بٷگٸندە مەملەكەتتٸك تٸلدٸ بٸلەتٸن قازاقتىڭ دا, ٶزگە ەتنوس ٶكٸلدەرٸنٸڭ دە ٷلەسٸ ەدەۋٸر ارتتى. قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ «تەۋەلسٸزدٸك بەرٸنەن قىمبات» اتتى ماقالاسىندا وسىلاي مەلٸم ەتتٸ, دەپ حابارلايدى "ۇلت اقپارات".
«ەلٸمٸزدٸڭ باستى نىشاندارىنىڭ بٸرٸ – مەملەكەتتٸك تٸل. قازاقستاننىڭ مەملەكەتتٸك تٸلٸ قازاق تٸلٸ ەكەنٸ اتا زاڭىمىزدا 90-جىلدارداعى كٷردەلٸ كەزەڭنٸڭ ٶزٸندە ناقتى جازىلعان. بٸز تەۋەلسٸزدٸك دەۋٸرٸندە انا تٸلٸمٸزدٸ دامىتۋ ٷشٸن بارلىق جاعدايدى جاسادىق. وسى ارالىقتا قازاق تٸلٸندە بٸلٸم بەرەتٸن مەكتەپتەر مەن وقۋ ورىندارىنىڭ, بالاباقشالاردىڭ سانى ەسەلەپ كٶبەيدٸ.
بٷگٸندە مەملەكەتتٸك تٸلدٸ بٸلەتٸن قازاقتىڭ دا, ٶزگە ەتنوس ٶكٸلدەرٸنٸڭ دە ٷلەسٸ ەدەۋٸر ارتتى. قازاق تٸلٸن, شىن مەنٸندە, بٷكٸل حالقىمىزدى بٸرٸكتٸرۋشٸ فاكتورعا اينالدىرۋدىڭ بارلىق قۇقىقتىق تەسٸلدەرٸ جەنە كەپٸلدٸكتەرٸ قالىپتاستى. مەسەلە – نيەتتە. نيەتتٸڭ دۇرىس بولۋى قازاق تٸلٸن مەڭگەرگٸسٸ كەلەتٸن ادامدارعا دا, وسى ماقساتقا جەتۋگە جاعداي جاسايتىن ٷكٸمەتكە دە بايلانىستى», - دەدٸ پرەزيدەنت.
ممەلەكەت باسشىسى مەملەكەتتٸٸ تٸلدٸ يگەرۋ ٷشٸن بالالار ەدەبيەتٸنٸڭ اتقاراتىن رٶلٸ زور ەكەنٸن اتاپ ٶتتٸ.
«سوندىقتان, قازاق قالامگەرلەرٸنٸڭ ٷزدٸك شىعارمالارىنا قوسا, بالالارعا ارنالعان شەتەل جازۋشىلارىنىڭ دا تاڭداۋلى تۋىندىلارىن اۋدارىپ, كٶپتەپ باسىپ شىعارۋدى جەنە تاراتۋدى قولعا العان جٶن. وعان سۇرانىس جوعارى.
مەملەكەتتٸك تٸلدٸ بٸلۋ – قازاقستاننىڭ ەربٸر ازاماتىنىڭ پارىزى. مٸندەتٸ دەپ تە ايتۋعا بولادى. وسى ورايدا مەن بارشا قازاقستاندىقتارعا, ونىڭ ٸشٸندە قازاق تٸلٸن ەلٸ جەتە مەڭگەرمەگەن وتانداستارىما ٷندەۋ تاستاعىم كەلەدٸ. جاستار اعىلشىن تٸلٸن نەمەسە باسقا دا تٸلدەردٸ از عانا ۋاقىتتا مەڭگەرە الاتىنىن كٶرٸپ وتىرمىز. تۇتاس بۋىن الماسقان وسى جىلداردا قازاق تٸلٸن ٷيرەنگٸسٸ كەلگەن ادام ونى ەلدەقاشان بٸلٸپ شىعار ەدٸ. حالقىمىزدا «ەشتەن كەش جاقسى» دەگەن سٶز بار. ەڭ باستىسى, ىنتا بولۋى كەرەك», - دەدٸ پرەزيدەنت.
مەملەكەت باسشىسىنىڭ ايتۋىنشا, انا تٸلٸمٸزدٸ كەڭٸنەن قولدانۋ – باسقا تٸلدەرگە, ەسٸرەسە ورىس تٸلٸنە شەكتەۋ قويىلادى دەگەن سٶز ەمەس.
«بارشا ەتنوس ٶكٸلدەرٸنٸڭ انا تٸلٸن, سالت-دەستٷرٸن دامىتۋعا مٷمكٸندٸك جاسالا بەرەدٸ. جاستارىمىز بٸرنەشە تٸل بٸلۋ ٶزدەرٸنٸڭ كٶكجيەگٸن كەڭەيتٸپ, كٶكٸرەك كٶزٸن وياتاتىنىن جەتە تٷسٸنگەنٸ ابزال», - دەدٸ پرەزيدەنت.
.jpeg)