قازاقستان پرەزيدەنتٸ ەلوردا كٷنٸنە ارنالعان مەرەكەلٸك ٸس-شارانى دەستٷرلٸ تٷردە اشاتىن مەملەكەتتٸك تۋ كٶتەرۋ سالتاناتتى رەسٸمٸنە قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
– بيىل قاستەرلٸ تەۋەلسٸزدٸگٸمٸزگە – 30 جىل. سوندىقتان بۇل رەسٸمنٸڭ تاريحي مەن-ماڭىزى ايرىقشا. كٶك تۋىمىز – تەۋەلسٸز قازاقستاننىڭ ەڭ باستى رەمٸزٸ. حالقىمىز ٷشٸن ازاتتىقتان اسىل, بايراقتان بيٸك قۇندىلىق جوق. قازاقتىڭ تاريحى «تۋىڭ جىعىلماسىن!» دەگەن بٸر اۋىز تٸلەككە سىيىپ تۇر. بابالارىمىز قاشاندا تۋىن بيٸك ۇستاعان. ەلدٸگٸ سىنعا تٷسكەن سەتتە بايراق استىنا بٸرٸگٸپ, تۇتاستىعىن تانىتقان. ەرلٸك پەن بٸرلٸكتٸڭ دەستٷرٸ ۇرپاقتان ۇرپاققا جالعاسىپ, تەۋەلسٸزدٸك دەۋٸرٸنە ۇلاستى. ەگەمەن ەلدٸڭ كٶك بايراعى – مىزعىماس مەملەكەتتٸگٸمٸزدٸڭ بەلگٸسٸ, – دەدٸ پرەزيدەنت.
قاسىم-جومارت توقاەۆ جوعارى ەسكەري وقۋ ورنىنىڭ تٷلەكتەرٸنٸڭ الدىندا سٶيلەگەن سٶزٸندە مەملەكەتتٸك تۋىمىز بەن ەلٸمٸزدٸڭ باس قالاسى ۇلت بٸرلٸگٸنٸڭ جارقىن سيمۆولى ەكەنٸن ايتتى.
– ەلوردامىز – قازٸرگٸ قازاقستاننىڭ بەتكە ۇستار باس قالاسى. ەلٸمٸزدٸڭ ورتالىق مەگاپوليسٸ بولاشاققا جول اشاتىن ورداعا, جالپى ۇلت بولىپ ۇيىسۋدىڭ جەنە شىناي پاتريوتيزمنٸڭ ٷلگٸسٸنە اينالدى. تۇڭعىش پرەزيدەنت – ەلباسى مەن ميلليونداعان وتانداسىمىزدىڭ قاجىرلى ەڭبەگٸنٸڭ ارقاسىندا بوي كٶتەرگەن قالا – حالقىمىزدىڭ ماقتانىشى. وتانىمىزدىڭ جٷرەگٸ دەل وسى جەردە سوعىپ تۇر. اسا ماڭىزدى شەشٸمدەردٸڭ بەرٸ وسى جەردە قابىلدانىپ, سالماقتى وي-پٸكٸرلەر ورتاعا سالىنىپ, بٸرەگەي جوبالار جٷزەگە اسىرىلىپ جاتىر, – دەدٸ مەملەكەت باسشىسى.
قازاقستان پرەزيدەنتٸنٸڭ پٸكٸرٸنشە, ەلوردا دارىندى, جٸگەرلٸ وتانداستارىمىزدىڭ, سونداي-اق, ٶزگە مەملەكەتتەردٸڭ كٶپتەگەن ازاماتتارىنىڭ باس قوساتىن ورتالىعىنا اينالدى. قاسىم-جومارت توقاەۆ ۇلى دالا كٸندٸگٸندە قاسيەتتٸ تۋدى بيٸكتە جەلبٸرەتە وتىرىپ, ەركٸندٸك پەن ەگەمەندٸك مۇراتىنا بەيٸلدٸ ەكەنٸمٸزدٸ اتاپ ٶتتٸ.
– ەلوردا كٷنٸ ادامداردى قولداپ, شابىتتاندىرۋ, بٸرلٸكتٸڭ كٷشٸن, ٶزارا كٶمەكتٸڭ ماڭىزدىلىعى مەن ەر ازاماتتىڭ ورتاق ٸسكە قوسقان ٷلەسٸنٸڭ قۇندىلىعىن دەرٸپتەۋ ٷشٸن اسا ماڭىزدى. ەلوردا تۇرعىندارى ەكپە سالۋ ناۋقانى مەن شەكتەۋ شارالارىن ساقتاۋ كەزٸندە الدىڭعى قاتاردا بولۋى قاجەت. جاپپاي ۆاكتسينالاۋ قالىپتى تىنىس-تٸرشٸلٸككە قايتا ورالۋدىڭ, ادامداردىڭ دەنساۋلىعىن ساقتاۋدىڭ جالعىز جولى ەكەنٸن دۇرىس تٷسٸنۋٸمٸز كەرەك. «بٸز بٸرگەمٸز» ۇرانى اسا قاتەرلٸ ٸندەتكە قارسى كٷرەستەگٸ جەڭٸسٸمٸزدٸڭ بويتۇمارى بولاتىنىنا سەنٸمدٸمٸن, – دەدٸ قاسىم-جومارت توقاەۆ.
رەسٸم بارىسىندا جوعارى ەسكەري وقۋ ورنىنىڭ 12 ٷزدٸك تٷلەگٸ قازاقستان پرەزيدەنتٸ – قازاقستان رەسپۋبليكاسىنىڭ جوعارعى باس قولباسشىسىنىڭ قولىنان وفيتسەر پوگونىن الدى.
– وقۋلارىڭىزدىڭ سەتتٸ اياقتالعانى قۇتتى بولسىن, جاس وفيتسەرلەر! وفيتسەرلٸك شەن – بۇل, ەڭ بٸرٸنشٸ, وتان الدىنداعى زور جاۋاپكەرشٸلٸك. بولاشاقتا كوماندير اتانىپ, جاس ساربازدارعا تەلٸم بەرەسٸزدەر. سوندىقتان وتانشىل, باتىل جەنە ايبىندى بولىپ, ٷلگٸ كٶرسەتۋ اسا ماڭىزدى. مٷلتٸكسٸز قىزمەت ەتۋ – بەرٸڭٸزگە ورتاق مٸندەت. انتقا ادال بولۋ, تەۋەلسٸز ەلٸمٸزدٸ قورعاۋ – قاستەرلٸ پارىز, – دەدٸ مەملەكەت باسشىسى.
جيىن سوڭىندا قاسىم-جومارت توقاەۆ بارلىق قاتىسۋشىلاردى كەلە جاتقان ەلوردا كٷنٸمەن قۇتتىقتاپ, وتانىمىزدىڭ ٶسٸپ-ٶركەندەي بەرۋٸنە تٸلەكتەستٸك بٸلدٸردٸ.
