەلٸن ساقتاپ, ەلەمدٸك ارەناداعى رٶلٸن كٷشەيتۋگە تيٸسپٸز. وسىعان وراي سىرتقى ساياسي جۇمىس تەسٸلدەرٸن قايتا سارالاپ, جٷيەلٸ شارالار ەزٸرلەۋٸمٸز كەرەك. بۇل مٸندەتتٸ تابىستى ورىنداساق, ۇلتتىق ديپلوماتييا ۋاقىت تالابىنا جەنە ازاماتتارىمىزدىڭ سۇرانىسىنا ساي بولادى. ەڭ الدىمەن, مەملەكەتٸمٸزدٸڭ مٷددەسٸن لايىقتى قورعاي الامىز. سىرتقى ٸستەر مينيسترلٸگٸنٸڭ وسىنداي اۋقىمدى باسقوسۋى سوڭعى التى جىلدا العاش رەت ٶتكٸزٸلٸپ وتىر. سوندىقتان, بٸز قوردالانعان تٷيتكٸلدٸڭ بەرٸن مۇقييات تالداپ, اقىلداسۋىمىز كەرەك. وسى ورايدا, مىناداي مەسەلەلەرگە باسا نازار اۋدارۋ قاجەت.
بٸرٸنشٸ. سىرتقى ساياساتتى «حالىق ٷنٸنە قۇلاق اساتىن مەملەكەت» تۇجىرىمداماسىنا ساي جٷرگٸزٸپ, ونىڭ تيٸمدٸلٸگٸن بارىنشا ارتتىرۋ.
قازٸر قازاقستاننىڭ سىرتقا باعىتتالعان جۇمىسىندا بٸرتۇتاس, جالپى مەملەكەتتٸك ستراتەگييا جوق دەۋگە بولادى. بۇل – جٷيەلٸ سيپاتتاعى مەسەلە.
سىرتقى ٸستەر مينيسترٸ ٷكٸمەتتە ەرەكشە مەرتەبەگە يە بولىپ, پرەمەر-مينيستردٸڭ ورىنباسارى دەڭگەيٸنە كٶتەرٸلدٸ. وسىعان وراي, سىرتقى ٸستەر مينيسترلٸگٸ تىعىز مەكەمەارالىق ٷيلەستٸرۋ جۇمىسىن تيٸمدٸ اتقارۋى كەرەك.
مەملەكەتتٸك اپپارات ٸشٸندەگٸ بايلانىس, ٶزارا ىقپالداستىق ەلسٸز. جەكەلەگەن مەكەمەلەردٸڭ مٷددەسٸنە باسىمدىق بەرٸلٸپ جاتادى. بۇل – بٸرازدان بەرٸ جالعاسىپ كەلە جاتقان تەرٸس ٷردٸس. سونىڭ كەسٸرٸنەن ەلەۋلٸ كەمشٸلٸكتەر بولىپ جاتادى. وعان قوسا, ۇلتتىق مٷددەنٸ قورعايتىن كەزدە تيٸمدٸ جۇمىس اتقارىلمايدى.
مىسالى, قازٸر جايىق ٶزەنٸ تارتىلىپ بارادى. قازاقستانعا جولدانعان جٷك قىتاي شەكاراسىندا تۇرىپ قالدى. بٸزدٸڭ كەسٸپكەرلەرٸمٸزدٸڭ كٶرشٸ ەلدەر نارىعىنداعى مٷددەسٸ ويداعىداي قورعالماي وتىر. وسىنداي كەلەڭسٸزدٸكتەر حالىقتىڭ تۇرمىس ساپاسىنا جەنە كٶڭٸل كٷيٸنە كەرٸ ەسەر ەتەدٸ.
ەكٸنشٸ. ەكونوميكالىق ديپلوماتييانى «قايتا جانداندىرۋ».
ەلەمدٸك ساياساتتا كليمات پەن تەحنولوگييا مەسەلەلەرٸ ايرىقشا ٶزەكتٸ.
پاندەمييادان كەيٸن ەكونوميكانى قالپىنا كەلتٸرۋ ٷشٸن مەملەكەتتەر اراسىندا شەتەل ينۆەستيتسيياسىنا تالاس كٷشەيدٸ.
