مەملەكەت باسشىسى قاسىم-جومارت توقاەۆ الماتى وبلىسى مەن الماتى قالاسى ەكٸمدەرٸنٸڭ ەسەبٸن تىڭدادى. بۇل تۋرالى پرەزيدەنتتٸڭ باسپاسٶز حاتشىسى مەلٸم ەتتٸ, دەپ حابارلايدى "ۇلت اقپارات".
پرەزيدەنتكە الماتى وبلىسىنىڭ بيىلعى بٸرٸنشٸ جارتىجىلدىقتاعى ەلەۋمەتتٸك-ەكونوميكالىق دامۋى جٶنٸندە تەلەفون ارقىلى باياندالدى.
اماندىق باتالوۆتىڭ ايتۋىنشا, نەگٸزگٸ سالالاردىڭ بارلىعىندا ٶسٸم قامتاماسىز ەتٸلٸپ, قىسقا مەرزٸمدٸ ەكونوميكا كٶرسەتكٸشٸ 109,4 پايىز بولعان.
قاسىم-جومارت توقاەۆقا ايماقتاعى ەپيدەميولوگييالىق جاعداي تۋرالى مەلٸمەت بەرٸلدٸ. وبلىس ەكٸمٸ سوڭعى اپتا ٸشٸندە كوروناۆيرۋس ٸندەتٸن جۇقتىرعانداردىڭ سانى 1 پايىزدان اسپاعانىن جەتكٸزدٸ. ٶڭٸردە 4 مىڭ تٶسەك-ورىن قاراستىرىلعان. جۇقپالى ٸندەت ستاتسيونارىنىڭ 55,8 پايىزىندا, جانساقتاۋ بٶلٸمدەرٸندەگٸ ورىنداردىڭ 13 پايىزىندا ناۋقاستار ەم قابىلداپ جاتىر.
مەملەكەت باسشىسى سونىمەن قاتار, تۇرعىنداردى اۋىز سۋمەن قامتاماسىز ەتۋ تۋرالى مەلٸمەت الدى. ەكٸم وبلىستا ورتالىقتانعان سۋمەن قامتۋ 98,3 پايىز بولعانىن جەنە بۇل ەلٸمٸز بويىنشا ەڭ جوعارعى كٶرسەتكٸشتەردٸڭ بٸرٸ ەكەنٸن ايتتى. بيىل 7 اۋىلعا سۋ قۇبىرىن تارتىپ, 11 ەلدٸ مەكەندٸ تازا اۋىز سۋمەن قامتۋ ارقىلى كٶرسەتكٸشتٸ 99,5 پايىزعا جەتكٸزۋ جوسپارلانىپ وتىر. بۇل جوباعا 10,9 ميلليارد تەڭگە قارجى قاراستىرىلعان. الداعى بەس جىلدىڭ ٸشٸندە تاعى 33 اۋىل اۋىز سۋمەن قامتاماسىز ەتٸلٸپ, 72 ەلدٸ مەكەندە جەلٸلەردٸ قايتا قالپىنا كەلتٸرۋ جۇمىستارى جٷرگٸزٸلەدٸ.
پرەزيدەنتكە اماندىق باتالوۆ ٷشارال قالاسىنداعى ەۋەجايدىڭ ۇشىپ-قونۋ جولاعىن جٶندەۋ جۇمىسىنىڭ, الاكٶل جاعالاۋىنداعى سۋ تازارتۋ قۇرىلعىلارى قۇرىلىسىنىڭ باستالعانىن جەنە اۋىل ەكٸمدەرٸ سايلاۋىنىڭ قورىتىندىسى تۋرالى ايتتى.
قاسىم-جومارت توقاەۆ بۇقارالىق سپورتتى دامىتۋعا جەنە ٸشكٸ تۋريزمدٸ ٸلگەرٸلەتۋگە ەرەكشە كٶڭٸل بٶلۋدٸ تاپسىردى.
