فوتو: اقوردانىڭ باسپاسٶز قىزمەتٸ
1996 جىلى پرەزيدەنت جارلىعىمەن 1 مامىر – قازاقستان حالقىنىڭ بٸرلٸگٸ كٷنٸ بولىپ بەكٸتٸلگەن. 1995 جىلعى 1 ناۋرىزدا قازاقستان حالقى اسسامبلەياسى قۇرىلدى. جۋىردا ٶتكەن اسسامبلەيانىڭ حححٸV سەسسيياسىندا مەملەكەت باسشىسى قاسىم-جومارت توقاەۆ قازاقستان حالقى اسسامبلەياسىنىڭ 30 جىلدىعى — ەگەمەندٸك تاريحىنداعى ايتۋلى وقيعا ەكەنٸن ايتتى.
بيىل 20,3 ميلليون قازاقستاندىق بۇل مەيرامدى تاتۋلىق پەن دوستىقتىڭ بەلگٸسٸ رەتٸندە اتاپ ٶتەدٸ. ۇلتتىق ستاتيستيكا بيۋروسىنىڭ مەلٸمەتٸ بويىنشا قازاقستان حالقىنىڭ جالپى سانى – 20 316 155 ادام. بٸر شاڭىراق استىندا تٷرلٸ ۇلت پەن ەتنوس ٶكٸلدەرٸ بەيبٸت ٶمٸر سٷرٸپ جاتىر:
قازاقتار – 14 456 709
ورىستار – 2 963 938
ٶزبەكتەر – 678 487
ۋكرايندار – 371 807
ۇيعىرلار – 305 648
نەمٸستەر – 223 272
تاتارلار – 218 926
ەزٸربايجاندار – 155 364
كەرٸستەر – 120 686
تٷرٸكتەر – 91 732
دٷنگەندەر– 86 067
بەلارۋستار – 74 389
تەجٸكتەر – 58 712
كٷردتەر – 51 171
قىرعىزدار – 40 200
وسى ورايدا, مەملەكەت باسشىسى قاسىم-جومارت توقاەۆ قازاقستان حالقىنىڭ بٸرلٸگٸ مەرەكەسٸمەن قۇتتىقتاپ, بارشاعا باق-بەرەكە تٸلەدٸ. بۇل تۋرالى اقوردانىڭ باسپاسٶز قىزمەتٸ حابارلادى.
مەملەكەت باسشىسى قاسىم-جومارت توقاەۆتىڭ قازاقستان حالقىنىڭ بٸرلٸگٸ مەرەكەسٸمەن قۇتتىقتاۋى:
قۇرمەتتٸ وتانداستار!
قازاقستان حالقىنىڭ بٸرلٸگٸ مەرەكەسٸ قۇتتى بولسىن!
بۇل – مەملەكەتٸمٸز ٷشٸن ايرىقشا مەنٸ بار مەيرام. جۇرتىمىز ورتاق قۇندىلىقتارعا نەگٸزدەلگەن جاسامپاز ماقساتتارعا جەتۋ جولىندا بار كٷش-جٸگەرٸن جۇمىلدىرىپ, بولاشاققا سەنٸممەن قادام باسىپ كەلەدٸ.
كەڭ بايتاق جەرٸمٸزدە تٷرلٸ ەتنوس ٶكٸلدەرٸ ٶزارا كەلٸسٸمدە, تاتۋ-تەتتٸ ٶمٸر سٷرٸپ جاتىر.
بيىل قازاقستان حالقى اسسامبلەياسىنىڭ قۇرىلعانىنا 30 جىل تولدى.
وسى بٸرەگەي ۇيىم ەۋەل باستان ەلٸمٸزدەگٸ بەيبٸتشٸلٸك پەن تاتۋلىقتىڭ جارشىسىنا اينالدى. اسسامبلەيا ازاماتتارىمىزدىڭ ٶزارا قۇرمەتٸ مەن ىرىستى ىنتىماعىنا سٷيەنٸپ, ۇلتتى ۇيىستىرۋعا ەلەۋلٸ ٷلەس قوسىپ كەلەدٸ.
حالقىمىزدىڭ اۋىزبٸرشٸلٸگٸ مەن تٸلەۋلeستٸگٸنٸڭ ارقاسىندا مەملەكەتٸمٸز دامىپ, قولعا الىنعان اۋقىمدى رەفورمالار تابىستى جٷزەگە اسىرىلا بەرەدٸ.
ەلٸمٸز تەڭدٸككە, ٶزارا سەنٸمگە جەنە مەدەني ەرالۋاندىلىقتىڭ جاسامپاز ەلەۋەتٸنە ارقا سٷيەپ, ەل بٸرلٸگٸن ودان ەرٸ نىعايتا تٷسەدٸ.
بٸز جۇرت بولىپ جۇمىلا بٸلسەك, كەز-كەلگەن سىناقتى ەڭسەرٸپ, بيٸك بەلەستەردٸ باعىندىرامىز.
ۇلتىمىزدىڭ ارمان-مۇراتى – ەدٸلەتتٸ ەرٸ قۋاتتى قازاقستاندى بٸرگە قۇرامىز.
بارشاڭىزعا باق-بەرەكە تٸلەيمٸن! بٸرلٸگٸمٸز بەكەم, اسپانىمىز اشىق بولسىن!
