فوتو: Akorda.kz
مەملەكەت باسشىسى تەننيسشٸ ەلەنا رىباكينانى قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنت قاسىم-جومارت توقاەۆ Australian Open, ينديان-ۋەللس جەنە مايامي تۋرنيرلەرٸندە كەرەمەت ٶنەر كٶرسەتكەن ەلەنا رىباكينانى قۇتتىقتاپ, شەبەرلٸگٸ مەن جەڭٸسكە دەگەن ەرٸك-جٸگەرٸ ٷشٸن ريزاشىلىعىن بٸلدٸردٸ.
مەملەكەت باسشىسى قازاقستاندىق تەننيسشٸلەردٸڭ جەتٸستٸگٸ ٶسكەلەڭ ۇرپاق اراسىندا وسى سپورت تٷرٸنٸڭ تانىمالدىلىعىن ارتتىرۋعا سەپتٸگٸن تيگٸزەتٸنٸن اتاپ ٶتتٸ.
ٶز كەزەگٸندە ەلەنا رىباكينا جەڭٸس تۇعىرىنان كٶرٸنگەن سەتتەرٸندە قولداۋ بٸلدٸرگەنٸ جەنە جٷرەكجاردى قۇتتىقتاۋلارىن جولداعانى ٷشٸن پرەزيدەنتكە العىس ايتتى. داڭقتى تەننيسشٸ الداعى ۋاقىتتا دا بەدەلدٸ حالىقارالىق جارىستاردا سەتتٸ ٶنەر كٶرسەتۋگە بار كٷش-جٸگەرٸن جۇمسايتىنىن جەتكٸزدٸ.
مەملەكەت باسشىسى قاسىم-جومارت توقاەۆ قازٸرگٸ تاڭدا ەلٸمٸزدە 30 مىڭنان اسا ادام تەننيسپەن شۇعىلداناتىنىنا توقتالدى. ونىڭ 10 مىڭنان استامى – 10 جاسقا دەيٸنگٸ بالالار. وسى سپورت تٷرٸنە بۇقارالىق سيپات بەرۋ ماقساتىندا ەلٸمٸزدٸڭ 17 ايماعىندا تەننيس كورتتارى سالىندى. سونداي-اق Baby tennis, «10 جاسقا دەيٸنگٸ تەننيس» سەكٸلدٸ جوبالار تابىستى جٷزەگە اسىرىلىپ جاتىر.
14-15 سەۋٸر كٷندەرٸ استانادا العاش رەت بيللي دجين كينگ كۋبوگىنىڭ ٸرٸكتەۋ ماتچى ٶتەدٸ. تەننيستەن قازاقستاننىڭ ەيەلدەر قۇراماسى پولشا كومانداسىنا قارسى وينايدى. بۇل كەزدەسۋدٸڭ جەڭٸمپازى ەلەم چەمپيوناتىنا جولداما الادى.
مەملەكەت باسشىسى حالىقارالىق دەڭگەيدەگٸ مۇنداي ٸس-شارالاردى ۇيىمداستىرۋ ەلٸمٸزدەگٸ تەننيستٸڭ دامۋ دەڭگەيٸن ارتتىرۋعا تىڭ سەرپٸن بەرەتٸنٸن ايتتى. سونداي-اق پاريجدە ٶتەتٸن جازعى وليمپيادا ويىندارىنا ليتسەنزييا ۇتىپ العان وتاندىق تەننيسشٸلەرگە سەتتٸلٸك تٸلەدٸ.
