فوتو: اشىق دەرەككٶز
مەملەكەت باسشىسى قاسىم-جومارت توقاەۆ عىلىم جەنە تەحنولوگييالار جٶنٸندەگٸ ۇلتتىق كەڭەستٸڭ وتىرىسىندا سٶز سٶيلەپ, ەلدٸڭ عىلىمي-يننوۆاتسييالىق ەلەۋەتٸن ارتتىرۋعا باعىتتالعان بٸرقاتار باستامالاردى جارييالادى, دەپ حابارلايدى Ult.kz.
پرەزيدەنتتٸڭ ايتۋىنشا, قازٸر جەر قويناۋىن يگەرۋشٸ كومپانييالار تابىسىنىڭ بٸر پايىزىن عىلىمدى دامىتۋعا بٶلٸپ وتىر. بۇل قاراجات سالىق رەتٸندە ەمەس, ەلٸمٸزدٸڭ تەحنولوگييالىق ەلەۋەتٸن كٶتەرۋگە قوسىلعان ٷلەس رەتٸندە قاراستىرىلۋى تيٸس.
– ٷكٸمەت وسى قاراجاتتىڭ بٸر ورتالىقتان ٷنەمدٸ, تيٸمدٸ ەرٸ اشىق جۇمسالۋىن قامتاماسىز ەتۋٸ كەرەك. اتوم سالاسىن زەرتتەيتٸن عىلىمي قالاشىقتار قۇرۋعا ەرەكشە نازار اۋدارۋ قاجەت. الماتىداعى يادرولىق فيزيكا ينستيتۋتىنىڭ بازاسىندا كٶپ ماقساتتى زەرتتەۋ رەاكتورىن سالۋ مٷمكٸندٸگٸن قاراستىرعان جٶن. جالپى, ينستيتۋتتىڭ ەلەۋەتٸ جوعارى. ەلٸمٸزدٸڭ جاڭا عىلىمي قالاشىعىن وسى مەكەمەنٸڭ نەگٸزٸندە قۇرۋعا بولادى, – دەدٸ قاسىم-جومارت توقاەۆ.
مەملەكەت باسشىسى اباي وبلىسىندا اەس سالۋ پەرسپەكتيۆالارىنا بايلانىستى كۋرچاتوۆتاعى عىلىمي قالاشىقتىڭ ەگجەي-تەگجەيلٸ جوسپارىن ەزٸرلەۋدٸ تاپسىردى. بۇل ٸسكە عىلىم اكادەميياسى, وبلىس ەكٸمدٸگٸ جەنە ۇلتتىق يادرولىق ورتالىق قاتىسۋى قاجەت.
سونىمەن قاتار يادرولىق ينفراقۇرىلىمدى نىعايتۋ ٷشٸن مەملەكەت-جەكەمەنشٸك سەرٸكتەستٸگٸنٸڭ تيٸمدٸ تەتٸكتەرٸن ەزٸرلەۋ مٸندەتٸ قويىلدى.
پرەزيدەنت ٶز سٶزٸندە يادرولىق مەديتسينانى دامىتۋدىڭ ماڭىزدىلىعىنا دا توقتالدى.
– وزىق يادرولىق تەحنولوگييالاردى قولدانۋ ارقىلى ۇلتتىق دەنساۋلىق ساقتاۋ جٷيەسٸنٸڭ تيٸمدٸلٸگٸن ەدەۋٸر ارتتىرۋعا بولادى. ەسٸرەسە, ونكولوگييالىق جەنە جٷرەك-قان تامىرلارى اۋرۋلارىن ەمدەۋدە جاڭا مٷمكٸندٸكتەر اشىلادى. ٷكٸمەتتٸڭ مٸندەتٸ – وتاندىق راديوفارماتسەۆتيكالىق پرەپاراتتاردى ەزٸرلەۋ جەنە ولاردى قولدانىسقا ەنگٸزۋ. سونداي-اق جەتەكشٸ كلينيكالار مەن ۋنيۆەرسيتەتتەر جانىنان يادرولىق مەديتسينا ورتالىقتارىنىڭ جەلٸسٸن قۇرۋ قاجەت, – دەدٸ مەملەكەت باسشىسى.
