مەملەكەت باسشىسى ەليحان بٶكەيحان, احمەت بايتۇرسىنۇلى جەنە مٸرجاقىپ دۋلاتۇلى سىندى ۇلتىمىزدىڭ ۇلى تۇلعالارىنا ارنالعان ەسكەرتكٸشتٸڭ سالتاناتتى اشىلۋ رەسٸمٸنە قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
ەسكەرتكٸشتٸ اشقان قاسىم-جومارت توقاەۆ الاش قايراتكەرلەرٸنٸڭ مەموريالىنا گٷل شوعىن قويىپ, سالتاناتتى شاراعا قاتىسۋشىلاردىڭ الدىندا سٶز سٶيلەدٸ.
پرەزيدەنت الاش ارىستارىنا ارنالعان ەسكەرتكٸشتٸڭ تەۋەلسٸزدٸگٸمٸزدٸڭ 30 جىلدىعى مەن ەلوردا كٷنٸنە وراي اشىلۋىنىڭ سيمۆولدىق مەنٸ زور ەكەنٸن اتاپ ٶتتٸ.
– ەليحان – الاشوردا ٷكٸمەتٸن باسقارعان مەملەكەت قايراتكەرٸ. احمەت – حالقىمىزدى بٸلٸم مەن عىلىمعا جەتەلەپ, رۋحاني ۇستاز بولعان ەيگٸلٸ اعارتۋشى. مٸرجاقىپ – ۇلت بٸرلٸگٸ ۇرانىنا اينالعان «ويان قازاق» پەن تۇڭعىش قازاق رومانىنىڭ اۆتورى, كٶرنەكتٸ قالامگەر. ٷش قايراتكەر دە – بٸرەگەي تاريحي تۇلعالار. بۇل ەسكەرتكٸش – بارشا الاش ارداقتىلارىنا دەگەن قۇرمەتٸمٸزدٸڭ كٶرٸنٸسٸ, – دەدٸ قاسىم-جومارت توقاەۆ.
مەملەكەت باسشىسى «الاش» سٶزٸنٸڭ قاستەرلٸ ۇعىم ەكەنٸن اتاپ ٶتٸپ, الاش قايراتكەرلەرٸنٸڭ حالىقتىڭ رۋحىن وياتۋ جولىنداعى قاجىرلى ەڭبەگٸنە توقتالدى.
– «الاش» سٶزٸ – حالقىمىز ٷشٸن قاشاندا قاسيەتتٸ ۇعىم. ٶتكەن عاسىردىڭ باسىندا ۇلتىمىزدىڭ باس كٶتەرەر ازاماتتارى الاش يدەياسىنىڭ تٶڭٸرەگٸنە بٸرٸكتٸ. ولار ەلٸنٸڭ ازاتتىعى مەن ٶركەندەۋٸ جولىندا قىزمەت ەتتٸ. حالىقتىڭ رۋحىن وياتىپ, ساناسىنا سٸلكٸنٸس ەكەلدٸ. جەرٸمٸزدٸڭ تۇتاستىعىنىڭ ساقتالۋىنا ىقپال ەتتٸ. تٶل ەدەبيەتٸمٸز بەن مەدەنيەتٸمٸزدٸ بۇرىن-سوڭدى بولماعان دەڭگەيگە كٶتەردٸ. ٶركەنيەتتٸ زييالىلىقتىڭ نەگٸزٸن قالادى. الاش ارىستارى زاماننىڭ سىن-قاتەرٸنە قاراماي, قازاق ەلٸنٸڭ مەملەكەتشٸلدٸك يدەياسىن جاڭعىرتتى, – دەدٸ پرەزيدەنت.
قاسىم-جومارت توقاەۆ تەۋەلسٸزدٸكتٸڭ ارقاسىندا ۇزاق جىلدار بويى حالىق جاۋى اتانىپ, قۋعىن-سٷرگٸنگە ۇشىراعان الاش ارىستارىنىڭ ەڭبەكتەرٸ لايىقتى باعاسىن الىپ, ولاردىڭ ەسٸمدەرٸ قايتا جاڭعىرىپ جاتقانىنا توقتالدى.
– ٶكٸنٸشكە قاراي, تٷگەلگە جۋىعى حالىق جاۋى اتانىپ, قۋعىن-سٷرگٸن قۇربانى بولدى. ەڭبەكتەرٸ جويىلدى, ۇزاق جىلدار بويى ولاردىڭ اتىن اتاۋعا تىيىم سالىندى. بٸراق, ۇلتىمىز ۇلى پەرزەنتتەرٸنٸڭ ەسٸمٸن ساناسىنان ٶشٸرمەي, جادىندا ساقتاي بٸلدٸ. تەۋەلسٸزدٸك جىلدارىندا الاش يدەياسى مەن الاش مۇراسى تٷبەگەيلٸ قايتا قارالدى. وسىدان بٸرنەشە جىل بۇرىن «الاش» اۆتونوميياسىنىڭ 100 جىلدىعىن اتاپ ٶتتٸك. بيىل ەليحان بٶكەيحاننىڭ 155 جىلدىعى تەۋەلسٸزدٸك مەرەكەسٸ اياسىندا ٶتٸپ جاتىر. بٸز الاش ارىستارىنىڭ ەسٸمٸن جاڭعىرتىپ, تاريحي رٶلٸنە باعا بەرۋدٸ قولعا الدىق. مەنٸڭ جارلىعىممەن ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييا قۇرىلدى, – دەدٸ مەملەكەت باسشىسى.
پرەزيدەنت ٶز سٶزٸندە الاش قايراتكەرلەرٸنٸڭ ەڭبەكتەرٸ الاشتانۋ عىلىمىنىڭ اياسىندا جان-جاقتى زەرتتەلۋ قاجەتتٸگٸنە نازار اۋداردى.
– الاشتانۋ عىلىمى ارىستارىمىزدىڭ ەڭبەكتەرٸن بارىنشا قامتۋى كەرەك, – مەملەكەت باسشىسى.
جىل ٶتكەن سايىن الاشتىڭ ابىرويى اسقاقتاپ, بەدەلٸ بيٸكتەي بەرەدٸ. ولاردىڭ اتقارعان ٸسٸ ەشقاشان ماڭىزىن جوعالتپايدى. سەبەبٸ, ۇلت مٷددەسٸ, ەل قامى دەگەن ۇعىمدار – مەڭگٸ قۇندىلىقتار, – دەدٸ قاسىم-جومارت توقاەۆ.
جيىن سوڭىندا مەملەكەت باسشىسى الاش قايراتكەرلەرٸنٸڭ دەربەس مەملەكەت بولىپ, جەر جٷزٸمەن تەرەزەسٸ تەڭ قاتىناس ورناتۋ جٶنٸندەگٸ ارمان-ماقساتى جٷزەگە اسقانىن اتاپ ٶتٸپ, ەلٸمٸز بٷگٸندە ەلەم قاۋىمداستىعىنىڭ بەلدٸ مٷشەسٸنە اينالعانىن ايتتى.
