پورتۋگالييانىڭ اۆياتسييالىق وقيعالاردىڭ الدىن الۋ جەنە تەرگەۋ دەپارتامەنتٸ (GPIAAF) «ەير استانا» ەۋەكومپانيياسىنىڭ 1388 تەحنيكالىق رەيسٸندا بولعان وقيعانى تەكسەرۋدٸ اياقتادى, – دەپ حابارلايدى ازاماتتىق اۆياتسييا كوميتەتٸ.
GPIAAF ەۋە كەمەسٸنٸڭ ۇشۋىن باسقارۋ قۇرالدارىن ەگجەي-تەگجەيلٸ زەرتتەۋ پورتۋگالييادا تەحنيكالىق قىزمەت كٶرسەتۋ كەزٸندە ەلەرونداردى باسقارۋدىڭ كابەلدٸك جٷيەسٸن دۇرىس ورناتپاعانىن كٶرسەتتٸ.
Embraer (SB 190-57-0038) سەرۆيس بيۋللەتەنٸنە سەيكەس جاسالعان موديفيكاتسييا ۇشاقتا كابەلدٸ تٶسەۋ تٸرەگٸن ٶزگەرتتٸ. بۇل ٶزگەرٸس ەلەرونداردى باسقارۋ جٷيەسٸنٸڭ كوماندالارىن تٷسٸنۋدٸ قيىنداتتى.
تەحنيكالىق قىزمەت كٶرسەتۋ كەزٸندە قوزعالتقىشتى ينديكاتسييالاۋ جەنە ەكيپاجدى حاباردار ەتۋ جٷيەسٸ (EICAS) «FLT CTRL NO DISPATCH« ەسكەرتۋ حابارلاماسىن كٶرسەتتٸ.
بۇل ۇشۋدى باسقارۋ جٷيەسٸنٸڭ قۇرامداس بٶلٸكتەرٸنٸڭ بٸرٸ ٸستەن شىققانىن بٸلدٸرەدٸ. تەحنيكالىق قىزمەت كٶرسەتۋشٸ تاراپىنان اقاۋلاردى جويۋ بويىنشا ەرەكەتتەر ۇشاق ٶندٸرۋشٸسٸنٸڭ قولداۋىمەن 11 كٷنگە سوزىلدى.
الايدا, وسى كەزەڭدە ەلەرون كابەلدەرٸنٸڭ ٶزگەرٸسٸ انىقتالعان جوق.
سونداي-اق, ۇشۋ الدىندا ەۋە كەمەسٸنٸڭ ەكسپلۋاتاتسييالىق تەكسەرۋلەرٸ بارىسىندا باقىلاۋ كابەلدەرٸنٸڭ ورىن اۋىستىرۋىنان تۋىنداعان ەلەرونداردىڭ دۇرىس جۇمىس ٸستەمەۋٸ انىقتالمادى» - دەلٸنگەن ەسەپتە.
سونداي-اق, پورتۋگالدىق اۆياتسييالىق وقيعاسىن تەرگەۋشٸلەر قازاقستاندىق ەۋە كەمەسٸ ەكيپاجىنىڭ ۇشاقتى باسقارۋ داعدىلارى مەن كەسٸبي ٸس-قيمىلدارىن اتاپ ٶتتٸ.
«ەكيپاج ۇشاقتى تيٸمدٸ باسقارا المايتىنىن تٷسٸنە وتىرىپ, كەيبٸر قالپىنا كەلتٸرۋ مانەۆرلەرٸ كەزٸندە تارتىلعان جوعارى كونسترۋكتسييالىق جٷكتەمەلەردە جەنە قيىلىسقان كوماندالاردى پايدالانا وتىرىپ تەربەلٸستٸ قوزعالىستى بارىنشا ازايتتى. ۇشاق جٷيەلەرٸندە اقاۋ بەلگٸلەرٸ بولماسا دا, تەك ۇشۋدىڭ قالىپتى ەمەس جاعدايى تۋرالى ٷنەمٸ ەسكەرتۋمەن, ونى باقىلاۋ ٷشٸن كٷرەسۋدٸ جالعاستىرا وتىرىپ, ۇشاقتىڭ قالىپتى ەمەس اينالىمىنىڭ سەبەبٸن دياگنوستيكالاۋ كەزٸندە دەرەۋ تٶتەنشە جاعداي جارييالاندى. جاعداي جاقسارمادى, ورىندالعان تراەكتورييالار ۇشاق پەن بورتتاعى ادامداردى قارقىندى جٷكتەمەلەرگە تٶتەپ بەرۋگە مەجبٷر ەتتٸ, كەيبٸر جاعدايلاردا ۇشاق ٶزٸن-ٶزٸ باقىلاۋدى بٸرنەشە سەتكە جوعالتتى. قيىن جاعدايدى ەسكەرە وتىرىپ, ەكيپاج تەڭٸزگە جەتۋ مٷمكٸندٸگٸن الۋعا بٸرنەشە رەت كوماندا سۇرادى. ەكيپاج ەلەروندار رەتسٸز ەرەكەت ەتەتٸنٸن تٷسٸندٸ, سوندىقتان ۇشاقتىڭ كرەنٸ ٷشٸن كەز-كەلگەن كوماندا بارىنشا ازايتىلدى. جاعدايدى باقىلاۋعا العاننان كەيٸن ەكيپاج شىعىسقا قاراي ۇشىپ, ەۋەجايدا اپاتتى جاعدايدا قونۋ ٷشٸن ەۋە قوزعالىسىنىڭ ديسپەتچەرٸ بەلگٸلەگەن ۇشۋ جوسپارىن ورىنداي باستادى. ەكٸ تۇراقتاندىرىلماعان تەسٸلدەن كەيٸن تەك ٷشٸنشٸ رەت قونۋعا ەرەكەتتەنگەن كەزدە ۇشاق قاۋٸپسٸز قوندى», - دەپ جازىلعان پورتۋگالييانىڭ اۆياتسييالىق وقيعالاردىڭ الدىن الۋ جەنە تەكسەرۋ دەپارتامەنتٸنٸڭ قورىتىندىسىندا.
