مەملەكەت باسشىسى بۇۇ باس اسساملەياسىنىڭ يادرولىق قارۋدى تولىق جويۋ جولىنداعى حالىقارالىق كٷرەس كٷنٸنە ارنالعان جوعارى دەڭگەيدەگٸ پلەنارلىق وتىرىسىندا سٶز سٶيلەدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ ٶز سٶزٸندە كەيبٸر ەلدەردە جاسالىپ جاتقان يادرولىق باعدارلامالاردىڭ قارقىن الۋىن ٷنەمٸ تٶنەتٸن تەررورلىق قاۋٸپ-قاتەرمەن بايلانىستىرىپ, اقىرزامان ورناتاتىن قارۋلاردىڭ قولدانىلۋ قاۋپٸ ارتا تٷسكەنٸن اتاپ ٶتتٸ. قازاقستان پرەزيدەنتٸ دەگەنمەن بۇل باعىتتا بەلگٸلٸ بٸر دەڭگەيدە وڭ قادامدار جاسالىپ جاتقانىنا توقتالدى.
– يادرولىق قارۋعا تىيىم سالۋ تۋرالى شارت كٷشٸنە ەندٸ, يرانمەن اراداعى يادرولىق قارۋعا قاتىستى مەمٸلەنٸ قالىپقا كەلتٸرۋ جٶنٸندەگٸ كەلٸسسٶزدەر قايتا قارالۋدا, شابۋىلداۋعا ارنالعان قارۋلاردى ازايتۋ جٶنٸندەگٸ جاڭا شارت ۇزارتىلدى, اقش پەن رەسەي اراسىندا ستراتەگييالىق تۇراقتىلىق تۋرالى بٸرلەسكەن مەلٸمدەمە قابىلداندى. ەرينە, ٶزارا جويۋعا كەپٸلدٸك بەرەتٸن دوكترينا يادرولىق دەرجاۆالاردىڭ جۋىق ارادا ٶز ارسەنالىنان باس تارتۋى ەكٸتالاي ەكەنٸن بٸلدٸرەدٸ. سوندىقتان 2045 جىلعا دەيٸن يادرولىق قارۋدان ازات, بەيبٸت ٶمٸر قالىپتاستىرۋعا ۇمتىلاتىنىمىز تۋرالى مەلٸمدەي وتىرىپ, كٶڭٸلدەگٸنٸ ناقتى ٸسكە اسىراتىنىمىزعا سكەپتيكتەر كٷمەنمەن قاراۋى مٷمكٸن. بٸزدٸڭ تاريحي تەجٸريبەمٸز مۇنىڭ باسقاشا بولاتىنىن كٶرسەتەدٸ, – دەدٸ مەملەكەت باسشىسى.
قاسىم-جومارت توقاەۆ قازاقستاننىڭ سەمەي يادرولىق پوليگونىن جابۋ تۋرالى شەشٸم قابىلداپ, يادرولىق قۋاتى جاعىنان تٶرتٸنشٸ سانالاتىن ارسەنالىنان باس تارتقانىنا بيىل 30 جىل تولعانىن ەسكە سالىپ ٶتتٸ.
– ون بەس جىلدان كەيٸن ورتالىق ازييا مەملەكەتتەرٸ ٶز ٶڭٸرلەرٸن يادرولىق قارۋدان ازات ايماق دەپ جارييالادى. بۇل – تولىقتاي سولتٷستٸك جارتى شاردا ورنالاسقان العاشقى يادروسىز ٶڭٸر. يادرولىق قارۋ ساياسي تاڭداۋ بولعاندىقتان جاعداي مەن ستراتەگييالىق ەدٸستەر تەز ٶزگەرۋٸ مٷمكٸن. قازاقستاننىڭ يادرولىق سىناقتارعا جان-جاقتى تىيىم سالۋ تۋرالى شارتتىڭ تەزٸرەك كٷشٸنە ەنۋٸنە قول جەتكٸزۋگە بەل بايلاعانىن تاعى دا ناقتىلايمىن. قازاقستان ادامزاتتىڭ دامۋى جولىندا يادرولىق قارۋدان باس تارتۋ جٶنٸندەگٸ باسىمدىعىن ودان ەرٸ پايدالانا بەرەتٸنٸن بۇل باعىتتاعى وڭ قادام رەتٸندە اتاپ ٶتكٸم كەلەدٸ, – دەدٸ پرەزيدەنت.
مەملەكەت باسشىسى يادرولىق قارۋدى تاراتپاۋ جٶنٸندەگٸ شارت يادرولىق ەنەرگييانى ازاماتتىق ماقساتقا زاڭدى تٷردٸ پايدالانۋ مەن يادرولىق قارۋدى تاراتۋدىڭ ارا-جٸگٸن اجىراتاتىنىن ايتتى. پرەزيدەنتتٸڭ ايتۋىنشا, يادرولىق قۋات بٸرتە-بٸرتە تٶمەن كٶمٸرتەكتٸ ەنەرگييانىڭ ماڭىزدى كٶزٸنە اينالۋدا. قازاقستاندا ٶز اتوم ٶنەركەسٸبٸن دامىتۋ ٷشٸن كەشەندٸ تەحنيكالىق-ەكونوميكالىق نەگٸزدەمە جاسالىپ جاتىر.
– يادرولىق قارۋدان ازات, بەيبٸت ٶمٸر قالىپتاستىرۋ مەنٸڭ ٷكٸمەتٸمنٸڭ ساياساتىنداعى باسىمدىق بولىپ قالا بەرەدٸ. بۇل ۇمتىلىس سوڭعى وتىز جىل ٸشٸندە قازاقستاندى يادرولىق قارۋعا قارسى جاھاندىق قوزعالىستىڭ جاقتاۋشىسى ەتتٸ. سونىمەن قاتار بٸزدٸڭ ۇلتتىق تۇتاستىعىمىزدىڭ بٸر بٶلٸگٸنە اينالدى. بٸز قارۋسىزدانۋ جەنە يادرولىق قارۋدى تاراتپاۋ جولىنداعى كٷش-جٸگەرٸمٸزدٸ الداعى ۋاقىتتا سٸزدەرمەن بٸرلەسە جۇمساۋعا دايىنبىز, – دەپ مەلٸمدەدٸ قاسىم-جومارت توقاەۆ.
