قاسىم-جومارت توقاەۆ حالىق ەرتٸسٸ ەلٸبەك دٸنٸشەۆتٸ «قازاقستاننىڭ ەڭبەك ەرٸ» اتاعىمەن ماراپاتتادى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى مەدەنيەت مايتالمانىن مەرەيتويىمەن قۇتتىقتاپ, ٶنەرگە سٸڭٸرگەن ەڭبەگٸن جوعارى باعالادى. ەلٸبەك دٸنٸشەۆتٸڭ جارتى عاسىرعا جۋىق اتقارعان قىزمەتٸنە ريزاشىلىعىن بٸلدٸردٸ.
– قازاقتىڭ ماڭدايىنا بٸتكەن ەڭ دارىندى تۇلعالارىمىزدىڭ بٸرٸسٸز. بەرٸمٸز سٸزدٸ ماقتان تۇتامىز. قازاقستاندا دا, شەت مەملەكەتتەردە دە ٶزٸڭٸزدٸ بٸلمەيتٸن ادام جوق. ەلەمدٸك دەڭگەيدە سٸزدٸڭ ٶنەرٸڭٸزدٸ بەرٸ جوعارى باعالايدى. پەداگوگ رەتٸندە دە, قوعامدىق جۇمىستاردا دا بەلسەندٸسٸز. تەۋەلسٸز ەلٸمٸزدٸڭ دامۋىنا سٸڭٸرگەن ەڭبەگٸڭٸز وراسان. وسى قىزمەتٸڭٸزدٸ ەسكەرە وتىرىپ, وتاندىق مەدەنيەتتٸ دامىتۋ مەن مۋزىكا ٶنەرٸن دەرٸپتەۋدەگٸ ايرىقشا ەڭبەگٸڭٸز ٷشٸن جوعارى دەرەجەلٸ ەرەكشەلٸك بەلگٸسٸ – «قازاقستاننىڭ ەڭبەك ەرٸ» اتاعىن بەرۋ تۋرالى شەشٸم قابىلداندى. مەن ونى لايىقتى شەشٸم دەپ ەسەپتەيمٸن, – دەدٸ قازاقستان پرەزيدەنتٸ.
ەلٸبەك دٸنٸشەۆ مەملەكەت باسشىسىنا ەڭبەگٸن باعالاپ, قۇرمەت كٶرسەتكەنٸ ٷشٸن العىسىن بٸلدٸردٸ.
– مەنٸڭ شىعارماشىلىعىمدى باعالاپ, كٶرسەتٸپ جاتقان قۇرمەتٸڭٸز ٷشٸن العىس ايتامىن. ٶزٸڭٸز ايتقانداي ەلٸمٸزدٸڭ دە, شەت مەملەكەتتەردٸڭ دە ساحناسىندا ٶنەر كٶرسەتٸپ كەلە جاتقانىما 45 جىل بولعان ەكەن. 70 جاس مەرەيتويىما جوعارى دەرەجەلٸ «قازاقستاننىڭ ەڭبەك ەرٸ» اتاعىن بەرٸپ جاتىرسىزدار. شەكسٸز ريزاشىلىعىمدى بٸلدٸرەمٸن, – دەدٸ ەلٸبەك دٸنٸشەۆ.
قاسىم-جومارت توقاەۆ قابىلداۋ سوڭىندا ەلٸبەك دٸنٸشەۆكە دەنساۋلىق, كەسٸبي جەنە قوعامدىق جۇمىسىنا تابىس تٸلەدٸ.
