اقش مەملەكەتتٸك حاتشىسى مايك پومپەو 13 مامىردا يزرايلگە باردى. ساپار بارىسىندا پرەمەر-مينيستر بينيامين نەتانياحۋ جەنە ٷكٸمەتتٸڭ ٶزگە دە مٷشەلەرٸمەن كەلٸسسٶز جٷرگٸزەدٸ, تاياۋ شىعىستاعى يران ەرەكەتٸ مەن COVID-19 پاندەميياسى مەسەلەسٸن دە تالقىلايدى دەپ ايتىلادى.
ٶتكەن اپتادا اقش مەملەكەتتٸك حاتشىسىنىڭ تاياۋ شىعىس ەلدەرٸ بويىنشا كٶمەكشٸسٸ دەۆيد شەنكەر كەلٸسسٶز بارىسىندا يراننىڭ ايماقتاعى "احۋالدى تۇراقسىزداندىراتىن ەرەكەتتەرٸ", سيريياداعى جاعداي, ليۆانداعى "حەزبوللا" توبىنىڭ قيمىلى سيياقتى مەسەلەلەر تالقىلانادى دەپ ايتقان بولاتىن.
شەنكەردٸڭ ايتۋىنشا, اقش قاڭتار ايىندا ترامپ جارييالاعان تاياۋ شىعىستاعى بەيبٸت جوسپارىن ەرٸ قاراي جٷزەگە اسىرۋعا كٷش سالادى. نەتانياحۋ بۇل جوسپاردى جىلى قارسى العانمەن پالەستينالىقتار وعان تٷبەگەيلٸ قارسى شىققان.
شەنكەردٸڭ سٶزٸنە قاراعاندا, پومپەو جوسپارىندا پالەستينانىڭ لاۋازىمدى تۇلعالارىمەن كەزدەسۋ قاراستىرىلماعان. ول يزرايلدٸك باق-تا جاقىندا جارييالانعان يراندىق كٷشتەر سيرييادان كەتە باستادى دەگەن اقپاراتقا تٷسٸنٸكتەمە بەرۋدەن باس تارتقان.
