فوتو: اقوردا
مەملەكەت باسشىسى بۇۇ باس اسسامبلەياسىنىڭ مەرەيتويلىق 80-شٸ سەسسيياسى اياسىنداعى جالپى دەباتتا سٶز سٶيلەيدٸ, دەپ حابارلايدى Ult.kz.
پرەزيدەنت بٸرقاتار مەملەكەت باسشىلارىمەن جەنە حالىقارالىق ۇيىم جەتەكشٸلەرٸمەن كەلٸسسٶز جٷرگٸزۋدٸ جوسپارلاپ وتىر.
ساپار اياسىندا مەملەكەت باسشىسى Cameco كورپوراتسيياسىنىڭ پرەزيدەنتٸ تيم گيتتسەلدٸ قابىلدادى.
پرەزيدەنتتٸڭ نيۋ-يورك قالاسىنداعى جۇمىس ساپارى كانادالىق ترانسۇلتتىق كومپانييانىڭ باسشىسىمەن كەزدەسۋدەن باستالدى. جٷزدەسۋدە ۋران ٶندٸرۋ سالاسىنداعى ىنتىماقتاستىق پەرسپەكتيۆاسى تالقىلاندى.
قاسىم-جومارت توقاەۆ Cameco «قازاتومٶنەركەسٸپ» ۇلتتىق كومپانيياسىنىڭ بۇرىننان كەلە جاتقان سەنٸمدٸ سەرٸكتەسٸ ەكەنٸن اتاپ ٶتتٸ. ەلٸمٸزدە قىزمەت ەتە باستاعاننان بەرٸ اتالعان كومپانييا 500 ميلليون دوللاردان استام ينۆەستيتسييا قۇيعان ەرٸ تەحنولوگييالار ترانسفەرتٸنە ىقپال ەتكەن.
مەملەكەت باسشىسىنىڭ ايتۋىنشا, قازاقستان ەنەرگەتيكانى دامىتۋدىڭ جاڭا كەزەڭٸنە ٶتٸپ, الداعى ۋاقىتتا ٷش اتوم ەلەكتر ستانساسىن سالۋدى كٶزدەپ وتىر. ەلٸمٸز اتوم سالاسىندا قولدانىلاتىن يننوۆاتسييالىق تەسٸلدەرگە قىزىعۋشىلىق تانىتادى.
تيم گيتتسەل پرەزيدەنتكە «ينكاي» بٸرلەسكەن كەسٸپورنىنىڭ قازٸرگٸ قىزمەتٸ مەن جوسپارلارى جٶنٸندە اقپارات بەردٸ. بۇل كومپانييا تٷركٸستان وبلىسىندا ورنالاسقان كەن ورنىن شيرەك عاسىردان بەرٸ يگەرٸپ كەلەدٸ.
مەملەكەت باسشىسى Goldman Sachs Global Institute كومپانيياسىنىڭ جاھاندىق مەسەلەلەر بويىنشا پرەزيدەنتٸ دجارەد كوەنمەن كەزدەسۋ ٶتكٸزدٸ.
قاسىم-جومارت توقاەۆ امەريكالىق Goldman Sachs جەتەكشٸ ينۆەستيتسييالىق بانكٸنٸڭ قازاقستان ۇلتتىق بانكٸمەن ۇزاق مەرزٸمدٸ سەرٸكتەستٸك ورناتقانىن اتاپ ٶتٸپ, ىقپالداستىق دەڭگەيٸنە جوعارى باعا بەردٸ.
مەملەكەت باسشىسىنىڭ ايتۋىنشا, تولىق تسيفرلىق مەملەكەتكە اينالۋدى كٶزدەيتٸن قازاقستان جاساندى ينتەللەكت, قارجى ەكوجٷيەسٸن تسيفرلاندىرۋ سالالارىنداعى ىنتىماقتاستىققا قىزىعۋشىلىق تانىتادى.
ال دجارەد كوەن Goldman Sachs Digital Asset Platform تسيفرلىق قارجى تۇعىرناماسىنىڭ تەجٸريبەسٸنە توقتالدى.
بۇدان كەيٸن قاسىم-جومارت توقاەۆ Educational Testing Service (ETS) كومپانيياسىنىڭ پرەزيدەنتٸ جەنە باس اتقارۋشى ديرەكتورى اميت سەۆاكتى قابىلدادى.
ەڭگٸمەلەسۋ بارىسىندا مەملەكەت باسشىسى ETS كومپانيياسىنىڭ بٸلٸمدٸ تەستٸلەۋ مەن باعالاۋ سالاسىندا كٶش باستاپ كەلە جاتقانىنا ەرەكشە نازار اۋداردى.
پرەزيدەنتتٸڭ ايتۋىنشا, قازاقستان بٸلٸم بەرۋ جٷيەسٸندە كومپانييانىڭ تەجٸريبەسٸن زەردەلەۋ مەن پايدالانۋعا قىزىعۋشىلىق تانىتادى.
اميت سەۆاك مەملەكەت باسشىسىنا كومپانييانىڭ حالىقارالىق جۇمىس جوسپارى تۋرالى مەلٸمەت بەردٸ.
ۇيىم جىلىنا ەلەمنٸڭ 180 ەلٸنە 50 ميلليوننان اسا تەست ەزٸرلەيدٸ ەرٸ ەكٸمشٸلەندٸرەدٸ, سونداي-اق ۇلتتىق بٸلٸم بەرۋ جٷيەسٸنە ارنالعان بەيٸندٸك شەشٸمدەردٸ ۇسىنادى.
