قاسىم-جومارت توقاەۆ قازاقستاننىڭ وليمپيادا جەنە پاراليمپيادا ۇلتتىق قۇرامالارىنىڭ مٷشەلەرٸمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى جۋىردا بەيجٸڭ قالاسىندا ٶتەتٸن ححٸV قىسقى وليمپيادا جەنە پاراليمپيادا ويىندارىنىڭ بارشا سپورتسٷيەر قاۋىم ٷشٸن ايتۋلى وقيعا ەكەنٸنە توقتالىپ, قازاقستان وسى سايىسقا ەڭ ٷزدٸك سپورتشىلارىن اتتاندىراتىنىن اتاپ ٶتتٸ.
– دٷبٸرلٸ دودادا ەل نامىسىن قورعاۋ – مەرتەبەلٸ مٸندەت ەرٸ زور جاۋاپكەرشٸلٸك. بٸزدٸڭ سپورتشىلارىمىز وليمپيادا ويىندارىندا تالاي رەت جەڭٸس تۇعىرىنا كٶتەرٸلدٸ. كٶك تۋىمىزدى جەلبٸرەتٸپ, ەنۇرانىمىزدى ەۋەلەتتٸ. سونداي سەتتە ەربٸر ازاماتىمىزدىڭ كەۋدەسٸن ماقتانىش سەزٸمٸ كەرنەيتٸنٸ سٶزسٸز. سٸزدەر الداعى سايىستا حالقىمىزدىڭ سەنٸمٸن اقتايسىزدار دەپ سەنەمٸن, – دەپ جٸگەرلەندٸردٸ پرەزيدەنت.
مەملەكەت باسشىسى بۇعان دەيٸن قازاقستان اتلەتتەرٸنٸڭ قىسقى وليمپيادا جەنە پاراليمپيادا ويىندارىندا جالپى 2 التىن, 4 كٷمٸس جەنە 4 قولا مەدال ولجالاعانىن اتاپ ٶتٸپ, وليمپيادا تاريحىندا ەسٸمدەرٸ التىن ەرٸپپەن جازىلعان ۆلاديمير سميرنوۆ, ليۋدميلا پروكاشەۆا, ەلەنا حرۋستالەۆا, دەنيس تەن جەنە يۋلييا گالىشەۆا سىندى سپورتشىلاردىڭ داڭقتى جەڭٸستەرٸ ازاماتتارىمىزدىڭ پاتريوتتىق سەزٸمٸن ارتتىرعانىن ايتتى.
– الداعى وليمپيادادا سٸزدەر دە لايىقتى ٶنەر كٶرسەتەتٸندەرٸڭٸزگە سەنٸمدٸمٸن. پاراليمپياداشىلار ٷشٸن دە ماڭىزدى سەت جاقىندادى. ەلٸمٸزدە ينكليۋزيۆتٸ قوعامدى دامىتۋ جولىندا پاراليمپيادا ويىندارىنىڭ ماڭىزى زور. قازاقستاندىق پاراليمپياداشىلاردىڭ جەڭٸستەرٸ – ماقساتقا ۇمتىلۋدىڭ, تاباندىلىق پەن ٶز كٷشٸنە دەگەن سەنٸمنٸڭ ٷلگٸسٸ. ٶكٸنٸشكە قاراي, بٸزدٸڭ سپورتشىلاردىڭ سوڭعى دايىندىق كٷندەرٸ قاڭتارداعى قايعىلى وقيعالارمەن تۇسپا-تۇس كەلدٸ. ەڭ باستىسى, ىنتىماق پەن بٸرلٸكتٸڭ ارقاسىندا بٸزدٸڭ حالقىمىز مەملەكەتتٸڭ تۇتاستىعىنا نۇقسان كەلتٸرەتٸن لاڭكەستٸككە لايىقتى تويتارىس بەرە الدى. بٸز بٷكٸل ەل بولىپ ۇلتتىق قۇراماعا جانكٷيەر بولاتىن جارىس كٷندەرٸ دە جالپىۇلتتىق بٸرلٸگٸمٸزدٸ كٶرسەتەتٸنٸمٸزدٸ بٸلەمٸن, – دەدٸ مەملەكەت باسشىسى.
پرەزيدەنت سپورتشىلاردىڭ وليمپيادا جولداماسى جولىندا جانكەشتٸلٸكپەن ەڭبەكتەنگەنٸنە توقتالىپ, ولاردىڭ كەسٸبي تۇرعىدان جەتٸلە تٷسۋٸنە بار كٷشٸن سالعان باپكەرلەردٸڭ دە ەڭبەگٸن اتاپ ٶتتٸ.
– ەندٸ تۋىستارىڭىز بەن جاقىندارىڭىزدىڭ عانا ەمەس, ميلليونداعان قازاقستاندىق جانكٷيەردٸڭ ٷمٸتٸن اقتاۋ كەرەك. سٸزدەردٸڭ جەڭٸسكە دەگەن جٸگەرلەرٸڭٸز – ٶسكەلەڭ ۇرپاققا ٷلگٸ, – دەدٸ قاسىم-جومارت توقاەۆ.
مەملەكەت باسشىسى بۇقارالىق جەنە بالالار مەن جاسٶسپٸرٸمدەر سپورتى ەردايىم ەلٸمٸزدٸڭ باسىم باعىتى ەكەنٸن ايتتى. بىلتىردان باستاپ ٶزٸنٸڭ تاپسىرماسىنا سەيكەس سپورت سالاسىنداعى مەملەكەتتٸك تاپسىرىستار بويىنشا جان باسىنا قارجى بٶلۋ ٸسكە قوسىلعانىنا توقتالدى.
– بۇل شەشٸم سپورت سەكتسييالارى مەن اۋلا كلۋبتارىنىڭ دامۋىنا تىڭ سەرپٸن بەردٸ. ٶزدەرٸڭٸز بٸلەسٸزدەر, 2022 جىلدى بالالار جىلى دەپ جارييالادىم. ٶسكەلەڭ ۇرپاقتىڭ ٷيلەسٸمدٸ دامۋىن قامتاماسىز ەتۋ ٷشٸن مەملەكەت پەن قوعام كٷش بٸرٸكتٸرۋٸ قاجەت. قولعا الىنعان وسى ٸس-ەرەكەتتەر بالالارىمىزدىڭ دەنساۋلىعىن نىعايتۋعا, ولاردى رۋحاني, ادامگەرشٸلٸك تۇرعىسىنان تەربيەلەۋگە سەپتٸگٸن تيگٸزەرٸنە سەنٸمدٸمٸن, – دەدٸ پرەزيدەنت.
كەزدەسۋ سوڭىندا وليمپيادا قۇراماسىنىڭ كاپيتانى ابزال ەجٸعاليەۆ پەن پاراليمپيادا قۇراماسىنىڭ كاپيتانى الەكساندر گەرليتس پرەزيدەنتتٸڭ قولىنان مەملەكەتتٸك تۋ الىپ, انت بەردٸ.
قاسىم-جومارت توقاەۆ سپورتشىلارىمىزدىڭ كٶك تۋىمىزدى وليمپ شىڭىنا شىعارىپ, مەملەكەتٸمٸزدٸڭ مەرەيٸن كٶتەرە بەرۋٸنە تٸلەكتەستٸك بٸلدٸردٸ.