قازٸرگٸ ۋاقىتتا «ەير استانا» ەۋەكومپانيياسى ەسەپتٸڭ كٶپتەگەن اسپەكتٸلەرٸ بويىنشا شارا قابىلداپ, جاقىندا قازاقستاننىڭ اۆياتسييالىق ەكٸمشٸلٸگٸمەن بولعان وقيعانىڭ كەيبٸر ەگجەي-تەگجەيٸن تالقىلادى.
«كەز كەلگەن وسىنداي جاعداي ارقىلى بٸز بولاشاقتا مۇنداي وقيعالاردى بولدىرماۋعا نە كٶمەكتەسەتٸنٸن بٸلە الامىز. بۇل - ماڭىزدى دايىندىق پەن تٷسٸنۋدٸ تالاپ ەتەتٸن كٷردەلٸ ۇشاق. ەسەپ ٶتە اۋقىمدى جەنە ونىڭ ۇسىنىستارىن باعالاۋ ٷشٸن بٸرنەشە اي قاجەت بولادى. ۇشاقتىڭ بٷكٸل قازاقستاندىق ۇلتتىق ەكيپاجى قاتتى زاقىمدالعان ۇشاقتى جەرگە قوندىرىپ, ٶتە جاقسى جۇمىس اتقاردى.
بۇل - ولاردىڭ كەسٸپقويلىعى مەن جانقييارلىعىنىڭ, ەكيپاجدىڭ جەر بەتٸندە ادام شىعىنىنا جول بەرمەۋ ٷشٸن ەۋە كەمەسٸن اتلانت مۇحيتىنا جٸبەرۋگە دايىن ەكەندٸگٸنٸڭ دەلەلٸ بولادى», - دەيدٸ قازاقستان اۆياتسييا ەكٸمشٸلٸگٸنٸڭ باس ديرەكتورى پيتەر گريففيتس.
مۇنداي قاجەتتٸلٸك بولمادى جەنە ەۋە كەمەسٸنٸڭ كومانديرٸ ونى بەجا قالاسىنىڭ ەۋەجايىنا سەتتٸ وتىرعىزدى. قازاقستاننىڭ اۆياتسييالىق ەكٸمشٸلٸگٸ ەكيپاجعا كەسٸبيلٸگٸ ٷشٸن جەنە «ەير استانا» ەۋەكومپانيياسىنا وسىعان مٷمكٸندٸك جاساعان تيٸستٸ دايىندىعى ٷشٸن العىس بٸلدٸرەدٸ.
ەسكە سالا كەتەيٸك, 2018 جىلدىڭ 11 قاراشاسىندا «ەير استانا» ەۋەكومپانيياسىنىڭ Embraer 190 ۇشاعى پورتۋگالييانىڭ اۆياتسييالىق-تەحنيكالىق ورتالىعىنان قازاقستانعا KC1388 رەيسٸن ورىندادى. ۇشۋ كەزٸندە تەحنيكالىق اقاۋ پايدا بولدى, وسىعان بايلانىستى ەكيپاج قاۋٸپسٸزدٸك ەرەجەلەرٸنە سەيكەس جاقىن ماڭداعى ەۋەجايعا قونۋعا شەشٸم قابىلدادى. ەۋە كەمەسٸ بەجا قالاسىنىڭ ەسكەري ەۋەجايىنا امان-ەسەن قوندى. بورتتا جولاۋشىلار بولعان جوق.
