قر پرەزيدەنتٸ قاسىم-جومارت توقاەۆتىڭ اباي تۋرالى ماقالاسى اقىن مەرەيتويىن مەرەكەلەۋدە اينىمايتىن باعىت-باعدار بولۋعا تيٸس. مۇنداي پٸكٸردٸ ابايدىڭ «جيدەباي-بٶرٸلٸ» مەملەكەتتٸك جەنە ەدەبي-مەموريالدىق قورىق-مۋزەيٸنٸڭ ديرەكتورى جاندوس ەۋبەكٸر ايتتى, دەپ حابارلايدى قازاقپارات.
«Egemen Qazaqstan» گازەتٸندە جارىق كٶرگەن قر پرەزيدەنتٸ قاسىم-جومارت كەمەلۇلى توقاەۆتىڭ «اباي جەنە XXI عاسىرداعى قازاقستان» اتتى ماقالاسىن اباي مۋزەيٸنٸڭ ۇجىمى ىقىلاسپەن قابىلدادى. بۇل ماقالا ەلەمدٸك دەڭگەيدە اتالىپ ٶتەتٸن اباي تويىنىڭ ماڭىزى مەن ەرەكشەلٸگٸن جان-جاقتى ناقتىلاپ, الدىمىزعا كەلەلٸ جۇمىستاردى مازمۇندى اتقارۋدى جٷكتەپ وتىر. مەملەكەت باسشىسى ابايدىڭ 175 جىلدىق مەرەيتويىن اتاپ ٶتۋ تەك توي تويلاۋ ٷشٸن ەمەس, وي-ٶرٸسٸمٸزدٸ كەڭەيتٸپ, رۋحاني تۇرعىدان دامۋىمىز ٷشٸن قاجەت ەكەنٸن ايتا وتىرىپ, ەلٸمٸزگە الىس-جاقىننان كەلەتٸن مەيماندار مەن تۋريستەردٸ كٷتٸپ الۋعا جاعداي جاساۋ كەرەكتٸگٸن, «ادامزاتتىڭ بەرٸ سٷي باۋىرىم دەپ» دەگەن ەلەمنٸڭ ابايىن تانۋعا اسىعىپ كەلەتٸن جيدەبايداعى اباي مۋزەي-ٷيٸن جاڭعىرتۋ جۇمىستارىنا باسا نازار اۋدارۋدا», - دەدٸ مۋزەي ديرەكتورى.
ونىڭ دەرەگٸنشە, بيىل ابايدىڭ 175 جىلدىعىنا وراي حالىقارالىق, رەسپۋبليكالىق جەنە ايماقتىق دەڭگەيدە 500-دەن استام ٸس-شارا ۇيىمداستىرىلادى. بۇل رەتتە تامىز ايىندا سەمەي قالاسىندا UNESCO-مەن بٸرلەسٸپ ٶتكٸزٸلەتٸن «اباي مۇراسى جەنە ەلەمدٸك رۋحانييات» اتتى حالىقارالىق عىلىمي-پراكتيكالىق كونفەرەنتسييا ەڭ باستى شارا بولۋى تيٸس. قازان ايىندا نۇر-سۇلتان قالاسىندا ٶتەتٸن «اباي جەنە رۋحاني جاڭعىرۋ مەسەلەلەرٸ» اتتى حالىقارالىق كونفەرەنتسييا مەن باسقا دا جيىندار ابايدىڭ تۇلعاسى مەن مۇراسىن جان-جاقتى زەردەلەۋ جەنە ونىڭ شىعارماشىلىعىن ححٸ عاسىرداعى جاڭا قازاقستاننىڭ يگٸلٸگٸنە پايدالانۋعا جول اشۋى قاجەت.
«ماقالادا كٶرسەتٸلگەن ەلدٸڭ رۋحاني دامۋىنداعى ەرەكشە ورنى بار سەمەي قالاسىن تاريحي ورتالىق رەتٸندە بەلگٸلەۋ, ۇلى اباي مەن شەكەرٸمنٸڭ, مۇحتار ەۋەزوۆتٸڭ كٸندٸك قانى تامعان ٶڭٸرگە ايرىقشا قۇرمەت كٶرسەتۋ, سەمەي شاھارىن ەلەۋمەتتٸك-ەكونوميكالىق تۇرعىدان كەشەندٸ تٷردە دامىتۋعا كٷش سالۋ, ۇلى تۇلعالاردىڭ ٸزٸ قالعان قالاداعى تاريحي-مەدەني نىسانداردى زاماناۋي كٶزقاراستا جاڭعىرتۋ, ابايدىڭ قاستەرلٸ مەكەنٸ – ەيگٸلٸ جيدەبايدى اباتتاندىرىپ, ۇلى اقىننىڭ رۋحىنا تاعزىم ەتۋگە كەلەتٸن جۇرتشىلىققا قولايلى جاعداي جاساۋ, ابايدىڭ «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق قورىق-مۋزەيٸنە ەرەكشە كٶڭٸل بٶلٸپ, عىلىمي-تانىمدىق جۇمىستارمەن اينالىساتىن ورتالىققا اينالدىرۋ مەسەلەلەرٸ مەن بٸرەگەي باستامالارىن قولدايمىز. بۇل باستاما تۇتاس ەلٸمٸزدٸڭ دامۋى مەن حالىق يگٸلٸگٸنە اساتىن جۇمىستاردىڭ باستاۋ كٶزٸ, قاينار بۇلاعى رەتٸندە تەۋەلسٸز ەلٸمٸزدٸڭ دامۋىنا ٷلەس قوسارى انىق», - دەدٸ ول.
