قر پرەزيدەنتٸ قاسىم-جومارت توقاەۆ تٷزەتۋ مەكەمەسٸندە جازاسىن ٶتەۋشٸلەردٸ ازاپتاۋ دەرەكتەرٸنە قاتىستى باس پروكۋرورعا جان-جاقتى تەرگەۋ جٷرگٸزۋدٸ تاپسىردى. بۇل تۋرالى مەملەكەت باسشىسى Twitter-دەگٸ پاراقشاسىندا جازدى.
«الماتى وبل. زارەچنوە اۋىلىنداعى تٷزەتۋ مەكەمەسٸندە (تم) جازاسىن ٶتەۋشٸلەردٸ ازاپتاۋ دەرەكتەرٸنە قاتىستى باس پروكۋرورعا جان-جاقتى تەرگەۋ جٷرگٸزۋدٸ تاپسىردىم. تم-نٸڭ 5 قىزمەتكەرٸ ۇستالدى, بٸرقاتارى جۇمىستان بوساتىلدى. ٸٸم-گە تم جاڭعىرتۋ تاپسىرىلدى. ازاماتتىق باقىلاۋدى كٷشەيتۋ قاجەت» دەلٸنگەن حابارلامادا.
ايتا كەتەيٸك, بۇعان دەيٸن ەلەۋمەتتٸك جەلٸلەردە فورماداعى ادامداردىڭ تۇتقىنعا جەبٸر كٶرسەتۋٸ تۋرالى ۆيدەو تاراعان ەدٸ. بەينەجازبا قوعام نارازىلىعىن تۋدىردى.
سالدارىنان كولونييانىڭ 7 قىزمەتكەرٸ جۇمىستان شىعارىلدى.
