پولشا ەسكەرٸنٸڭ وتستاۆكاداعى گەنەرالى ۆالدەمار سكشيپچاك كالينينگراد وبلىسىن 1945 جىلى رەسەي باسىپ العانىن مەلٸمدەدٸ, - دەپ جازادى Do Rzeczy گازەتٸ.
گەنەرالدىڭ سٶزٸنشە, رەسەيدٸڭ كالينينگراد وبلىسى پرۋسسييا مەن پولشانىڭ بايىرعى جەرٸ, سوندىقتان ۆارشاۆا بۇل مەسەلەنٸ كٶتەرۋگە تيٸس.
بۇعان رەسەي سىرتقى ٸستەر مينيسترلٸگٸنٸڭ ارناۋلى ٶكٸلٸ مارييا زاحاروۆا "مەسەلەنٸ قالاي كٶتەرسە, سولاي تٷسٸرەدٸ" دەپ جاۋاپ قاتتى.
پولشا گەنەرالىنىڭ مەلٸمدەمەسٸنە رەسەي فەدەراتسييا كەڭەسٸنٸڭ تٶراعاسى كونستانتين كوساچەۆ پەن كالينيگراد وبلىسىنىڭ ٷكٸمەتٸ باسپاسٶز قىزمەتٸنٸڭ جەتەكشٸسٸ دميتريي لىسكوۆ رەاكتسييا بٸلدٸردٸ. ەكەۋٸ دە سكشيپچاكقا ٶتكەن تاريحتى قايتا وقۋعا كەڭەس بەردٸ.
"ەشقاشان پولشاعا تيەسٸلٸ بولعان ەمەس. بۇل اقىماق مەلٸمدەمە. كالينينگراد بالتىق جاعاسىنداعى ورىس قالاسى بولعان, بولىپ تا قالا بەرەدٸ", - دەدٸ لىسكوۆ.
ەكٸنشٸ دٷنيەجٷزٸلٸك سوعىستان كەيٸن شىعىس پرۋسسييانىڭ سولتٷستٸك بٶلٸگٸ سوۆەت وداعىنا, قالعانى پولشا حالىق رەسپۋبليكاسىنا بەرٸلگەن. ول جەرگە سوۆەت وداعى 1946 جىلى كەنيگسبەرگ وبلىسىن قۇرىپ, ارتىنشا كەنيگسبەرگتٸ كالينينگراد دەپ ٶزگەرتكەن.
سكشيپچاك "كالينينگراد وبلىسىنىڭ ەسكەري ماڭىزى جوق" دەگەنٸمەن 2018 جىلى قاڭتاردا رەسەي قورعانىس مينيسترلٸگٸ ول وبلىسقا "يسكاندەر" زىمىران كەشەنٸن ورنالاستىرعان جەنە ونىسىن "ەۋروپادا رەسەيگە باعىتتالىپ تۇرعان زىمىران جٷيەسٸنە قارسى كٷش" دەپ تٷسٸندٸرگەن.
