فوتو: اقوردا
مەملەكەت باسشىسى قاسىم-جومارت توقاەۆ قازاقستان حالقىن جەڭٸس كٷنٸمەن قۇتتىقتادى, دەپ حابارلادى اقوردا.
قۇرمەتتٸ وتانداستار!
سٸزدەردٸ ۇلى جەڭٸستٸڭ 80 جىلدىعىمەن شىن جٷرەكتەن قۇتتىقتايمىن!
وسى مەرەيلٸ كٷندٸ ەلٸمٸزدٸڭ ەربٸر ازاماتى ەرەكشە كٶڭٸل-كٷيمەن قارسى الىپ, جەڭٸمپاز اعا بۋىنعا شەكسٸز ريزاشىلىعىن بٸلدٸرەدٸ.
فاشيزمگە قارسى سۇراپىل سوعىس حالقىمىزعا وراسان زور قايعى-قاسٸرەت ەكەلدٸ. بٸزدٸڭ قاھارمان جاۋىنگەرلەرٸمٸز اسقان ەرلٸك پەن باتىلدىق تانىتىپ, ازاتتىق پەن ەدٸلدٸك جولىندا ايانباي كٷرەستٸ. جٷز مىڭداعان ساربازىمىز ۇرىس دالاسىندا قازا تاپتى. تىلداعى جۇرت تا ادام ايتقىسىز قيىندىققا قاراماستان تىنىمسىز تەر تٶگٸپ, جەڭٸستٸ جاقىنداتۋعا ٶلشەۋسٸز ٷلەس قوستى. ولار ەگٸس القابىندا, زاۋىتتار مەن فابريكالاردا كٷن-تٷن دەمەي جۇمىس ٸستەپ, مايداندى قامتاماسىز ەتتٸ.
بٸز وتانداستارىمىزدىڭ قايتپاس قايسارلىعى مەن قاجىرلى ەڭبەگٸن ەشقاشان ۇمىتپايمىز. جانقييارلىق پەن ەرلٸكتٸڭ وزىق ٷلگٸسٸن كٶرسەتكەن باتىرلارىمىزدىڭ ەسٸمٸن ەردايىم ۇلىقتايمىز. ارداگەرلەرٸمٸزگە قامقورلىق جاساپ, قولداۋ بٸلدٸرەمٸز.
قازاقستاندا جەڭٸس كٷنٸنە وراي كٶپتەگەن ٸس-شارا ٶتكٸزٸلٸپ جاتىر. ەلٸمٸز بويىنشا بەس جٷزگە جۋىق كٶشەنٸ قاھارمان ەرلەرٸمٸزدٸڭ اتىمەن اتاۋ تۋرالى شەشٸم قابىلداندى. اۋقىمدى ەسكەري شەرۋ ٶتتٸ. مۇنىڭ بەرٸ زۇلمات سوعىستىڭ زاردابىن حالقىمىز ەشقاشان جادىنان شىعارماۋى ٷشٸن قاجەت.
بٸز جەڭٸس كٷنٸندە بەيبٸت ٶمٸردٸڭ قادٸرٸن ۇعىنىپ, دوستىق پەن تىنىشتىقتىڭ ماڭىزدىلىعىن تەرەڭ تٷسٸنەمٸز. وسى مىزعىماس قۇندىلىقتار ەردايىم حالقىمىزدىڭ ەل-اۋقاتىن ارتتىرۋدىڭ جەنە قازاقستاندى تۇراقتى دامىتۋدىڭ بەرٸك نەگٸزٸ بولىپ قالا بەرەدٸ. مەن بۇعان كەمٸل سەنەمٸن.
قادٸرلٸ ارداگەرلەرٸمٸزگە جەنە بارشا وتانداستارىمىزعا زور دەنساۋلىق, باق-بەرەكە تٸلەيمٸن!
ۇلى جەڭٸس كٷنٸ قۇتتى بولسىن!
