فوتو:اقوردانىڭ باسپاسٶز قىزمەتٸ
مەملەكەت باسشىسى قاسىم-جومارت توقاەۆ انار بوراشەۆانى ەلەمدەگٸ ەڭ بيٸك ەۆەرەست شىڭىن قازاق قىزدارىنىڭ اراسىنان بٸرٸنشٸ بولىپ باعىندىرۋىمەن قۇتتىقتادى, -دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنت ونىڭ وسىناۋ ايتۋلى جەتٸستٸگٸ جاستاردى سپورتپەن شۇعىلدانۋعا جٸگەرلەندٸرگەنٸن ايتتى. مەملەكەت باسشىسى سپورتتىڭ مۇنداي قيىن ەرٸ قاۋٸپتٸ تٷرٸمەن اينالىسۋ ٷشٸن اسقان ەرٸك-جٸگەر, تٶزٸمدٸلٸك, سونداي-اق پسيحولوگييالىق جەنە فيزيكالىق دايىندىق كەرەك ەكەنٸنە نازار اۋداردى.
انار بوراشەۆا تاۋعا ٶرمەلەۋمەن 2015 جىلدان بەرٸ اينالىسىپ كەلە جاتقانىن, ال الپينيزمنٸڭ قىر-سىرىن كەسٸبي تٷردە سوڭعى 4 جىل ٸشٸندە مەڭگەرگەنٸن ايتتى. ەۆەرەستكە دەيٸن ول كٶپتەگەن شىڭدى باعىندىرىپ ٷلگەرگەن. ونىڭ ٸشٸندە الپٸ تاۋلارىنداعى مونبلان شىڭى مەن افريكاداعى ەڭ بيٸك كيليماندجارو تاۋى بار.
ەڭگٸمەلەسۋ بارىسىندا الپينيست الداعى ۋاقىتتا ەلەمدەگٸ ەڭ بيٸك جەتٸ شىڭدى باعىندىرۋدى جوسپارلاپ وتىرعانىن جەتكٸزدٸ. سونداي-اق ول مەملەكەت باسشىسىنا ەۆەرەست شىڭىنا الىپ شىققان قازاقستان تۋىن سىيعا تارتتى.
قاسىم-جومارت توقاەۆ وتاندىق سپورتشىلار ەرتٷرلٸ حالىقارالىق دودالاردا ەل نامىسىن لايىقتى دەڭگەيدە قورعاپ جٷرگەنٸن اتاپ ٶتٸپ, انار بوراشەۆانىڭ الداعى ۋاقىتتا جاڭا بيٸكتەردٸ باعىندىرا بەرۋٸنە تٸلەكتەستٸك بٸلدٸردٸ.