جاندوس ەۋبەكٸر ەل پرەزيدەنتٸنٸڭ ۇلىلار مەكەنٸندەگٸ قاسيەتتٸ ورىن, قارا ٶلەڭنٸڭ مەككەسٸ جيدەبايدا مۋزەيگە ارنايى لايىقتالعان «اباي مۇراسى» اتتى جاڭا عيمارات سالۋ يدەياسىنا ٷلكەن قولداۋ بٸلدٸرەدٸ. بۇل مۋزەي ٸسٸنٸڭ دامۋىنا, اباي مۇراسىن ەلەمدٸك دەڭگەيدە پاش ەتۋگە اسا قاجەت دٷنيە ەكەنٸن اتاپ ٶتەدٸ.
«ابايدىڭ شىعارمالارىنا زەر سالساق, ونىڭ ٷنەمٸ ەلدٸڭ العا جىلجۋىنا, ٶسٸپ-ٶركەندەۋٸنە شىن نيەتٸمەن تٸلەۋلەس بولعانىن, وسى يدەيانى بارىنشا دەرٸپتەگەنٸن بايقاۋ قيىن ەمەس. ال ٸلگەرٸلەۋدٸڭ نەگٸزٸ بٸلٸم مەن عىلىمدا ەكەنٸن انىق بٸلەمٸز. اباي قازاقتىڭ دامىلسىز وقىپ-ٷيرەنگەنٸن بار جان-تەنٸمەن قالاعان ويشىل, ۇلى ابايدىڭ «پايدا ويلاما, ار ويلا, تالاپ قىل ارتىق بٸلۋگە» دەگەن ٶنەگەلٸ ٶسيەتٸن دە وسى تۇرعىدان ۇعىنۋ كەرەك ەكەنٸ مەملەكەت باسشىسىنىڭ ماقالاسىندا ورامدى وي, يگٸ يدەيا, پاراساتتى پايىم رەتٸندە كٶرٸنٸس تاپقان. سونىمەن قاتار, ق.توقاەۆ ٶز ماقالاسىندا اباي مۇراسىنىڭ ٶسكەلەڭ ۇرپاق پەن ەل بولاشاعى جاستارعا تيگٸزەتٸن پايداسى جايىندا وي ٶربٸتٸپ, ۇلى اقىن شىعارماشىلىعىنىڭ قاي كەزەڭدە دە ٶزەكتٸلٸگٸن جويماي, زامانا جٷگٸن كٶتەرٸپ, اباي ۇلاعاتى بارشا ادامزات يگٸلٸگٸ ٷشٸن رۋحاني ازىق ەكەنٸن دە اتاپ ٶتتٸ. سوندىقتان ۇلتىمىزدى جاڭعىرتۋ ٸسٸندە حاكٸم اباي ەڭبەكتەرٸن باسشى¬لىققا الۋ, ۇتىمدى پايدالانۋ جايىن تاعى بٸر مەرتە وي ەلەگٸنەن ٶتكٸزۋدٸ, اباي سٶزٸ-نٸڭ بٷگٸنگٸ زامانىمىز ٷشٸن كٶكەيكەستٸلٸگٸ, اقىن شىعارمالارىنان حالقىمىز تاعىلىم الۋعا تيٸس ەكەندٸگٸ جٶنٸندە ايتا كەلٸپ, اباي مۇراسى ۇلتتىق بولمىستىڭ ٷلگٸسٸ حاقىندا, ويشىلدىڭ وسىدان بٸر عاسىردان استام ۋاقىت بۇرىن ۇلتتى جاڭعىرۋعا, جاڭارۋعا جەنە جاڭا ٶمٸرگە بەيٸم بولۋعا شاقىرعانى تۋرالى وي بٶلٸستٸ», - دەدٸ جاندوس ەۋبەكٸر.
ونىڭ پايىمىنشا, مەملەكەت باسشىسىنىڭ بۇل ماقالاسى اباي تويىن جوعارى دەڭگەيدە اتاپ ٶتۋ مەن ابايتانۋ سالاسىنداعى ورىندالۋعا تيٸس مٷددەلەر مەن ماقسات-مۇراتتاردىڭ جٷزەگە اسىرىلۋىنا سەپتٸگٸن تيگٸزٸپ, بارشا قازاق حالقىنىڭ ۇلى تۇلعاسى ابايدىڭ مەرەيتويىن مەرەكەلەۋدە اينىمايتىن باعىت-باعدار بولۋعا تيٸس.
«قاسىم-جومارت كەمەلۇلى كٶتەرگەن مەسەلەلەر مەن باستامالار ەل مٷددەسٸ ٷشٸن پايداعا اسىرىلىپ, كەڭ بايتاق دالامىزدىڭ ٸرٸ ويشىلدارىنىڭ بٸرٸ - اباي مەن ونىڭ شىعارماشىلىعىنا, كەمەڭگەر اقىننىڭ اينالاسىنا قاتىستى تاريحي دەرەكتەر مەن مۇراعاتتاردىڭ جاڭعىرۋىنا سەپٸتٸگٸن تيگٸزەدٸ دەپ سەنەمٸز», -دەدٸ مۋزەي باسشىسى.
