فوتوكوللاج: Ulysmedia.kz
پولشادان قارجى پيراميداسىنىڭ جەتەكشٸلەرٸنٸڭ بٸرٸ ەكستراديتسييالاندى, - دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
پولشانىڭ ەدٸلەت مينيسترلٸگٸ ترانسۇلتتىق ۇيىمداسقان توپ قۇرامىندا «QI Trade Kazakhstan» قارجى پيراميداسىن باسقارعانى ٷشٸن ٸزدەۋدە جٷرگەن ك-نى ەكستراديتسييالاۋ تۋرالى قازاقستان باس پروكۋراتۋراسىنىڭ ٶتٸنٸشٸن قاناعاتتاندىردى.
"ول 2018-2020 جىلدار ارالىعىندا بٶتەننٸڭ مٷلكٸن جىمقىرۋ ماقساتىندا قارجى پيراميداسىنىڭ جەتەكشٸلەرٸنٸڭ بٸرٸ بولا تۇرا, ازاماتتاردىڭ اقشالاي سالىمدارىن جالعان جوبالارعا تارتۋدىڭ قىلمىستىق سحەماسىن ۇيىمداستىرىپ, ٷلكەن پايىزدارمەن تٶلەم جاساۋ ەلەسٸن قالىپتاستىرعان دەگەن كٷدٸككە ٸلٸنگەن. ۇيىمداسقان توپ مٷشەلەرٸنٸڭ قىلمىستىق ەرەكەتتەرٸنٸڭ نەتيجەسٸندە زارداپ شەككەن 1345 جەبٸرلەنۋشٸگە 6,3 ميلليارد تەڭگەدەن استام شىعىن كەلتٸرٸلگەن", - دەلٸنگەن حابارلامادا.
ۆەدومستۆو مەلٸمەتٸنشە, قىلمىستاردى جاساعاننان كەيٸن "ك" قىلمىستىق قۋدالاۋ ورگاندارىنان جاسىرىنعان, سوندىقتان وعان حالىقارالىق ٸزدەۋ جارييالانعان.
"بٷگٸن باس پروكۋراتۋرا مەن ٸشكٸ ٸستەر مينيسترلٸگٸنٸڭ قىزمەتكەرلەرٸ سىرتقى ٸستەر مينيسترلٸگٸنٸڭ كٶمەگٸمەن كٷدٸكتٸ "ك" قىلمىستىق جاۋاپكەرشٸلٸككە تارتۋ ٷشٸن قازاقستانعا ەكستراديتسييالاندى. قازٸرگٸ ۋاقىتتا ول استاناداعى ۋاقىتشا ۇستاۋ يزولياتورىنا قامالدى", - دەلٸنگەن حابارلامادا.
وسى قىلمىستاردى جاساعانى ٷشٸن ول 5 جىلدان 12 جىلعا دەيٸن باس بوستاندىعىنان ايىرىلۋى مٷمكٸن.
ايتا كەتۋ كەرەك, پولشا العاش رەت ٸزدەۋدە جٷرگەن ادامدى قازاقستانعا ەكستراديتسييالادى, بۇل بٸزدٸڭ ەلٸمٸزدە جٷرگٸزٸلٸپ جاتقان رەفورمالارعا, ونىڭ ٸشٸندە قىلمىستىق-قۇقىقتىق سالاعا دەگەن سەنٸمنٸڭ ارتقانىن كٶرسەتەدٸ.
