قازاقستان پرەزيدەنتٸ قاسىم-جومارت توقاەۆ الاش قايراتكەرلەرٸنٸڭ ەڭبەكتەرٸ جان-جاقتى زەرتتەلۋٸ كەرەكتٸگٸن ايتتى, دەپ حابارلايدى "ۇلت اقپارات".
ايتا كەتەيٸك, بٷگٸن پرەزيدەنت ەليحان بٶكەيحان, احمەت بايتۇرسىنۇلى جەنە مٸرجاقىپ دۋلاتۇلى سىندى ۇلتىمىزدىڭ ۇلى تۇلعالارىنا ارنالعان ەسكەرتكٸشتٸڭ سالتاناتتى اشىلۋ رەسٸمٸنە قاتىستى.
پرەزيدەنت جيىن بارىسىندا الاش قايراتكەرلەرٸنٸڭ ەڭبەكتەرٸ الاشتانۋ عىلىمىنىڭ اياسىندا جان-جاقتى زەرتتەلۋ قاجەتتٸگٸنە نازار اۋداردى.
«الاشتانۋ عىلىمى ارىستارىمىزدىڭ ەڭبەكتەرٸن بارىنشا قامتۋى كەرەك. جىل ٶتكەن سايىن الاشتىڭ ابىرويى اسقاقتاپ, بەدەلٸ بيٸكتەي بەرەدٸ. ولاردىڭ اتقارعان ٸسٸ ەشقاشان ماڭىزىن جوعالتپايدى. سەبەبٸ, ۇلت مٷددەسٸ, ەل قامى دەگەن ۇعىمدار – مەڭگٸ قۇندىلىقتار», – دەدٸ قاسىم-جومارت توقاەۆ.
جيىن سوڭىندا مەملەكەت باسشىسى الاش قايراتكەرلەرٸنٸڭ دەربەس مەملەكەت بولىپ, جەر جٷزٸمەن تەرەزەسٸ تەڭ قاتىناس ورناتۋ جٶنٸندەگٸ ارمان-ماقساتى جٷزەگە اسقانىن اتاپ ٶتٸپ, ەلٸمٸز بٷگٸندە ەلەم قاۋىمداستىعىنىڭ بەلدٸ مٷشەسٸنە اينالعانىن ايتتى.