بۇدان كەيٸن مەملەكەت باسشىسى الماتى قالاسىنىڭ ەكٸمٸ باقىتجان ساعىنتاەۆپەن شاھارداعى كوروناۆيرۋس ٸندەتٸنٸڭ تارالۋىنا قارسى اتقارىلىپ جاتقان شارالار مەن قالانىڭ ينفراقۇرىلىمىن دامىتۋ مەسەلەلەرٸن تەلەفون ارقىلى تالقىلادى.
باقىتجان ساعىنتاەۆتىڭ ايتۋىنشا, «دەلتا» شتامىنىڭ تارالۋىنا بايلانىستى الماتى قالاسىنداعى ەپيدەميولوگييالىق جاعداي كٷردەلٸ بولىپ تۇر. ٶتكەن اپتادا ٸندەت جۇقتىرۋ 1,4 ەسە ارتىپ, 7 936-دان 10 805-كە جەتكەن. بٸر تەۋلٸكتە ۆيرۋس جۇقتىرۋ 1,4 پايىزعا كٶبەيگەن. سوڭعى تەۋلٸكتە جاڭادان 1558 ناۋقاس تٸركەلسە, ولاردىڭ 1480-ٸندە ٸندەتتٸڭ بەلگٸلەرٸ بار.
ناۋقاستار سانىنىڭ ارتۋىنا بايلانىستى قوسىمشا جۇقپالى اۋرۋلار اۋرۋحانالارى اشىلۋدا. قازٸر 7625 ناۋقاس ەم قابىلداپ جاتىر, 2400 ورىندىق تٶسەك-ورىن قورى جاساقتالدى.
قالانىڭ دەرٸحانا جەلٸسٸن دەرٸ-دەرمەكپەن قامتاماسىز ەتۋ ماقساتىندا 5 ميلليارد تەڭگە كٶلەمٸندە تۇراقتاندىرۋ قورى قۇرىلدى. 68 تٷرلٸ دەرٸ-دەرمەكتٸڭ قاجەتتٸ مٶلشەرٸ جاساقتالدى. قالانىڭ مەديتسينالىق ۇيىمدارى دەرٸ-دەرمەك پەن جەكە قورعانىش قۇرالدارىنىڭ ەكٸ ايلىق قورىمەن قامتاماسىز ەتٸلگەن.
تۇرعىندارعا جاپپاي ەكپە سالۋ جالعاسىپ جاتىر. قالادا 167 ۆاكتسينا سالۋ پۋنكتٸ جۇمىس ٸستەپ تۇر. 4 تامىزداعى جاعداي بويىنشا 740 487 ادامعا ەكپەنٸڭ بٸرٸنشٸ كومپونەنتٸ, 545 954 تۇرعىنعا ەكٸنشٸ كومپونەنتٸ سالىنعان.
مەملەكەت باسشىسى الماتى قالاسىنىڭ ەكٸمٸنە كوروناۆيرۋس ٸندەتٸنٸڭ تارالۋىنا جول بەرمەۋ بويىنشا جۇمىستى كٷشەيتۋدٸ جەنە شەكتەۋ شارالارىنىڭ ساقتالۋىن قاتاڭ باقىلاۋعا الۋ جٶنٸندە تاپسىرما بەردٸ.
ەڭگٸمەلەسۋ بارىسىندا باقىتجان ساعىنتاەۆ قاسىم-جومارت توقاەۆقا ناۋرىزباي اۋدانىنا قوسىلعان ىقشام اۋداندارداعى تۇرعىنداردى ساپالى اۋىز سۋمەن قامتاماسىز ەتۋ جەنە اباي داڭعىلىن قالا شەكاراسىنا دەيٸن ۇزارتۋ جٶنٸندە باياندادى. سونىمەن قاتار قالانىڭ تاريحي ورتالىعىنداعى قۇرىلىستاردى شەكتەۋ مەسەلەلەرٸ كٶتەرٸلدٸ.