سىرتقى ٸستەر مينيسترلٸگٸ – ينۆەستيتسييا تارتۋ جٶنٸندەگٸ مەملەكەتتٸك ساياساتتى ٸسكە اسىراتىن ۋەكٸلەتتٸ ورگان. بٸز مينيسترلٸككە وسىنداي ەرەكشە مەرتەبە بەردٸك. سوندىقتان, بۇل مٷمكٸندٸكتٸ تولىققاندى پايدالانۋ قاجەت.
قازاقستان ەكسپورتىن ٸلگەرٸلەتۋگە بارىنشا قولعابىس ەتۋ – تاعى بٸر ماڭىزدى مٸندەت. ەلٸمٸز شىعىس پەن باتىستى, سولتٷستٸك پەن وڭتٷستٸكتٸ جالعايتىن كٷرە جولداردىڭ بويىنداعى ترانزيتتٸك-لوگيستيكالىق حابقا اينالۋعا تيٸس. «نۇرلى جول» باعدارلاماسى جەنە كٶرشٸ ەلدەردٸڭ ينفراقۇرىلىمدىق باستامالارى وسىعان نەگٸز بولادى. بۇل جۇمىستا مينيسترلٸككە ايرىقشا مٸندەت جٷكتەلەدٸ.
ٷشٸنشٸ. قازاقستاننىڭ ورتالىق ازيياداعى كٶشباسشىلىق ورنىن نىعايتۋ. مەن جوعارىدا ايتقانىمداي, بۇل – اسا ماڭىزدى مٸندەت. بٸز وسى ايماقتا ەرەكشە مەرتەبەگە يە ەكەنٸمٸزدٸ باتىل مەلٸمدەي بٸلۋگە تيٸسپٸز. بۇعان تولىق نەگٸز بار.
اتاپ ايتقاندا:
- ەكونوميكامىز ورتا ازيياداعى باسقا ەلدەردٸڭ ەكونوميكاسىنا قاراعاندا ەلدەقايدا قۋاتتى;
- بٸز ەۋرازيياداعى باستى كٶلٸك دەلٸزدەرٸ توعىسقان گەوستراتەگييالىق ورتالىقتا تۇرمىز;
- اۋقىمدى ەكونوميكالىق جەنە دەموكراتييالىق رەفورمالار بەلسەندٸ تٷردە جٷزەگە اسۋدا;
- زيياتكەرلٸك جەنە ادامي رەسۋرسىمىز بار;
- حالىقارالىق قاۋىمداستىقتىڭ الدىنداعى ابىروي-بەدەلٸمٸز جوعارى.
وسىعان وراي, ورتالىق ازييانىڭ تاعدىرى ٷشٸن قازاقستانعا ەرەكشە جاۋاپكەرشٸلٸك جٷكتەلەدٸ.
ٶڭٸردەگٸ ٶزەكتٸ مەسەلەلەردٸ ايقىنداپ, ونى شەشۋ كەزٸندە ەلٸمٸز ماڭىزدى رٶل اتقارادى.
«سۋ ديپلوماتيياسى» بويىنشا كەلٸسسٶزدٸ تەزٸرەك اياقتاۋ قازاقستان مەن ورتالىق ازييا ەلدەرٸنٸڭ جەنە رەسەي مەن قىتايدىڭ ورتاق مٷددەسٸنە ساي كەلەدٸ دەپ سانايمىن. ترانسشەكارالىق سۋ رەسۋرستارىن ەدٸل جەنە تيٸمدٸ پايدالانۋ ايماقتا ازىق-تٷلٸك قاۋٸپسٸزدٸگٸن قامتاماسىز ەتۋدٸڭ باستى كەپٸلٸ بولماق.
تٶرتٸنشٸ. ەلەمدەگٸ الپاۋىت ەلدەرمەن جەنە ٶڭٸردەگٸ ىقپالدى مەملەكەتتەرمەن تەڭ دەرەجەلٸ ەرٸ تيٸمدٸ ىنتىماقتاستىق ورناتۋ.
