فوتو: اقوردانىڭ باسپاسٶز قىزمەتٸ
پرەزيدەنتتٸڭ باسپاسٶز حاتشىسى رۋسلان جەلدٸباي 17 مامىردا قاسىم-جومارت توقاەۆتىڭ تۋعان كٷنٸنە وراي ەشقانداي ٸس-شارا جوسپارلانباعانىن ايتتى, - دەپ حابارلايدى "ۇلت اقپارات".
جەلدٸباي پرەزيدەنت باسپاسٶز قىزمەتٸنە بۇقارالىق اقپارات قۇرالدارىنان مەملەكەت باسشىسى تۋعان كٷنٸن قالاي اتاپ ٶتەتٸنٸ تۋرالى سۇراقتار كەلٸپ تٷسٸپ جاتقانىن جەتكٸزدٸ.
"وسىعان وراي ەشقانداي ٸس-شارا جوسپارلانباعانىن حابارلايمىز. پرەزيدەنت مۇنداي شارالاردى قولدامايدى. مەملەكەت باسشىسى 17 مامىر كٷنٸن جۇمىس كەستەسٸنە ساي ٶتكٸزەدٸ. بۇعان دەيٸن حابارلاعانىمىزداي, بۇل كٷنٸ قاسىم-جومارت توقاەۆتىڭ قىتايعا مەملەكەتتٸك ساپارى باستالادى. قازاقستاندا دا, قحر-عا ساپار اياسىندا دا پرەزيدەنتتٸڭ تۋعان كٷنٸنە بايلانىستى ەشقانداي ٸس-شارا ٶتكٸزٸلمەيدٸ", - دەلٸنگەن حابارلامادا.
