فوتو: اقوردا
پرەزيدەنت ٶز جولداۋىندا بٸر پالاتالى پارلامەنت قۇرۋ تۋرالى ويىمەن بٶلٸستٸ. سونىمەن قاتار, ول ٷشٸن ۋاقىت كەرەگٸن دە ايتتى, دەپ حابارلايدى Ult.kz.
مەملەكەت باسشىسىنىڭ سٶزٸنشە, بۇل ٶتە ماڭىزدى مەسەلە ەكەنٸن ايتا كەلە, ونى اسىعىس شەشۋگە بولمايتىنىن اتاپ ٶتتٸ.
«بۇل رەفورما ازاماتتىق سەكتوردا, ساراپشىلار ورتاسىندا, سونداي-اق ەرينە, قازٸرگە پارلامەنتكە جان-جاقتى تالقىلانۋى قاجەت. رەفورمانىڭ مەن-ماڭىزى ايىرىقشا ەكەنٸن ەسكەرسەك, ونى تالقىلاۋعا بٸر جىل ۋاقىت كەرەك دەپ ويلايمىن. سودان كەيٸن ياعني 2027 جىلى جالپى ۇلتتىق رەفەرەندۋم ٶتكٸزۋگە بولار ەدٸ. سودان سوڭ كونستيتۋتسيياعا تيٸستٸ ٶزگەرٸس ەنگٸزە الامىز. مەملەكەتتٸڭ تاعدىرىن ايقىندايتىن بارلىق مەسەلە حالىقتىڭ كەلٸسٸمٸمەن عانا شەشٸلەدٸ دەپ بۇعان دەيٸن بٸرنەشە رەت ايتتىم. ەگەر بٸر پالاتالى پارلامەنت قۇرۋ قاجەت دەپ ورتاق شەشسەك, ونداي پارلامەنتتٸ تەك قانا پارتييالىق تٸزٸم بويىنشا سايلاۋ جٶن دەپ سانايمىن», دەدٸ ق.توقاەۆ.
پرەزيدەنتتٸڭ سٶزٸنشە, بۇل ەلەمدە كەڭٸنەن تاراعان پارلامەنتتٸك رەسٸم. وسىلايشا مەجٸلٸستٸڭ قازٸرگٸ قۇرامى بارلىق رەسٸمدەر اياقتالعانشا ٶز ٸسٸمەن اينالىسا بەرەدٸ.
«سەنات جالپى ۇلتتىق رەفەرەندۋمنىڭ قورىتىندىسى شىعىپ, جالپى پارلامەنت سايلاۋى ٶتكەنگە دەيٸن قالتقىسىز جۇمىس ٸستەيدٸ. ال ساياسي پارتييالاردىڭ بەسەكەگە, تارتىسقا دايىندالۋعا ۋاقىتى بولادى», دەدٸ مەملەكەت باسشىسى.
پارلامەنتتٸك رەفورما تۋرالى سٶزٸندە مەجٸلٸس دەپۋتاتى, زاڭگەر ابزال قۇسپان بۇل مەسەلەنٸڭ زاڭگەرلەر اراسىندا كٶپ تالقىلانعانىن ايتتى.
«جولداۋداعى ەڭ باستى مەسەلە پارلامەنتتٸك رەفورما عوي. بۇل ەڭگٸمە شىنىمەن دە زاڭگەرلەردٸڭ اراسىندا ٶتە كٶپ ايتىلدى. سونىڭ ٸشٸندە ٶزٸم دە بارمىن. وسى جولداۋعا دەيٸن دە بٸرنەشە رەت سۇقبات بەردٸم. سوندا وسى مەسەلەنٸڭ, سونىڭ ٸشٸندە كونستيتۋتسييالىق رەفورمانى جالعاسىن تابۋى كەرەك دەپ ۇدايى ايتىپ كەلە جاتىرمىن. بٸر جىل ۋاقىتىمىز بار, بٸر پالاتالى پارلامەنتتٸ قۇرۋ مەسەلەسٸنە قىزۋ دايىندىققا كٸرٸسەمٸز دەپ ويلايمىن», دەدٸ دەپۋتات ابزال قۇسپان.
بۇعان دەيٸن, 2 قىركٷيەكتە دەپۋتات ەرمۇرات باپي تٸلشٸلەرگە بەرگەن سۇحباتىندا "تاراتۋ بولادى, بٸراق ول 2027 جىلدارعا تامان... بەلكٸم جيىرما جەتٸنٸڭ باسىندا, نە جيىرما جەتٸنشٸ جىلداردىڭ اياعىندا توقاەۆ مىرزانىڭ كادەنتسيياسى بٸتەر الدىندا بولادى. وعان دەيٸن ەزٸرشە بولا قويمايدى", - دەگەن بولاتىن.
