قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ قازاقستان كەسٸپوداقتارى فەدەراتسيياسىنىڭ XXVI سەزٸنٸڭ دەلەگاتتارىنا ٷندەۋ جولدادى. "ۇلت اقپارات" ٷندەۋدٸڭ تولىق مەتٸنٸن جارييالايدى.
***
قۇرمەتتٸ سەزگە قاتىسۋشىلار,
قازاقستان كەسٸپوداقتارىنىڭ ٶكٸلدەرٸ!
كەسٸپوداقتار – ەڭبەك ادامىنىڭ قۇقىقتارىن قورعاۋ, ونىڭ لايىقتى تۇرمىس ساپاسى مەن جۇمىس جاعدايىن قامتاماسىز ەتۋ جولىندا مەرتەبەلٸ ميسسييا اتقاراتىن اسا ماڭىزدى زاماناۋي قوعامدىق ينستيتۋتتىڭ بٸرٸ.
تٷرلٸ كەسٸپپەن اينالىساتىن ەڭبەك ادامدارى – ۇلت يگٸلٸگٸنٸڭ قاينار كٶزٸ.
بٸز ەڭبەكتٸ قازاقستان قوعامىنىڭ نەگٸزگٸ قۇندىلىعى رەتٸندە دەرٸپتەۋٸمٸز كەرەك. بۇل – مەنٸڭ ناقتى ۇستانىمىم. وسىعان بايلانىستى كەسٸپوداقتارعا ەرەكشە مٸندەت جٷكتەلەدٸ.
سٸزدەر ەڭبەك نارىعىن قارقىندى دامىتۋ, جاستاردى ەڭبەك ٷدەرٸسٸنە تارتۋ, ەل ازاماتتارىنىڭ ەلەۋەتٸن ارتتىرۋ تۇرعىسىنان مەملەكەتكە زور قولداۋ كٶرسەتٸپ كەلەسٸزدەر.
سونىمەن قاتار ەدٸلەتتٸ ەلەۋمەتتٸك مەملەكەت قۇرۋ ٷشٸن كەسٸپوداق قىزمەتٸنٸڭ نىساندارى مەن ەدٸستەرٸن ٷنەمٸ جەتٸلدٸرٸپ, ەلەمدە بولىپ جاتقان ٶزگەرٸستەرگە وراي, تيٸمدٸ ٸس-قيمىل ستراتەگييالارىن ەزٸرلەۋ قاجەت.
سوندىقتان كەسٸپوداقتار فەدەراتسيياسى ەلەۋمەتتٸك ەرٸپتەستەرمەن بٸرگە ەڭبەك قايشىلىقتارىن رەتتەۋدٸڭ جەنە قىزمەتكەرلەردٸڭ زاڭدى مٷددەسٸن قورعاۋدىڭ ٶركەنيەتتٸ تەسٸلدەرٸن بەلسەندٸ پايدالانۋى كەرەك.
كەسٸپوداقتاردىڭ دەنەكەرلٸگٸ مەن مەدياتسيياسى ارقىلى ەڭبەككەرلەر مەن جۇمىس بەرۋشٸلەردٸڭ تەڭ قۇقىلى ديالوگىنىڭ ارقاسىندا عانا ەڭبەك قاتىناستارىن تيٸمدٸ رەتتەۋگە بولادى. وسىنداي ىنتىماعى جاراسقان ورتادا ەڭبەك ەتيكاسىن كەمەلٸنە كەلتٸرٸپ, ەلەۋمەتتٸك جاۋاپكەرشٸلٸكتٸ ٶرٸستەتۋگە بولادى.
وسىعان وراي ۇلتتىق قوعامدىق سەنٸم كەڭەسٸ اياسىندا ەڭبەك زاڭناماسىنا تولىقتىرۋلار ەزٸرلەندٸ. بۇل كەسٸپوداق ۇيىمدارىنىڭ مٷمكٸندٸكتەرٸن كەڭەيتٸپ, ولاردىڭ ەلەۋمەتتٸك ينستيتۋتتار جٷيەسٸندەگٸ رٶلٸن نىعايتا تٷستٸ.
بٷگٸنگٸ كەسٸپوداق – قازاقستانداعى ازاماتتىق قوعامنىڭ باستى بەلگٸسٸنٸڭ بٸرٸ!
فەدەراتسييا وسىنداي ۇستانىم مەن مەرتەبەسٸ ارقىلى مىقتى, بەلسەندٸ ەرٸ ٸسكەر كٶشباسشىلاردى دارالاپ شىعارۋ كەرەك. مەن كەسٸپوداقتاردىڭ كادرلىق قۇرامىنا جاستاردىڭ قوسىلعانىن قالايمىن. سول ارقىلى اشىق بەسەكەلەستٸككە جاعداي جاسالىپ, ەڭبەككەر جاستارعا تيٸمدٸ ەلەۋمەتتٸك مٷمكٸندٸكتەر ۇسىنىلادى.
قۇرمەتتٸ كەسٸپوداق ۇيىمدارى مٷشەلەرٸ!
سٸزدەردٸڭ الدارىڭىزدا كٶپتەگەن مٸندەتتەر تۇر. سولاردى شەشۋ ٷشٸن ەردايىم بٸرلٸك, كەسٸبي شەبەرلٸك جەنە ٶز ٸسٸڭە دەگەن ادالدىق قاجەت.
ورتاق وتانىمىز – قازاقستان رەسپۋبليكاسىنىڭ يگٸلٸگٸ جولىنداعى ەڭبەكتەرٸڭٸزگە تابىس تٸلەيمٸن!
قازاقستان رەسپۋبليكاسىنىڭ پرەزيدەنتٸ
قاسىم-جومارت توقاەۆ
