مونوقالالارداعى ينجەنەرلٸك ينفراقۇرىلىمنىڭ جاي-كٷيٸ ٶتە ناشار. بۇل تۋرالى مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«مونوقالالارداعى ينجەنەرلٸك ينفراقۇرىلىمنىڭ جاي-كٷيٸ ٶتە ناشار. سۋ قۇبىرلارى مەن كەرٸز جەلٸسٸنٸڭ توزۋى ورتاشا ەسەپپەن 61 پايىزدى قۇرايدى. ال ارقالىق, بالقاش, شاحتينسك, تەمٸرتاۋ قالالارىندا تٸپتٸ 90 پايىزعا دەيٸن جەتەدٸ», - دەدٸ قاسىم-جومارت توقاەۆ ەكٸباستۇزدا ٶتٸپ جاتقان مونوقالالاردى دامىتۋ مەسەلەلەرٸنە ارنالعان جينالىستا.
اقوردانىڭ Twitter-دەگٸ مەلٸمەتٸنە سەيكەس, مەملەكەت باسشىسى مونوقالالارداعى جىلۋ جەنە ەلەكتر تاراتۋ جەلٸلەرٸ دە ورتاشا ەسەپپەن 55 پايىزعا توزعانىن اتاپ ٶتكەن. كەي قالالاردا بۇل كٶرسەتكٸش 85 پايىزعا دەيٸن جەتەدٸ. ال اۆتوموبيل جولدارىنىڭ 40 پايىزى قاناعاتتانارلىق كٷيدە ەمەس.
بۇعان دەيٸن حابارلاعانىمىزداي, بٷگٸن پرەزيدەنت قاسىم-جومارت توقاەۆ جۇمىس ساپارىمەن پاۆلودار وبلىسىنىڭ ەكٸباستۇز قالاسىنا كەلدٸ. مەملەكەت باسشىسى جۇمىس ساپارى بارىسىندا مونوقالالاردى دامىتۋ جٶنٸندە كەڭەس ٶتكٸزٸپ, پرەزيدەنتتٸك جاستار كادر رەزەرۆٸنٸڭ ٶكٸلدەرٸمەن كەزدەسەدٸ. سونىمەن قاتار قالاداعى يندۋستريالدى كەسٸپورىندارعا بارادى دەپ جوسپارلانعان.
