پرەزيدەنت: ٶڭدەۋ ٶنەركەسٸبٸن دامىتۋعا جاڭا سەرپٸن قاجەت

فوتو: اقوردا

مەملەكەت باسشىسى قاسىم-جومارت توقاەۆ جولداۋىندا ٶڭدەۋ ٶنەركەسٸبٸنٸڭ دامۋىنا جاڭا سەرپٸن بەرەتٸن ۋاقىت كەلگەنٸن ايتتى, دەپ حابارلايدى Ult.kz.

پرەزيدەنتتٸڭ ايتۋىنشا, سوڭعى بەس جىلدا سالادا ەلەۋلٸ نەتيجەلەر بار:

• ٶڭدەۋ ٶنەركەسٸبٸنٸڭ جالپى قوسىمشا قۇنى ەكٸ ەسە ٶسٸپ, 17 ترلن تەڭگەگە جەتتٸ;

• ونىڭ جٸٶ-دەگٸ ٷلەسٸ 12,4%-عا ارتتى;

• تەك ٶتكەن جىلى 163 جاڭا ٶندٸرٸس ٸسكە قوسىلىپ, 12,5 مىڭ تۇراقتى جۇمىس ورنى اشىلدى.

الماتى, قوستاناي, قاراعاندى, اتىراۋ وبلىستارىندا ماشينا جاساۋ مەن مەتاللۋرگييا سالاسىندا ٸرٸ كەسٸپورىندار اشىلدى. بيىل الماتىدا قازاقستانداعى ەڭ ٸرٸ اۆتوكٶلٸك ٶندٸرٸسٸ ٸسكە قوسىلدى.

الايدا پرەزيدەنت ەكونوميكانى ەرتاراپتاندىرۋدى تىڭ قارقىنمەن جالعاستىرۋ قاجەتتٸگٸن اتاپ ٶتتٸ. قازٸرگٸ قولداۋ شارالارى جٷيەسٸز جٷرگٸزٸلٸپ جاتقاندىقتان, كەسٸپكەرلەر ٷشٸن تٷسٸنٸكسٸز جاعداي تۋىندايدى. سوندىقتان بۇل سالانى ٷيلەستٸرۋدٸ كٷشەيتۋ مٸندەتٸ قويىلدى.

تاۋ-كەن مەتاللۋرگيياسى ەلٸ دە ەكونوميكانىڭ سەنٸمدٸ تٸرەگٸ بولىپ وتىر (ٷلەسٸ – 8%). بٸراق ونىڭ ەلەۋەتٸ ەلدەقايدا جوعارى. ەلەمدٸك ٷردٸستەرگە ساي, سيرەك كەزدەسەتٸن مەتالدار مەن قاجەتتٸ ماتەريالداردى تەرەڭ ٶڭدەۋ ماڭىزدى. قازاقستان الداعى ٷش جىلدا وسى سالادا جوعارى تەحنولوگييالىق ٶنٸم شىعاراتىن كەمٸندە ٷش كەسٸپورىندى ٸسكە قوسپاق.

سونىمەن قاتار, ٷكٸمەتكە كٶمٸرسۋتەگٸ شيكٸزاتىن تەرەڭ ٶڭدەۋگە باعىتتالعان بٸرقاتار جوبالاردى جٷزەگە اسىرۋ تاپسىرىلدى. اتىراۋدا گاز-حيمييا كەشەنٸ, پاۆلوداردا سۇيىتىلعان گازدى ٶڭدەۋ جوباسى قولعا الىندى.

«ٸلەسپە گاز بەن سۇيىتىلعان مۇناي گازىن تولىققاندى ەكونوميكالىق رەسۋرسقا اينالدىرۋ قاجەت. ينۆەستورلاردى ۇزاق مەرزٸم گازبەن قامتاماسىز ەتەتٸن ناقتى كەپٸلدٸكتەر بەرۋدٸڭ جاڭا تەسٸلدەرٸن ويلاستىرۋىمىز كەرەك», – دەدٸ پرەزيدەنت.

مەملەكەت باسشىسى جوبالاردى دەر كەزٸندە ٸسكە اسىرۋ ٷشٸن جەتكٸلٸكتٸ ەلەكتر ەنەرگيياسىن قامتاماسىز ەتۋ اسا ماڭىزدى ەكەنٸن دە قوسا ايتتى.