فوتو: Akorda.kz
مەملەكەت باسشىسى يندۋسترييا جەنە ينفراقۇرىلىمدىق دامۋ مينيسترٸ مارات قاراباەۆتى قابىلدادى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋدە مينيسترلٸكتٸڭ قىزمەتٸ جەنە پرەزيدەنت تاپسىرمالارىنىڭ ورىندالۋ بارىسى, سونىڭ ٸشٸندە جولداردىڭ ساپاسىن جاقسارتۋ, حالىقتى تۇرعىن ٷيمەن قامتاماسىز ەتۋ مەسەلەلەرٸ جٶنٸندە باياندالدى.
قاسىم-جومارت توقاەۆقا كەن ورىندارىنا جٷرگٸزٸلگەن تەكسەرۋ جۇمىستارىنىڭ قورىتىندىسى تۋرالى ەسەپ بەرٸلدٸ. مارات قاراباەۆتىڭ ايتۋىنشا, زاڭبۇزۋشىلىقتارعا بايلانىستى قاتتى پايدالى قازبالاردى يگەرۋگە بەرٸلگەن 200-دەن استام كەلٸسٸمشارت پەن ليتسەنزييا قايتارىپ الىندى.
مينيستر 800-دەن استام جوبادان تۇراتىن جاڭا يندۋسترييالىق ينۆەستيتسييالىق جوبالار توپتاماسىنىڭ ٸسكە اسىرىلۋى تۋرالى دا باياندادى.
بۇدان بٶلەك, مەملەكەت باسشىسىنا كٶلٸك ينفراقۇرىلىمىنىڭ دامۋى جٶنٸندە اقپارات بەرٸلدٸ. تيٸستٸ تاپسىرما بويىنشا ٷكٸمەت ەلٸمٸزدٸڭ كٶلٸك-لوگيستيكالىق ەلەۋەتٸن دامىتۋدىڭ 2030 جىلعا دەيٸنگٸ تۇجىرىمداماسىن بەكٸتتٸ. سونداي-اق ترانزيتتٸك ەلەۋەتتٸ ارتتىرۋ ٷشٸن ۆاگون پاركٸ تاپشىلىعىنا قاتىستى مەسەلە شەشٸلٸپ جاتىر. "Stadler", "Alstom" جەنە "Wabtec" كومپانييالارىنىڭ قاتىسۋىمەن وتاندىق زاۋىتتاردا ۆاگون مەن لوكوموتيۆ ٶندٸرٸسٸ باستالادى.
پرەزيدەنتتٸڭ 2029 جىلعا دەيٸنگٸ سايلاۋالدى باعدارلاماسىن ٸسكە اسىرۋ اياسىندا حالىقارالىق اۆتوموبيل دەلٸزدەرٸن دامىتۋ, سونىڭ ٸشٸندە رەسپۋبليكالىق ماڭىزى بار 8 مىڭ شاقىرىم اۆتوجول سالۋ جەنە قايتا جٶندەۋ جۇمىستارى جٷرگٸزٸلٸپ جاتىر.
قاسىم-جومارت توقاەۆقا ازاماتتىق اۆياتسييا سالاسىنداعى تۇراقتى ٶسٸم تۋرالى دا باياندالدى. 2022 جىلى پاندەميياعا دەيٸنگٸ كٶرسەتكٸشكە قول جەتكٸزٸلدٸ, ياعني قازاقستان اۆياكومپانييالارى 11 ميلليونعا جۋىق جولاۋشى تاسىمالدادى. "اشىق اسپان" رەجيمٸ ەنگٸزٸلدٸ. ۇشۋ گەوگرافيياسى كەڭەيٸپ كەلەدٸ. 2025 جىلعا دەيٸن توكيو, سينگاپۋر, شانحاي جەنە نيۋ-يورك باعىتتارىنا رەيستەر اشىلادى دەپ جوسپارلانىپ وتىر.
قاسىم-جومارت توقاەۆ ورتا بيزنەستٸ دامىتۋ جەنە شيكٸزات سەكتورىنا, تاۋ-كەن ٶنەركەسٸبٸ مەن گەولوگييالىق بارلاۋ سالالارىنا ينۆەستيتسييا تارتۋ جۇمىستارىن كٷشەيتۋدٸ تاپسىردى.
سونىمەن قاتار, پرەزيدەنت جول بويىنداعى, سونداي-اق ەلەۋمەتتٸك, ينجەنەرلٸك جەنە كوممۋنالدىق ينفراقۇرىلىمداردى جاڭعىرتۋعا ەرەكشە نازار اۋدارۋدى, ٶندٸرٸستەگٸ وتاندىق ٷلەستٸ ارتتىرۋ جۇمىسىن كٷشەيتۋدٸ جەنە قالا قۇرىلىسى كودەكسٸن ەزٸرلەۋدٸ جەدەلدەتۋدٸ تالاپ ەتتٸ.
