باس كٶلٸك پروكۋراتۋراسى ەسكٸ-قۇسقى جايما مەن ميكروبقا تولى ۆاگوندارداعى سوراقىلىقتى ەشكەرەلەگەن سوڭ, «قازاقستان تەمٸر جولى» ولقىلىقتى تٷزەتۋگە دەرەۋ كٸرٸستٸ. جول ەرەجەسٸن شۇعىل ٶزگەرتٸپ جاتقان تەمٸرجولشىلار تٸپتٸ, جولسەرٸكتەردەن جولاۋشىلاردىڭ ۇيالى تەلەفونىن قۋات كٶزٸنە تەگٸن قوسۋدى تالاپ ەتٸپ جاتىر, دەپ حابارلايدى كتك ارناسى.
ٶيتكەنٸ, «تۇلپار-تالگودان» بٶلەك پويىزداردىڭ بارلىعىندا توق كٶزٸ تەك جولسەرٸكتەردٸڭ كۋپەلەرٸندە بار. ال ولار جولاۋشىلاردان اقشا سۇرايتىنى بەلگٸلٸ. تٸپتٸ, ۆاگون ٸشٸندەگٸ تازالىقتى ساقتاۋدىڭ ورنىنا مۇنى بيزنەسكە اينالدىرىپ العاندار كٶپ. سوندىقتان باسى داۋعا قالعان «قازاقستان تەمٸر جولى» ەندٸ پويىزداردا باقىلاۋدى كٷشەيتٸپ, توزىعى شىققان ەسكٸ ۆاگونداردى جاپپاي جٶندەيمٸز دەپ سەندٸرٸپ وتىر. ال, جولسەرٸكتەردٸڭ جولاۋشىلاردان اقشا العانى انىقتالسا, بٸردەن جۇمىستان قۋىلماق.
"ۇيالى تەلەفوندار بولسىن, باسقاسى بولسىن ولاردى جولسەرٸكتەرگە زاريادتاۋعا قاتاڭ تىيىم سالىنعان. ٶيتكەنٸ, بۇل قىزمەت جولاۋشىلارعا تەگٸن بولىپ كەلەدٸ", - دەيدٸ «جولاۋشىلار تاسىمالى» اق ۆيتسە-پرەزيدەنتٸ اسىلحان قالدىكٶزوۆ.
.jpeg)