مەملەكەت باسشىسى الماتى قالاسىنا جۇمىس ساپارى بارىسىندا اعارتۋشى, ۇلت ۇستازى احمەت بايتۇرسىنۇلىنىڭ مۋزەي-ٷيٸنە باردى, دەپ حابارلايدى اقوردانىڭ باسپاسٶز قىزمەتٸ.
پرەزيدەنت الدىمەن مۋزەيدٸڭ «ۇلتتىق رۋحتىڭ ۇلى تٸنٸ», «قازاق ساناسىنىڭ شامشىراعى» جەنە «ا.بايتۇرسىنۇلىنىڭ جۇمىس كابينەتٸ» زالدارىنداعى جەدٸگەرلەرمەن تانىستى. مۇندا ۇلى تۇلعانىڭ ٶمٸرٸ مەن شىعارماشىلىعى تۋرالى 500-گە جۋىق ەكسپونات جيناقتالعان.
احمەت بايتۇرسىنۇلى بۇل ٷيدە قىزى شولپاننىڭ وتباسىمەن بٸرگە 1934-1937 جىلدارى تۇرعان. مۋزەي-ٷيٸ 1998 جىلى الاش قايراتكەرٸنٸڭ 125 جىلدىق مەرەيتويىندا سالتاناتتى تٷردە اشىلدى.
سودان كەيٸن قاسىم-جومارت توقاەۆ احمەت بايتۇرسىنۇلىنا ارنالعان ەسكەرتكٸشتٸ اشتى. ٸس-شاراعا اقىننىڭ تۋىستارى مەن زييالى قاۋىم ٶكٸلدەرٸ قاتىستى. مەملەكەت باسشىسى ەسكەرتكٸشتٸڭ اشىلۋ رەسٸمٸنە جينالعاندار الدىندا سٶز سٶيلەپ, تۇلعانىڭ ۇلت تاريحىنداعى رٶلٸ جوعارى ەكەنٸن ايتتى.
«جۇرتىنا پايداسى تيەتٸن جۇمىستىڭ بەرٸنە احاڭ ٷلەس قوسقان. تٸپتٸ, بٸرقاتار سالانى ٶزٸ باستاپ بەرگەن. ول قازاقتىڭ تٶل ەلٸپبيٸن جاسادى, العاشقى ەلٸپپەمٸزدٸ قۇراستىردى. سونداي-اق وقۋلىق جازىپ, تٸل بٸلٸمٸنٸڭ نەگٸزٸن قالادى. «قازاق» گازەتٸن شىعارىپ, باسپاسٶزدٸڭ دامۋىنا جول اشتى. ارادا قانشا جىل ٶتسە دە, ونىڭ رۋحاني مۇراسى جۇرتىنىڭ يگٸلٸگٸنە جاراپ كەلەدٸ. سول سەبەپتٸ جۇرتىمىز ونى «ۇلت ۇستازى» دەپ ارداقتايدى. احمەت بايتۇرسىنۇلى – اعارتۋشى-عالىم رەتٸندە بٷكٸل ٶركەنيەتتٸ ەلەمگە تانىمال. ول حالقىمىزدىڭ تاعدىرى سىنعا تٷسكەن كٷردەلٸ كەزەڭدە ەرەكشە ۇلتجاندىلىق تانىتتى. ەلٸمٸز بٷتٸن, جەرٸمٸز تۇتاس بولۋى ٷشٸن ٶلشەۋسٸز ەڭبەك سٸڭٸردٸ. قازاققا قىزمەت ەتۋ جولىندا بار كٷش-جٸگەرٸن جۇمسادى. ۇلت كٶشباسشىسىنىڭ ٶمٸر جولىن ەلدٸ سٷيۋدٸڭ جارقىن ٷلگٸسٸ دەۋگە بولادى. ونىڭ عيبراتتى عۇمىرى – ٶسكەلەڭ ۇرپاق ٷشٸن ەردايىم ٶنەگە», – دەدٸ مەملەكەت باسشىسى.
پرەزيدەنت الاش ارىسىنىڭ تۋعان جەرٸ تورعاي ٶڭٸرٸندە دٷبٸرلٸ توي ٶتكەنٸن, يۋنەسكو, تٷركسوي ۇيىمدارى اياسىندا القالى جيىندار ۇيىمداستىرىلعانىن اتاپ ٶتتٸ. احمەت بايتۇرسىنۇلىنىڭ 12 تومدىق شىعارمالار جيناعى باسىپ شىعارىلىپ, تاڭدامالى ەڭبەكتەرٸ 4 تٸلدە جارىق كٶردٸ.
«قوستاناي قالاسىنداعى ەۋەجايعا احمەت بايتۇرسىنۇلىنىڭ ەسٸمٸ بەرٸلدٸ. تورعايدا مٸرجاقىپ دۋلاتۇلى ەكەۋٸنە ەسكەرتكٸش ورناتىلىپ, قوس الىپتىڭ ەدەبي مۋزەيٸ تولىق جاڭعىرتىلدى. بىلتىر وسى الماتىداعى مۇراجايى مەملەكەت مەنشٸگٸنە قايتارىپ الىنعانىن بٸلەسٸزدەر. ەندٸ, مٸنە, قالا تٶرٸندە سەۋلەتتٸ ەسكەرتكٸشٸ بوي كٶتەردٸ. وسىنىڭ بەرٸ – حالقىمىزدىڭ ۇلت ۇستازىنا دەگەن ەرەكشە قۇرمەتٸنٸڭ بەلگٸسٸ. كەزٸندە مۇحتار ەۋەزوۆ «احاڭنىڭ قازاق بالاسىنا ٸستەگەن ەڭبەگٸن, ٶنەر, بٸلٸم, ساياسات جولىنداعى قاجىماعان قايراتىن بٸز ۇمىتساق تا, تاريح ۇمىتپايدى» دەگەن بولاتىن. احمەت بايتۇرسىنۇلىنىڭ ۇرپاققا امانات ەتكەن مول مۇراسى – قازاقتىڭ باعا جەتپەس اسىل قازىناسى. بٷگٸندە احمەتتانۋ عىلىمىنا بەت بۇرىپ, عالىمنىڭ شىعارماشىلىعىن زەرتتەپ جٷرگەن جاستاردىڭ قاتارى كٶبەيٸپ كەلەدٸ. بۇل – ۇلى تۇلعانىڭ ۇلاعاتتى جولى ەشقاشان ٷزٸلمەيدٸ دەگەن سٶز», – دەدٸ قاسىم-جومارت توقاەۆ.
مەملەكەت باسشىسى سالتاناتتى رەسٸمنەن كەيٸن اقىننىڭ ۇرپاقتارىمەن, زييالى قاۋىم ٶكٸلدەرٸمەن, سونداي-اق ەسكەرتكٸش اۆتورلارى ايدوس بٷركٸتباەۆپەن جەنە تيمۋر ەرمۇحامەتوۆپەن ەڭگٸمەلەسٸپ, سۋرەتكە تٷستٸ.
