سولتٷستٸك قازاقستان وبلىسىنىڭ قۇرمەتتٸ ازاماتى, مايدانگەر, ٶلكەتانۋشى, جازۋشى سەرگەي پرەسنياكوۆ بٷگٸن 100 جاسقا تولدى, دەپ حابارلايدى قازاقپارات.
پەتروپاۆلدا ەكٸنشٸ دٷنيەجٷزٸلٸك سوعىستىڭ ارداگەرٸ سەرگەي پرەسنياكوۆتىڭ مەرەيتويىنا وراي سالتاناتتى جيىن ٶتتٸ. مايدانگەرگە قۇرمەت كٶرسەتۋ كەزٸندە سقو ەكٸمٸ قۇمار اقساقالوۆ ەل پرەزيدەنتٸنٸڭ العىس حاتىن وقىپ, تٶسبەلگٸنٸ تابىس ەتتٸ.
«سەرگەي ميحايلوۆيچتٸڭ ەسٸمٸ سولتٷستٸك قازاقستان وبلىسىنىڭ تاريحىنا التىن ەرٸپتەرمەن جازىلعان. سەرگەي پرەسنياكوۆ – بٸزدٸڭ ەل تاريحىنداعى كٶپتەگەن وقيعالاردىڭ كۋەگەرٸ جەنە قاتىسۋشىسى. ول مەسكەۋ تٷبٸندەگٸ شايقاستاردا سوعىسىپ, 38 اتقىشتار بريگاداسىندا قىزمەت ەتتٸ. سوعىستان كەيٸن پارتييا ورگاندارىندا جۇمىس ٸستەدٸ, ارداگەرلەر ۇيىمىن باسقاردى.
ٶمٸرٸنٸڭ كٶپ بٶلٸگٸن بٸزدٸڭ ايماقتىڭ تاريحىن زەرتتەۋگە ارنادى. سولتٷستٸك قازاقستاننىڭ ٶلكەتانۋىنىڭ دامۋىنا باعا جەتپەس ٷلەس قوستى. ستۋدەنتتەرگە ٶلكەتانۋ جەنە تۋعان ٶلكە تاريحى كۋرستارىنان ساباق بەردٸ. ونىڭ اۆتورلىعىمەن جازىلعان كٸتاپتار ارقىلى وقىرمان ەل تاريحىنان حاباردار بولادى», - دەدٸ ٶڭٸر باسشىسى.
سەرگەي پرەسنياكوۆ كٶپتەگەن وردەن-مەدالدىڭ يەگەرٸ, «قۇرمەت بەلگٸسٸ» وردەنٸن عانا 4 رەت العان. رەسەيدٸڭ سامارا وبلىسىنىڭ تۋماسى سقو-عا شامامەن 90 جىل بۇرىن كەلگەن ەكەن. ەڭبەك جولىن 1939 جىلى ومبى تەمٸرجولى پەتروپاۆل ستانساسىندا ەكونوميست بولىپ باستايدى. كٶپ ۇزاماي سوعىس باستالىپ, 19 جاسىندا سەرگەي پرەسنياكوۆ مايدانعا اتتانادى. باتىس, سولتٷستٸك-باتىس مايداندارى مەن مەسكەۋ تٷبٸندەگٸ شايقاستارعا قاتىسادى.
سوعىستان كەيٸن ەرتٷرلٸ سالادا جۇمىس ٸستەدٸ. زەينەت دەمالىسىنا شىققاسىن دا قىزمەتتەن قول ٷزبەي, پەتروپاۆل جوعارى وقۋ ورنىندا تۋعان ٶلكە مەن قازاقستان تاريحىنان ساباق بەرەدٸ. ٶلكە تاريحىن زەرتتەۋدەن دە قول ٷزبەيدٸ. سەرگەي پرەسنياكوۆ 10-نان استام كٸتاپتىڭ اۆتورى. سونىڭ ٸشٸندە 300-دەن استام ماقالا كٸرگەن «سولتٷستٸك قازاقستان وبلىسى» ەنتسيكلوپەديياسى دا بار.
1980-شٸ جىلدارى سەرگەي پرەسنياكوۆ سقو ارداگەرلەر كەڭەسٸنٸڭ تٶراعاسى بولعان تۇسىندا ونىڭ باستاماسىمەن پەتروپاۆلدا جەڭٸس ساياباعى پايدا بولدى.
