پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا گەولوگييالىق اقپاراتتىڭ اشىقتىعىنا جاۋاپتىلاردىڭ ەرەكەتٸن سابوتاجعا تەڭەدٸ, دەپ حابارلايدى قازاقپارات.
«جەر قويناۋىن يگەرۋ جوباسىن جاساقتاۋعا سالىناتىن ينۆەستيتسييالاردى ىنتالاندىرساق دەگەن جوسپارىمىز بار. ەلدەگٸ گەولوگييا سالاسىنداعى جۇمىستاردىڭ تيٸمدٸلٸگٸ مەن اشىقتىعىن قاماتامسىز ەتۋ – ماڭىزدى مٸندەت. بٸز بۇل جايىندا كٶپ ايتىپ جٷرمٸز, تٸپتٸ جەكە مينيسترلٸك تە قۇردىق. الايدا, اشىقتىقتىڭ بولماۋى, شەشٸمدەردٸ كۋلۋاردا قابىلداۋ بٷگٸنگە دەيٸن سالانىڭ دامۋىن تەجەپ وتىر. ال, گەولوگييالىق اقپاراتقا جولى اشىق ادامدار بايىپ جاتىر», - دەدٸ مەملەكەت باسشىسى.
پرەزيدەنتتٸڭ پايىمىنشا, رەسۋرسقا باي تەلٸمدەردٸڭ تاڭداۋلىلار مەن پىسىقايلارعا «كٸلەم استىنان» ٷلەستٸرٸلۋٸنە جول بەرۋگە بولمايدى.
«ٷكٸمەت بٸرنەشە جىلدان بەرٸ مينەرالدىق رەسۋرستاردىڭ تسيفرلاندىرىلعان اشىق گەولوگييالىق مەلٸمەتٸ بار بانكٸن قۇرۋعا ۋەدە بەرٸپ كەلەدٸ. تيٸستٸ قاراجات بٶلٸندٸ دە. بٸراق, وسى بٸر ماڭىزدى تاپسىرما ەلٸ كٷنگە دەيٸن ورىندالماي وتىر جەنە تٷرلٸ سىلتاۋلارمەن سوزبالاڭعا سالىنىپ كەتتٸ. جۇمساقتاپ ايتساق, مەسەلە كەسٸبيلٸكتٸڭ تٶمەندٸگٸندە. قاتتى ايتساق, قاساقانا سابوتاج دەۋگە بولادى. قايسىسى بولسا دا, سالدارى ورىنداۋشىلار ٷشٸن وڭاي بولمايدى», - دەدٸ قاسىم-جومارت توقاەۆ.