قازٸر گەوساياسي تەكەتٸرەس بەلەڭ الۋدا. قازاقستان ەشكٸممەن جاۋلاسپايدى, حالىقارالىق داۋلارعا كيلٸكپەيدٸ. بٸزدٸڭ تاڭداعان جولىمىز – ايقىن.
پراگماتيزمگە نەگٸزدەلگەن سالماقتى ەرٸ ساليقالى ساياساتتان ەش اينىمايمىز. بٸز ەكٸجاقتى جەنە كٶپجاقتى مٸندەتتەمەلەردەن باس تارتپايمىز. داۋلى مەسەلەلەر تۋىنداسا, ۇلتتىق مٷددەمٸزگە ساي ۇتىمدى شەشٸم تابۋعا ۇمتىلامىز.
بٸز تەۋەلسٸزدٸك پەن ەگەمەندٸككە, ەلٸمٸزدٸڭ شەكاراسى مەن اۋماقتىق تۇتاستىعىنا نۇقسان كەلتٸرەتٸن بٸر دە بٸر كەلٸسٸمگە جول بەرمەۋٸمٸز كەرەك. ٶيتكەنٸ, وسى قاسيەتتٸ قۇندىلىقتار بٸز ٷشٸن بەرٸنەن قىمبات. بٸز, ەڭ الدىمەن, قازاقستاننىڭ مٷددەلەرٸن تاباندىلىقپەن قورعاۋىمىز قاجەت.
بەسٸنشٸ. قازاقستان ديپلوماتيياسىنىڭ جاڭا كەلبەتٸن قالىپتاستىرۋ.
بٸزدٸڭ ديپلوماتييالىق قىزمەتكە تىڭ سەرپٸلٸس قاجەت.
بٸلٸكتٸ مامانداردىڭ سىرتقى ٸستەر مينيسترلٸگٸنەن كەتۋٸ ونىڭ كادرلىق ەلەۋەتٸن ەلسٸرەتۋدە. بۇل – شىن مەنٸندە, ٶزەكتٸ مەسەلە.
مەن وسى مينيسترلٸك ەڭ كونسەرۆاتيۆتٸ قۇرىلىمنىڭ بٸرٸ ەكەنٸن بٸلەمٸن. مۇنىڭ جاقسى جاعى دا بار. دەستٷر ساقتالادى, كەسٸبي ديپلوماتتار شوعىرى قالىپتاسادى. دەگەنمەن, جاعىمسىز جاعى دا جوق ەمەس. بٸلٸمدٸ, بٸلٸكتٸ ەرٸ ەلگە ادال قىزمەت ەتكٸسٸ كەلەتٸن جاستار ٷشٸن مينيسترلٸككە جۇمىسقا تۇرۋ – «الىنباس قامالداي». بۇل احۋالدى تٷزەپ, كادر ساياساتىن تٷبەگەيلٸ قايتا قارايتىن كەز كەلدٸ.
ديپلوماتييالىق قىزمەتكە, ەڭ الدىمەن, كٶزٸ اشىق, كٶكٸرەگٸ وياۋ, وتانشىل ماماندار قاجەت. قازاقستان اتىنان شەت مەملەكەتتەردە قىزمەت ٸستەپ جٷرگەن ديپلوماتتارىمىز شەتەل تٸلدەرٸن عانا ەمەس, الدىمەن, مەملەكەتتٸك تٸلدٸ بٸلۋٸ كەرەك.
قۇرمەتتٸ جيىنعا قاتىسۋشىلار!
سٶز سوڭىندا تاعى دا قايتالاپ ايتامىن: قازاقستاننىڭ سىرتقى ساياساتىنداعى نەگٸزگٸ باعىتتاردى جٷزەگە اسىرۋ ٷشٸن تيٸستٸ جۇمىستى تىڭ قارقىنمەن جالعاستىرۋ كەرەك. ياعني, ۋاقىت سىنىنان ٶتكەن ۇستانىمداردى جاڭا شەشٸمدەرمەن ۇشتاستىرۋ قاجەت. وسى ورايدا, ديپلوماتتارىمىز قاشاندا ەل مٷددەسٸنە ادال بولادى دەپ سەنەمٸن.
بارشاڭىزعا اماندىق, قىزمەتتەرٸڭٸزگە تابىس تٸلەيمٸن!
راقمەت.
