بٷگٸن فۋتزالدان ەلەم چەمپيوناتى اياقتالدى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
ارگەنتينا مەن پورتۋگالييا قۇرامالارى تارتىستى ويىن ٶتكٸزدٸ. بٸرٸنشٸ كەزەڭنٸڭ 15-مينۋتىندا پورتۋگالييالىق فۋتزالشىلار مەرگەندٸك تانىتتى.
ەكٸنشٸ كەزەڭنٸڭ 28-مينۋتىندا پاني ەكٸنشٸ گولدىڭ اۆتورى اتانسا, كٶپ ۇزاماي ارگەنتينالىق انحەل كلاۋدينو ەسەپ ايىرماسىن قىسقارتتى.
كەزدەسۋ بارىسىندا پورتۋگالييا قارسىلاسىنان 2:1 ەسەبٸمەن باسىم تٷستٸ. نەتيجەسٸندە بيىلعى ەلەم چەمپيونى اتاعىن جەڭٸپ الدى.
ايتا كەتسەك, بۇعان دەيٸن برازيلييا 5 (1989, 1992, 1996, 2008, 2012) مەرتە چەمپيون اتاندى. ال يسپانييا 2 (2000, 2004) مەرتە جەڭٸمپاز تۇعىرىنا كٶتەرٸلسە, ارگەنتينا 1 (2016) مەرتە التىننان القا تاقتى.
دٷبٸرلٸ دودادا بارلىعى 24 قۇراما باق سىنادى. قازاقستاندىق فۋتزالشىلار ا توبىندا سىنعا تٷستٸ. قارسىلاستارى - ليتۆا, ۆەنەسۋەلا, كوستا-ريكا.
توپتىق كەزەڭدە بٸرٸنشٸ ورىن العان قازاقستاندىق قۇراما ودان كەيٸن 1/8 فينالدا تايلاندتان 7:0 ەسەبٸمەن باسىم تٷسٸپ, شيرەك فينالدا يراندى 3:2 ەسەبٸمەن سٷرٸندٸردٸ. ال جارتىلاي فينالدا پورتۋگالييامەن وۆەرتايمدا 2:2 ەسەبٸمەن تەڭ تٷسٸپ, پەنالتي تەبۋدە قارسىلاسىنا جول بەردٸ.
ال 3-ورىن ٷشٸن سايىستا برازيليياعا 2:4 ەسەبٸمەن جول بەردٸ. بيىل توپتىق كەزەڭدە قازاقستان قۇراماسى بيىل تٶرتٸنشٸ ورىن الدى.
بۇدان بۇرىن 2000 جىلى بٸرٸنشٸ كەزەڭنەن اسا الماسا, 2016 جىلى 1/8 فينالعا دەيٸن جەتتٸ.
