فوتو: اشىق دەرەككٶز
مەملەكەت باسشىسى جولداۋىندا ەلٸمٸزدٸڭ ەنەرگەتيكالىق قاۋٸپسٸزدٸگٸن قامتاماسىز ەتۋ ٷشٸن ەكٸنشٸ, تٸپتٸ ٷشٸنشٸ اتوم ەلەكتر ستانتسيياسىنىڭ قۇرىلىسىن قازٸردەن باستاپ جوسپارلاۋ قاجەت ەكەنٸن ايتتى, دەپ حابارلايدى Ult.kz.
پرەزيدەنتتٸڭ سٶزٸنشە, قازاقستان قۋات كٶزدەرٸن جاڭعىرتىپ, شەتەلدٸك ينۆەستورلاردىڭ قاتىسۋىمەن ٸرٸ جوبالاردى جٷزەگە اسىرۋدا. الداعى بەس جىلدا قۋاتى 6,3 گيگاۆاتت بولاتىن «جاسىل» ەنەرگييا نىساندارى ٸسكە قوسىلىپ, جاڭارتىلاتىن ەنەرگييا ٷلەسٸ ايتارلىقتاي ٶسەدٸ.
الايدا ەلدٸڭ باستى ماقساتى تەك قۋات كٶزدەرٸن تٷرلەندٸرۋ ەمەس, ۇزاقمەرزٸمدٸ ۇلتتىق مٷددەگە نەگٸزدەلگەن تۇراقتى دامۋ جولىن قامتاماسىز ەتۋ. وسى ورايدا يادرولىق ەنەرگەتيكانى دامىتۋدىڭ ماڭىزى ەرەكشە. بٸر اي بۇرىن الماتى وبلىسىندا العاشقى اتوم ەلەكتر ستانتسيياسىنىڭ قۇرىلىسى «روساتوممەن» بٸرگە باستالعان. بٸراق ەكونوميكانى تۇراقتى دامىتۋ ٷشٸن بۇل جەتكٸلٸكسٸز.
«ەكٸنشٸ, تٸپتٸ ٷشٸنشٸ اتوم ەلەكتر ستانتسيياسىنىڭ قۇرىلىسىن قازٸردەن باستاپ جوسپارلاي بەرۋٸمٸز كەرەك», — دەدٸ پرەزيدەنت.
سونداي-اق قىتاي حالىق رەسپۋبليكاسىنىڭ تٶراعاسى سي تسزينپينمەن كەزدەسۋدە اتوم سالاسىندا ستراتەگييالىق سەرٸكتەستٸك ورناعانى اتاپ ٶتٸلدٸ. قازاقستان ەنەرگەتيكالىق دەربەستٸكتٸ قامتاماسىز ەتۋ ٷشٸن ەلەمدٸك كومپانييالارمەن ٶزارا تيٸمدٸ بايلانىس ورناتۋعا دايىن.
بۇدان بٶلەك, مەملەكەت باسشىسى كٶمٸر ەنەرگەتيكاسىن ەكولوگييالىق تازا تەحنولوگييالار ارقىلى دامىتۋ قاجەتتٸگٸن دە اتاپ ٶتتٸ.
