مەملەكەت باسشىسى قاسىم-جومارت توقاەۆ ماڭعىستاۋ جەنە قىزىلوردا وبلىستارىنىڭ ەكٸمدەرٸمەن ٶڭٸرلەردەگٸ قازٸرگٸ سانيتارلىق-ەپيدەميولوگييالىق جەنە ەلەۋمەتتٸك-ەكونوميكالىق احۋالدى تەلەفون ارقىلى تالقىلادى. بۇل تۋرالى قر پرەزيدەنتٸنٸڭ باسپاسٶز حاتشىسى بەرٸك ۋەلي Facebook-تە جازدى, دەپ حابارلايدى "ۇلت اقپارات".
ماڭعىستاۋ وبلىسىنىڭ ەكٸمٸ سەرٸكباي ترۇموۆ پرەزيدەنتكە COVID-19 ٸندەتٸنە قارسى كٷرەس بويىنشا قابىلدانىپ جاتقان شارالار, سونىڭ ٸشٸندە, حالىققا ەكپە ەگۋ جەنە مالدى جەم-شٶپپەن قامتاماسىز ەتۋ مەسەلەلەرٸ جٶنٸندە باياندادى.
مەملەكەت باسشىسى وبلىس تۇرعىندارىنا ەكپە سالۋ قارقىنىن ارتتىرۋ جٶنٸندەگٸ جۇمىستاردى كٷشەيتۋدٸ, سونداي-اق, ەڭبەك داۋلارىن رەتتەۋ جەنە بولدىرماۋ, ٶندٸرٸس ورىندارى مەن مۇناي كەسٸپورىندارىنا قىزمەت كٶرسەتەتٸن مەكەمە جۇمىسشىلارىنا ەلەۋمەتتٸك قولايلى جاعدايدى قامتاماسىز ەتۋ شارالارىن قابىلداۋدى تاپسىردى.
سونىمەن قاتار پرەزيدەنت ٷكٸمەتكە ەكٸمدٸكپەن بٸرلەسٸپ, قۋاڭشىلىق سالدارىنا جەنە جايىلىمدىق جەرلەردەگٸ شٶپتٸڭ تاپشىلىعىنا بايلانىستى قالىپتاسقان جاعداي بويىنشا فەرمەرلەر مەن اۋىل تۇرعىندارىن قولداۋ ٷشٸن قاجەتتٸ شارالار قابىلداۋدى تاپسىردى.
قىزىلوردا وبلىسىنىڭ ەكٸمٸ گٷلشارا ەبدٸقالىقوۆا مەملەكەت باسشىسىنا كوروناۆيرۋس ٸندەتٸمەن كٷرەستە جٷرگٸزٸلٸپ جاتقان جۇمىستار تۋرالى ەسەپ بەردٸ. ٶڭٸردەگٸ ۆاكتسينا سالدىرۋعا تيٸستٸ تۇرعىنداردىڭ 52 پايىزى ەكپە الدى.
سونىمەن قاتار وبلىس ەكٸمٸ ايماقتاعى سۋ شارۋاشىلىعىنا قاتىستى جاعدايدى دا باياندادى. بٷگٸندە سىردارييا ٶزەنٸ ارقىلى وبلىسقا سەكۋندىنا 550 تەكشە مەتر سۋ كەلۋدە. شارۋاشىلىق سۋبەكتٸلەرٸنە سۋ بەرۋ كەزەگٸ مەن ونىڭ كٶلەمٸن انىقتايتىن جۇمىس كوميسسيياسى قۇرىلدى.
وبلىس ەكٸمٸنٸڭ ايتۋىنشا, ارال اۋدانىندا 12 شٸلدەدە تٶتەنشە جاعداي جارييالانعان. وسىعان بايلانىستى ٷكٸمەت رەزەرۆٸنەن جەنە وبلىستىق بيۋدجەتتەن جەم-شٶپ سۋبسيديياسىنا, سونداي-اق, سۋ ارنالارىن تازارتۋعا جەنە ۇڭعىمالار قازۋعا قارجى بٶلۋ تۋرالى شەشٸم قابىلدانعان.
مەملەكەت باسشىسى قىزىلوردا وبلىسىنىڭ ەكٸمٸنە حالىقتى ۆاكتسينالاۋعا قاتىستى اقپاراتتىق-تٷسٸندٸرۋ جۇمىستارىن كٷشەيتۋدٸ, مۇناي-گاز سالاسىنداعى پروبلەمالاردى شەشۋ ٷشٸن كەشەندٸ امال قاراستىرۋدى, سونداي-اق, قىزىلوردا وبلىسىنا قاراستى اۋداندارداعى زارداپ شەككەن شارۋاشىلىق سۋبەكتٸلەرٸنە جەم-شٶپ دايىنداۋدى قامتاماسىز ەتۋدٸ تاپسىردى.
