مەملەكەت باسشىسى نۇرسۇلتان نازارباەۆ «Astana Hub» حالىقارالىق ٸت-ستارتاپتار تەحنوپاركٸنٸڭ جۇمىسىنا ٷنەمٸ كٶڭٸل بٶلمەك. بۇل جايىندا پرەزيدەنت اتالعان تەحنوپارك جۇمىسىن رەسمي ٸسكە قوسۋ شاراسى كەزٸندە مەلٸم ەتتٸ, دەپ حابارلايدى قازاقپارات تٸلشٸسٸ.
كٶرشٸلەس الپاۋىت ەلدەر ٸت-ستارتاپتار سالاسىندا ٸلگەرٸ جىلجىپ بارا جاتقانىنا توقتالعان پرەزيدەنت «اتاپ ايتقاندا, بۇل باعىتتا ەلٸمٸز قالىپ قالماۋى كەرەك. بٷگٸنگٸ تانىستىرىلىم بارىسىندا اتالىپ ٶتكەن مەلٸمەتتەر ادامدى جٸگەرلەندٸرەدٸ. سوندىقتان وسى جۇمىستاردى باقىلاۋدا ۇستايتىن بولامىن. ٶتكەن جىلى بٸز 100 جاڭا ەسٸمگە ەنگەن ادامداردى قارسى العان بولاتىنبىز, بٷگٸندە ولاردىڭ اراسىندا ٶز ارمانىن جٷزەگە اسىرعاندار دا بار. بيىل ٷلكەن جەتٸستٸكتەرگە قول جەتكٸزگەن قازاقستاننىڭ 100 نەمەسە 200 جاڭا ەسٸمٸن انىقتايتىن بولامىز», - دەدٸ.
سونىمەن قاتار قر پرەزيدەنتٸ جاڭا تەحنولوگييالار سالاسىندا ەڭبەك ەتٸپ جٷرگەن جاستارعا تابىس تٸلەدٸ.
«بۇل سالاداعى مامانداردىڭ بارلىعى - جاستار. قازاقستاننىڭ جارتى حالقى 30-عا تولماعان جاستار. بولاشاق - سٸزدەردٸڭ قولدارىڭىزدا. بٷگٸنگٸ بەسەكەلەس زاماندا بٸزدٸڭ ەلٸمٸز ٶز تەۋەلسٸزدٸگٸن ساقتاپ, الدىڭعى قاتارلى دامىعان 30 ەلدٸڭ قاتارىندا بولۋى ٷشٸن سٸزدەر جاقسىلاپ جۇمىس ٸستەۋلەرٸڭٸز كەرەك. تەك ەڭبەكپەن, بٸلٸممەن عانا وسى ماقساتقا جەتەمٸز. سوندىقتان بٸلٸم بەرۋ مەن عىلىم سالاسىنا جىلدان جىلعا قاراجاتتى بٶلۋ كٶلەمٸ ارتاتىن بولادى», - دەدٸ مەملەكەت باسشىسى.
بۇدان بۇرىن حابارلانعانداي, ەلباسى نۇرسۇلتان نازارباەۆتىڭ قاتىسۋىمەن «Astana Hub» حالىقارالىق ٸت-ستارتاپتار تەحنوپاركٸنٸڭ جۇمىسىن رەسمي ٸسكە قوسۋ شاراسى ٶتتٸ.
سالتاناتتى شارا باراسىندا پرەزيدەنت 2019 جىلدىڭ 1 قاڭتارىنان قازاقستاندا جاڭا ٸت-ۋنيۆەرسيتەت جۇمىس ٸستەيتٸنٸن مەلٸم ەتتٸ.
ايتا كەتەيٸك, Astana Hub ميسسيياسى - ەل ەكونوميكاسىن نىعايتۋ ٷشٸن ستارتاپ-مەدەنيەتتٸ دامىتۋ جەنە جوعارى تەحنولوگييالىق جوبالاردى قولداۋ. الداعى ۋاقىتتا تەحنوپارك قازاقستان يننوۆاتسيياسىنىڭ ەكوجٷيەسٸن دامىتۋدىڭ ٶزەگٸ ەرٸ لوكوموتيۆٸنە اينالىپ, تەحنولوگييالىق بيزنەستٸ دامىتۋ ٷشٸن حالىقارالىق دەڭگەيدە مويىندالعان حاب بولۋى قاجەت. جالپى Astana Hub 2022 جىلعا قاراي ستارتاپ-رەزيدەنتتەردٸ ينۆەستيتسييالاۋ كٶرسەتكٸشٸن 67 ملرد تەڭگەگە جەتكٸزۋدٸ ماقسات ەتٸپ وتىر.
