اقتٶبە وبلىسىنان ۇسىنىلعان ٷمٸتكەرلەردٸڭ ٸشٸندە جاستار جەنە مەديتسينا قىزمەتكەرٸ بار. ولار «Nur Otan» پارتيياسى اقتٶبە وبلىستىق فيليالىنىڭ كەزەكتەن تىس XXX كونفەرەنتسيياسىندا پٸكٸرسايىس پەن داۋىس بەرۋ قورىتىندىسى ارقىلى انىقتالدى, دەپ حابارلايدى "ۇلت اقپارات".
ٶڭٸردە ٷمٸتكەرلەر اراسىندا پٸكٸرسايىس ٶتتٸ. ولار ٶز سايلاۋالدى باعدارلاماسىن تانىستىرىپ, جوبالارىن ۇسىندى. كەيبٸرٸ ٶزەكتٸ مەسەلەلەردٸ قوزعاپ, شەشۋ جولىن كٶرسەتتٸ.
پٸكٸرسايىس قورىتىندىسى بويىنشا 15 ٷمٸتكەرگە «پرايمەريز» اقپاراتتىق جٷيەسٸ ارقىلى 109 دەلەگات داۋىس بەردٸ. نەتيجەسٸندە ەڭ كٶپ ۇپاي جيناعان تٶرتەۋٸ وبلىستىڭ ٶكٸلدٸك كۆوتاسىنا سەيكەس مەجٸلٸستەگٸ پارتييالىق تٸزٸمگە ٷمٸتكەر رەتٸندە تٸركەلدٸ.
نەتيجەسٸندە گرەك-ريم, ەركٸن جەنە ەيەلدەر كٷرەسٸ وبلىستىق فەدەراتسيياسىنىڭ پرەزيدەنتٸ راحات سىدىقوۆ ەڭ كٶپ داۋىس جينادى. ەكٸنشٸ ورىندى 96 داۋىسپەن مەملەكەتتٸك قىزمەتكەر امانعالي بەردالين يەلەندٸ.
سونىمەن بٸرگە تٸزٸمگە «DARU Medical Group» باس ديرەكتورى عالىمجان ەلەۋوۆ, «Jas Otan» جاستار قاناتى اقتٶبە وبلىستىق فيليالىنىڭ تٶراعاسى اسىلجان بٷركٸتالين كٸردٸ.
«پرايمەريز – بٸزدٸڭ ورتاق جەڭٸسٸمٸز. ماقسات بٸر. ول ماقسات – ەل مەن حالىققا قىزمەت ەتۋ, مەملەكەتٸمٸزدٸ كٶركەيتۋ. پٸكٸرسايىس بارىسىندا تٷرلٸ مەسەلە كٶتەرٸلدٸ, ونىڭ شەشۋ جولدارى دا ايتىلدى. مۇندا «جٷزدەن جٷيرٸك, مىڭنان تۇلپار» دەگەندەي ەڭ ٷزدٸگٸ انىقتالدى», - دەدٸ پارتييانىڭ وبلىستىق فيليالىنىڭ تٶراعاسى, وبلىس ەكٸمٸ وڭداسىن ورازالين. كونفەرەنتسييادا وبلىستىق مەسليحاتقا 50 ادامنان تۇراتىن پارتييالىق تٸزٸم بەكٸتٸلدٸ. ونىڭ ٸشٸندە ەيەلدەردٸڭ ٷلەسٸ 9 پايىزدان 30 پايىزعا ال 35 جاسقا دەيٸنگٸ جاستار قاتارى 20 پايىزعا ارتتى. تٸزٸمدەگٸلەردٸڭ 41 پايىزىن شاعىن جەنە ورتا بيزنەس ٶكٸلدەرٸ قۇرادى. ال بٸلٸم بەرۋ سالاسى 13 پايىز, كۆازيمەملەكەتتٸك سەكتور – 8 پايىز.
ايتا كەتۋ كەرەك, وبلىس بويىنشا پرايمەريزدٸڭ بٸرٸنشٸ كەزەڭٸنە 460 ٷمٸتكەر قاتىستى. ونىڭ 36,7 پايىزىن ەيەلدەر, 28 پايىزىن 35 جاسقا دەيٸنگٸ جاستار قۇرادى.
داۋىس بەرۋگە 28,6 مىڭنان استام پارتييا مٷشەسٸ قاتىستى.
